Tolupesi 8 - Bibilia Buk na Ŋun nagon koti luŋu a

Koŋon a na ’but yeŋon nyin

¹ Koŋon ŋona ti luŋgu gwoso ŋuto le, Kurundyö na kulya ŋona ti ’doggu gworo lonyit ki i luŋgu le?

² Lepeŋ gwogwo ’di i ko ’dulan nyona ko kiko, a gwogwo ’dine i keresi ti kikolin.

³ A nye luŋuddi ki nyona ko kötumitön nagon lupörikin köji, i komor na kinu kötumitön;

⁴ adi, Ta kilo ŋutu, nan luŋgu ta, nan jambu ko ta ŋutu liŋ.

⁵ Ta ŋutu logon ko yeyeesi a namunyak, dinikine ta tokolor; ta ŋutu lu ’böŋ, jujumbi ta denesi nakoŋ.

⁶ Yiŋge ta, kogwon nan de jajambu kulyaesi lotolokok, kutuk nio de tuggö ŋo na rigwo.

⁷ Kogwon kutuk nio jambu to ’diri, a ŋedep lio mandi kulya narok.

⁸ Kulyaesi lo lupe köyö i kutuk kilo liŋ a lo rigwo; lele kulyaet ’bayin kase kata logon a wok kode a lukwölöŋ.

⁹ Se liŋ gwon gwogwo i ŋutu lo kurundyö kulya ko a gwak i se lo ryeju dendya kilo.

¹⁰ Wulundye ta tojumisi kwe ti gwon a pödö, wuji ta dendya na kulya lwölwöŋ dakap nake.

¹¹ Kogwon nan Koŋon a na ’but totoŋun ŋurupö nator na gwörö go; ŋo liŋ nagon do ’de ’deggi kune ti bulö töjowe ko nan.

¹² Nan Koŋon gwon ko tokolor, a dendya na totolok gwe köyö.

¹³ Kuka na MATAT gwon a mandu na toron. Nan maman bu ’ya na mugun, ko ’du ’duŋga, ko gwiliŋit loron, se ko ŋedep lojo.

¹⁴ Nan kata ko jujuwesi na ’but, se ko yeyeesi nakoŋ, nan nagon a Kurundyö na kulya; a riŋit gwe köyö.

¹⁵ Moran tutumatyan, a kasarak tetendi saresi lo rigwo kogwon nan na ŋarakindya se.

¹⁶ Ŋuto temejik se ko ŋutu lokukwon logon a ka ’duŋok ti putesi ti kak ’bukuluŋ kulo saŋu kogwon nan na ŋarakindya se.

¹⁷ Nan nyanyar ŋutu logon nyanyar nan, a se logon ga ’yu nan ko pusök kilo ryeji nan.

¹⁸ Tukwörienjin, ko bula, ko tukworien na yeyeŋon se ko gwolor na ’but gwon koyo.

¹⁹ Ludweki logon ’deya koyo kulo a lo ’but Iwolwoŋ dakap, ma ’di dakap nagon a nake parik, iŋkoi, go nagon a radan koyo kune totoŋun podo na nyunyumwe.

²⁰ Nan woro i kiko lo rigwo, nan kebbu gwoke lo tu i ’duŋgo gwogwo,

²¹ a nan tukworiendi ŋutu logon nyanyar nan kulo, a töjoreji gugwo kase.

²² Nan a suluundya ko MATAT i suluet na kitajin kanyit, iŋkoi, a kokwe na ŋo liŋ na gwe nye koju ’beron kunu.

²³ Nan köju a ’beron togwi ’diki a ’dutet, suluja i suluwa, i ŋerot nagon kak a ko nyuŋ suluki nu.

²⁴ Nan koju yuŋwe a torön nyuŋ ’bayin, i ŋerot nagon karya nyuŋ ’bayin lo ’bukundyö a pioŋ jore.

²⁵ Nan koju yuŋwe i ŋerot nagon merya a ko nyuŋ togwi ’diki ’bura kase i piriton, ko i ŋerot nagon lurwat nyuŋ ’bayin,

²⁶ iŋkoi, i ŋerot nagon nye a ko nyuŋ gweja kak ko meleseno kanyit, a kokwe nagon konyen ti kujoŋ ti kak a ko nyuŋ gweya.

²⁷ A nan koju gwe kata nagon lepeŋ tetenakindye ki kanyit i pirit nu, ko i diŋit nagon lepeŋ gerakindye lite na ki i loki na tör nu,

²⁸ ko i diŋit nagon lepeŋ gwekindye ’dikolo ti ki go nu, a nye tetenakindye konyen ti pioŋ ti tor duma na ’balaŋ adi gwiŋ kase i piriton.

²⁹ A nagon nye korakindye tor lokökoritan kanyit anyen pioŋ ti tor ködyö gwon ti laŋgu saresi kanyit, ko i diŋit nagon lepeŋ geŋi pipilesi ti kak nu,

³⁰ a i ŋinu diŋit a nan gwe kanyit nyona gwoso lupudi lonyit, a nan lyölyögine perok lio, i birye kanyit i komor i diŋitan liŋ,

³¹ a nan biryeni i kak ’bukuluŋ nagon sisi ’darikin na, a nan lyoŋi lyoŋon ko ŋutu.

³² Nyenagon ŋwajik kwe, yiŋge ta nan, ŋutu logon kebbu kikolin kwe kulo gwon a kalyöŋök!

³³ Yiŋge ta tojumisi anyen ta gwon a lokoŋ, an ta ko renya se kwöŋ.

³⁴ ŋuto logon yiŋga nan logon perok liŋ mömöndu nyona ko kötumit nio, a tökökindye mugun i kaden ti kotumit i tiju na nan lo, nye ’diri a kalyöŋi.

³⁵ Nye lo ryeju nan lo ryeju ru a nye puje ’busan ko MATAT i könin.

³⁶ Ama nye logon a ko ryo nan lo böŋöddu mugun nanyit. ŋutu liŋ logon maman nan kilo nyanyar twatwa.