Tolupesi 4 - Bibilia Buk na Ŋun nagon koti luŋu a

Koŋon tindu ŋutu ŋo na ’but

¹ ŋwajik kwe, yiŋge ta tojumisi ti monye losu, yiŋe ta ’bura, anyen ta boŋö deden kurundyö na kulya;

² kogwon nan jamakindya ta saresi lo ’but, ko boŋori ta todinesi kwe.

³ I diŋit na gwondi nan a ŋuro lo ’dit ko baba yu, ko a pilili koyaŋgo i komor nu,

⁴ baba koju a todinikin nan ŋo gwoso kine adi, ti nan ’debbi kulyaesi kanyit go koyo i töili; ko ti nan toi saresi kanyit ’bura anyen nan boŋo ruru.

⁵ Adi: ti nan ga ’yi koŋon ko kurundyo na kulya. Ti nan gwe ti boŋori kulya na jamakin lepeŋ nan kune, an nan ko girara kaŋo kata.

⁶ Adi: ti nan gwe ti kolokin koŋon, kogwon koŋon mo na yuggu nan; ti nan nyare nyar koŋon, a nye molu na toi nan.

⁷ Adi: ŋo nagon Iwolwoŋgu bia parik gwon a koŋon. Nyenagon ti nan ga ’yi koŋon ko kurundyö na kulya, ma ’di ködyö tutuŋoddu ŋo kwe liŋ.

⁸ Adi: ti nan ’depe lepeŋ go, a nye molu na ’dulukindye nan ki, a nye mo tindi nan i bula ko nan a kalabbu lepeŋ.

⁹ Adi: nye mo na tindu jibia koyo i kwe, a mo tindi nan Iŋguya lokwekwelen.

¹⁰ Ŋuro lio, yiŋge, ko ti töili ilot wuji kulyaesi kwe, anyen do molu gwolor diŋit a najo.

¹¹ Nan aje todinikin do kiko lo koŋon, a nan iŋge nyomoddu do i gwokiot lo rigwo.

¹² A na worojine do nu, a mokosi kulök mo tine kakala, a na woggiri do nu, a do mo tine kopuko.

¹³ Moke tojumisi go, an do ko koloro; tiji lepeŋat kogwon se gwon a ru inot.

¹⁴ Ko tanyakin moköt ilot i gwoke lo ŋutu lorok, an doko wörö i kiko lo katoronyak.

¹⁵ Ko girara nyin, an do ko kebbu ŋilo kiko, woripundye kaŋo kanyit, lwöŋöddi gwo.

¹⁶ Kogwon ŋutu lorok ti bulö doto ko se a ko nyuŋ kondya toron; doto nase ’bayin ko se a ko nyuŋ to ’doro ’yu ŋuto.

¹⁷ Kogwon se nyesu toron a kinyo lose, a möji kulya nagoŋ a yawa kase.

¹⁸ Ama kiko lo ŋutu ti löti lo rigwo gwon gwoso baŋun na kak, nagon pararaaddu tojo ko tuparan kiden.

¹⁹ A gwoke lo ŋutu lorok gwe gwoso mudwe logon adi ’dii, a se tine den ko ŋo a nyo nagon tuköpuggö lepeŋat.

²⁰ Ŋuro lio, yiŋge kulyaesi kwe ’bura, togwi ’dikindye swö kulök koyö i jamesi.

²¹ An do ko kölörö se konut i komor; ’delaki se go konut i töili lukata.

²² Kogwon ŋutu logon a ryeju kilo saresi a ryeju ru ko tokelet na mugunya kase ’bukuluŋ.

²³ Kegga tiji toili ilot ’bura, kogwon ru inot lelekun kata.

²⁴ Paji kulyaesi lukwölöŋök, gwo ’de pajo i jamesi lo neneŋeja.

²⁵ Meddi ŋerot go, diŋe ŋerot gwogwo.

²⁶ Yike yik mokosi kulök, anyen do jölö ’bura ’bak nene ŋo naron.

²⁷ Ko girara i swöt lo lutaten kode i swot lo kadoŋe, an do ko lupöki i kulya narok.