Tito 2 - Bibilia Buk na Ŋun nagon koti luŋu a

Todinet nagon tiŋdu ŋutu i gwon ’bura

¹ Do agu kodyo todiŋdyo ŋo nagon jujukin i todinet nagon tiŋdu ŋutu i gwon ’bura.

² Saŋi ŋutu lyan logon a temejik adi, ti se tiji ’borik, ko ti se gwe a ŋutu lo kukuka, ko a kateŋok ti ’borik, ko ti se gwe a lo ’but i yupet nase, ko i nyaŋu, se koi gwo ’dan go.

³ Koti saŋi ŋutu wate nagon a temejik adi, ti se gwe gwoso ŋutu nagon kitakiŋdya Ŋun, ko ti se gwe ti gwon a kaŋöök, kode a ’dupi ti yawa.

⁴ Ti se agu todiŋdye ŋo nagon a na ’but; ti se todiŋdye kayut i nyaŋu na lyan kase se ko ŋwajik kase.

⁵ Ti se todiŋdye kayut i tiju na ’börik, ko i gwon a nake i toilyet, anyen se gwon a wate nagon a kakitak kase i midijik, ko a kanyarak, ko a katwöyök ti lyan kase.

⁶ Ko lepeŋat kodyo gwon sona, a Kulyaet lo ŋun mo tine lawe. Koti kukuji teton parik anyen se tiju ’borik.

⁷ Do ko mugun inot agu kodyo gwon a miret na ’but i ŋo liŋ nagon do kökon kine. Na todiŋdye do na, do kodyo kwekiŋdya mugun a lo rigwo ko a lo kukuka.

⁸ Tambi kulyaesi logon tiŋdu nutu i gwon ’bura, logon ti bulö yuyuko, anyen merok kaŋ totoyuŋ kusik, a gwe ’bak nene po naron nagon se jajam i kulya kaŋ.

⁹ Köti saŋi ’dupi adi ti se twoni twö komonye logon lepeŋat kitakiŋdya se kulo i ŋo liŋ. Lepeŋat agu kodyo moru tulyoŋgu komonye, a gwe ti ŋeddya,

¹⁰ kode ’dumaddu kunie ŋo na ’di ’dik a Iwon. Kölumbö se ködyö kwekiŋdya ’börik a lo ’but lo yiyiniki i ŋo liŋ, anyen se tokweleŋdu todinet na Ŋun Kalwokönit likaŋ i ŋo liŋ.

¹¹ Kogwon ’busan na nyaŋu na Ŋun nagon jakiŋdya ŋutu liŋ lwökt na aje pukun.

¹² Ŋina ’busan na nyaŋu todinikiŋdyo yi adi, ti yi renyani ŋo nagon ’bayin a twoyosi ti Ŋun kine se ko ’dekesi ti na kak, ko ti yi gwolore i na kak i na diŋit i tiju na ’börik, ko i gwon i löti lo rigwo, ko i twoju na Ŋun,

¹³ na mömöŋdi yi lyöŋit logon yi yeyen lo, kweja adi a diŋit nagon ŋun duma Kalwokönit likaŋ logon a Yesu Kristo lo mo pupukun ko minyo.

¹⁴ Lepeŋ a tiŋdu mugun a rubaŋga kogwon kulya kaŋ, anyen dakuŋdya yi i toronjin liŋ, i toke ’ya na yi a ŋutu kanyit lomore, anyen yi gwon ko pusök i koŋdya na ŋo na ’but.

¹⁵ Sekilo kulyaesi logon do ködyö jajam. Kido liŋ a ’buruki do i jujuja, ko i ririŋga na ŋutu kayupök. Ti lele ŋuto ködyö gwe ti lanu do.