Tolupesi 1 - Bibilia Buk na Ŋun nagon koti luŋu a

’Bulit na tolupesi

¹ Kine a tolupesi ti kulya na jam Solomona ŋuro lo Dawidi, mor lo Yisaraele.

² Nye a jambu se anyen ŋutu ködyö deden koŋon ko tojumisi, i timundya na kulya nagululok nagon tindu ŋutu i kurundyö na kulya.

³ Köti anyen ŋutu boŋo wuju todinesi ti konesi nakoŋ, ko ti loti lo rigwo, ko ti lilija na kulya na temakindya rigwo, anyen gwiliŋisi kase ködyö woro jojo.

⁴ Nye a jambu se anyen ŋutu logon yeyeesi kase a namunyak boŋo wuju dendya na kulya, a teton tikine dendya se ko totolok.

⁵ Ko ŋuto lokoŋ gwon i yiŋga a lepeŋ koti ’ya ’yi dendya nanyit, a ŋuto lo kurundyö kulya ryeji koŋon,

⁶ anyen kukurun tolupesi ko lilimon ko kulyaesi ti ŋutu lokoŋ, kweja adi kulya kase na nenepa.

⁷ Suluja na koŋon po i kugga na MATAT; ama ŋutu lu ’boŋ lalaun koŋon se ko tojumisi.

Kukuesi ko kunyaresi

⁸ ŋuro lio, yiŋge tojumisi ti munyi, an do ko renya todinesi ti ŋuti;

⁹ kogwon kine ŋo gwon a Iŋguya lokwekwelen konut i kwe, ko a jibi ilot lo murut.

¹⁰ ŋuro lio, ko ködyö katoronyak lulugga do, an do ko ruk se.

¹¹ Ko lepeŋat ködyö a kulya ko do adi, Moraddi koyi anyen yi tu nyiŋgo ŋutu, i domba anyen rembu se kana ’bak kwe na kulya;

¹² ti yi wi ’ye ta se jorun gwoso na kondi pirit na mulökö na, ti yi wi ’ye se nagon se nyuŋ a lo ’but gwoso na wi ’ye dili nuket ŋutu lutwatwa na;

¹³ a yi mo ryeji tukworien a duma, a mo töjoreji kadijik kaŋ ko ryakat.

¹⁴ Morakindye kayaŋ ni, a yi mo papi jurak likaŋ lo gurut kase do.

¹⁵ Nyena ŋuro lio, ko woro ko se i pirit na geleŋ, teŋgi mugun i kebbu na kikolin kase;

¹⁶ kogwon mokosi kase rumara i toron, a lepeŋat nyoŋgi ’buköddu na rima.

¹⁷ ’Bulit ’bayin i lokakindya na loket a kwenti memeddya.

¹⁸ Kilo ŋutu a nyikokindyo ’borik twan, ko a domakindya ’borik karan.

¹⁹ Kilo a kikolin ti ŋutu liŋ logon gogoma i ga ’yu na ’buliton i kikolin lorok, a ŋo kase ryakat tolikindye ru nase.

Koŋon luŋgu ŋutu

²⁰ Koŋon maraŋgu parik i kiko gwoso ŋuto, a nye laije i piritön terereki,

²¹ a nye maraŋgi i keresi ti kiko, a nye jamaddi ki i kotumiton nagon ŋutu lupöri köji kata,

²² adi, Ta ŋutu logon ’bak denesi kilo, diŋit ŋoman nagon ta ’dek yeŋon a lu ’boŋ? Diŋit ŋoman nagon ka ’do ’doyok nyanyar ’do ’doju, a ŋutu lu ’boŋ mandi denesi?

²³ Yiŋge ta kukuesi kwe, mete ta, nan de ŋaŋakin ta yeyeesi kwe ti toili, a nan de tokurukindye ta ŋo nagon nan jajam.

²⁴ Nan.a luŋgu ta a ta tine ’bon yiŋga nan, nan a kwetundya ta, a ŋutu gwe ’bayin lo yeyeju,

²⁵ a ta iŋge lu jujuwesi kwe liŋ, a ta tine yiŋ kukuesi kwe asut,

²⁶ nyena kogwon kine kulya, kolumbo a nan mo ’doni ’do ta i diŋit nagon ta gwe i nagusu, a nan mo kweni ’e kweni ’e ta i diŋit nagon kujönö duma morgi ta nu.

²⁷ nina kujonoduma morga ŋutu gwoso kobuŋot duma, a diŋit nasu nagusu mo ’duki gwoso libibiu, a sasanyesi ko tömiesi mo ’duki ko ŋutu ki.

²⁸ A kirut na luŋgi lepeŋat nan nu, a nan mo tine ruggo se; a se mo ga ’yi nan ko pusök a duma, ama a se mo tine ryo nan.

²⁹ Kogwon se a laundya dendya na kulya; a se gwe a ko wulundyo kugga na MATAT,

³⁰ koti se a renya jujuwesi kwe, a laundye kukuesi kwe,

³¹ nyenagon se molu nyesu ludweki ropesi ti konesi kase, tojo ko se a yimönö ko ’dekesi ti yeyeesi kase.

³² ŋutu logon ’bak denesi a jakindya ’borik likin kogwon se a Lopukindyo nan ki ’dirinö, a ŋutu lu ’boŋ tukarani ko yinikin-dyo nase na ’borik;

³³ ama ŋuto logon yiyiŋ nan lo mo si ’da ’bura, a mo gwe ko taliŋ, ’bak kujönö na ŋo narok.