Tolupesi 9 - Bibilia Buk na Ŋun nagon koti luŋu a

Koŋon ko Tu ’bogon luluggu ŋutu

¹ Koŋon a ’dukökindyö mugun kadi gwoso ŋuto, lepeŋ aje togwi ’dikindya togwo-diesi kanyit buryo.

² Lepeŋ aje ’duŋgo lokore, ko aje ŋo ’ya binyo kanyit, lepeŋ koti aje peddya misa nanyit.

³ A nye sondi ŋwajik kö ’disi kakitak i ko ’dulan ti köji i luluŋgu na ŋutu,

⁴ adi, Ko ŋuto logon a lu ’boŋ ti nye iti kayaŋ mede. A Koŋon koti luŋgi ŋuto logon ’bak denesi adi,

⁵ Po koyo ni i nyesu na kinyo, ko i möju na binyo nagon nan aje ŋo ’ya kune.

⁶ Kölöki ŋuto lu ’boŋ, a do mo gwolore gwolor, ko woroni i kiko lo kurundyö na kulya.

⁷ Ŋuto logon yuyuggö ka ’do ’doyonit ’buta jakindya mugun i moro, nye logon ririŋga ŋuto loron ko kutuk jakindya mugun boŋoji.

⁸ Ko ririŋga ka ’dö ’doyönit ko kutuk an lepeŋ man do, ririŋge ŋuto lokoŋ a nye mo gwe aju ilot.

⁹ Tojumbi ŋuto lokoŋ, a nye mo kŋgoro ŋerot, todindye ŋuto lo rigwo, a lepeŋ mo ’ya ’yi dendya nanyit.

¹⁰ Suluja na koŋon po i kugga na Matat, kurundyö na kulya po i dendya na ŋilo Loke.

¹¹ Perok kulok mo ŋöŋoi kogwon nan Koŋon na ŋarakindya do, a do mo ’yalakine kulye kiŋajin i gwiuŋit ilot.

¹² Ko do a lokoŋ, koŋon inot na ŋarakindya do ka ’de, a ko do a ka ’dö ’döyönit do ka ’de mo lo ŋoŋga.

¹³ Tu ’böŋön gwon gwoso nakwan nagon a kawogonit; lepeŋ ’bak yeyeet, ko ti den nene ŋo.

¹⁴ Lepeŋ sisi ’datu i kötumit na kadi nanyit, a nye sisi ’dani i ko ’dulan ti köji,

¹⁵ a luluŋgi ŋutu lo lwölwöŋöddu logon tu kase i kikolin,

¹⁶ adi, Ko ŋuto logon a lu ’boŋ ti nye pondi köyö mede! A nye kulyani ko nye logon ’bak denesi lo adi,

¹⁷ Pioŋ na kokolwe paleleŋ, a kamulak nyaŋi kinyo logon nyei a lwön.

¹⁸ Ama ŋuto lo luŋu lo ti den adi twan kata nyu, adi komu ti ŋinu ŋuto gwon i togulu na pirit na mulökö.