Tolupesi 10 - Bibilia Buk na Ŋun nagon koti luŋu a

Tuka ’de i kiden na ŋutu lo rigwo ko ŋutu lorok

¹ Tolupesi ti kulya na jam Solomona ŋuto lokoŋ tulyöŋgu monye, ama a ŋuro lu ’boŋ todelyaji ŋote.

² Tukworien na rye i kiko löron ’bak ’bulit kwöŋ; ama torigwo lwölwöggu ŋutu i twan.

³ MATAT ti kölörö ŋutu lo rigwo tu ko magor, ama a nye tuyaŋgi ŋutu lorok lo gogoma.

⁴ Konisi lokolokak jondya tolo-merian, ama könisi lo kikita jondya tukworien.

⁵ Ŋuro lo momora kinyojin ja ’be alokoŋ; ama ŋuro lo doto i ’butun jondya yu na kwe.

⁶ Ŋutu lo rigwo gwon ko ’boriesi, ama kulya naŋon muggo kutusen ti ŋutu lorok.

⁷ Yeyeo na ŋutu lo rigwo gwon a ’boriesi, ama a karin ti ŋutu lorok mo liki likin gwoso ŋo na ’burön.

⁸ Ŋutu lokoŋ ’debba saresi kase i töilyet, ama a kajamanit lu ’böŋ ’dorone ’doro.

⁹ Ŋutu logon wöröji i torigwo lepeŋ wöröji jojo, ama nye lo tukwölöŋgu kikolin kanyit lo mo dedenwe kaŋo.

¹⁰ Ŋuto logon a kamimi ’dikanit lo konyen jondya kulya narok, ama nye logon ti kujonö i kukuju na ŋutu lepeŋ jondya taliŋ.

¹¹ Kutusen ti ŋutu lo rigwo gwon a kidi lo pioŋ toruesi, ama kutusen ti ŋutu lorok gwon gwoso kidi logon a ’diya ko kulya naŋon.

¹² Mandu toŋiju woran, ama nyaŋu muggo toronjin liŋ.

¹³ Koŋon rye i kutuk na ŋuto lo kurundyö kulya, ama a ture ’bitorikin ŋuto logon ’bak denesi.

¹⁴ Ŋutu lokoŋ ’delakindya ’borik dendya na kulya, ama ŋutu lu ’böŋ lo ku ’du ’dukin i kulya kulo gwon nyoriako ’doro.

¹⁵ Tukworien na ŋuto kwörinit gwon a köji nanyit nago, ama tolomerian na ŋutu lomerika koŋu lepeŋat.

¹⁶ Kita na ŋuto lo ’but ropa ko gwiliŋit lo ’but, a ’bulit na ŋuto loron gwe a toron.

¹⁷ Ŋuto logon titiriku i yiŋga na tojumeisi; lepeŋ gwon i kiko lo tu i ru, ama a nye lo laundya kukuesi lo giregiran.

¹⁸ Ŋuto lo muggo mandu gwon a ’burönit, a nye lo jamaddu kulya ŋoisi gwe a lu ’boŋ.

¹⁹ Ko Ŋutu jambu kulya jore toron ŋina kata, ama se lo teŋgu ŋedepa kase kulo gwon a lotolokok.

²⁰ ŋedep lo ŋuto lo rigwo a podo na nyunyumwe, a toili lo ŋuto loron gwe ’bak ’bulit.

²¹ Kutuk na ŋuto lo rigwo tunyeju ŋutu jore, ama a ŋutu lu ’boŋ twatwane kogwon ’bakan na denesi.

²² ’Boriet na MATAT jondya tukwo-rien, a nye tine morakindya delya nyin.

²³ Ŋuto lu ’boŋ kondya toron a biryeet nanyit, ama kulya nakoŋ tulyoŋ gu ŋuto lo kukurun kulya ’bura.

²⁴ Ŋo nagon ŋuto loron kukujonori mo ’dukin kanyit ki, ama a ’deket na ŋuto lo rigwo mo ruko kine lepeŋ.

²⁵ ko libibiu a wukoddu a ŋuto loron gwe ’bayin, ama ŋuto lo rigwo gwogwo ’dan go ŋupi.

²⁶ Koliponit yoke a loron i ŋuto lo yokijo lepeŋ lo, nye gwon gwoso kite naparoroŋ i kala ko gwoso kopurot i konyen.

²⁷ Ŋuto lo kugga MATAT ’yalaki gwolor diŋit a najo, ama kiŋajin ti ŋuto loron mo gwon ku ’dik.

²⁸ ŋuto lo rigwo a yendu a iŋge wuju lyoŋon, ama ŋuto kwon a yendu ama a gwe a ko wuju nene ŋo.

²⁹ Kiko lo MATAT a ’danaet nago na ŋuto lo rigwo, ama a kolumbo gwe a delya i se lo kondya arabat kilo.

³⁰ ŋuto lo rigwo mo ti tomijoŋ kagokwoŋ, ama a ŋuto loron mo tine si ’da i na kak.

³¹ Kutuk na ŋuto lo rigwo topu-kundyö kopon, ama a ŋedep lojo mo ’dupwene kaŋo.

³² ŋedep lo ŋuto lo rigwo deden kulya na tutulyoŋgu, ama a kotuk na ŋuto loron dendi kulya mumulukesi.