Saumajin 102 - Bibilia Buk na Ŋun nagon koti luŋu a

Kwaset lo ŋuto logon ko delya

¹ Pon MATAT, yiŋge momolesi kwe, ko ti gwien nio ’dure konut ŋini.

² Ko ’de ’ya komor inot ko nan i lor delyaet lio! Tindi swö kulök i yiŋga na nan, ruŋge nan ’de ’de i lor lo luŋgi nan do lu!

³ Kogwon perok kwe lilikara gwoso köŋuröt, a kuyu kwe sa ’yi pape gwoso kimaŋ.

⁴ Töili lio a raŋan, ko a teteyon gwoso döru; iŋkoi, nan a böŋö i nyesu na kinyo lio.

⁵ Nan ’du ’duatu parik, a kuyu kwe ’depakindye köyö i lokore.

⁶ Nan gwon gwoso kwenti urbaŋa lo yöbu, nan a wora gwoso lumö ’duk lo piritön nagon a rubajin.

⁷ Nan titiju, a nan gwe gwoso kwenti lo si ’da geleŋ i lotek loki.

⁸ Merok kwe lalaundya nan tuparan liŋ; se logon ’dö ’döju nan kulo gwon i lömbu ’dindya karin kwe.

⁹ Nan a nyesu kurök gwoso kinyo, a nan aje ŋo ’ya ŋo kwe na mamata ko politan,

¹⁰ kogwon kulya ti woran inot na pape ko tukaŋan inot. Do a ’dumundya nan ko aje gubara nan kaŋo.

¹¹ Perok kwe gwon gwoso tölimöt nagon jejenyara; nan aje teteyon gwoso döru.

¹² Ama do ŋon MATAT, do si ’da a mor ŋupi ŋupi; a yeyeŋ na do yeŋe yeŋon tojo i nyakwariat liŋ.

¹³ Do mo ninien, a won konyen ko Siona; kogwon diŋit na wulwe nagon do yatakindye lepeŋ na aje ŋo.

¹⁴ Kogwon köliŋönök kulök nyanyar ma ’di ŋuruŋö kanyit ti rubajin, se wowon konyen ma ’di ko ŋutu kanyit.

¹⁵ Nyena a jurön mo kujönöni karin kunök ŋon MATAT, iŋkoi, moran liŋ ti kak mo kuku-jönö bula inot.

¹⁶ Kogwon MATAT mo tindu Siona i gwo ’dan go, nye mo ŋuŋukun ko minyo lonyit.

¹⁷ Nye yiyiŋ momolesi ti ŋutu likisojin, a tine laundya kwakwasesi kase.

¹⁸ Ti kine kulya wurökine kak kogwon nyakwariat lo ŋoŋo, anyen ŋutu logon a ko nyuŋ yuŋwe kulo bubulö ŋuŋuŋa MATAT.

¹⁹ Kogwon MATAT a ku ’dilundyö kak ŋajo ki yu i ŋirit nanyit nake na rurwan, iŋkoi, nye a wöŋu kak i ’diko yu,

²⁰ i yiŋga na wiwinyesi ti ŋutu lo rereka kulo, i lakundya na ŋutu logon a ’duŋöki i tatua kulo.

²¹ Anyen ŋutu bubulö laŋa karin ti MATAT Siona yu, iŋkoi, se mo ŋuŋuŋa lepeŋ Yerusalema yu,

²² i diŋit molu na momorundye gweyajin ti ŋutu se ko tumatyanjin i ŋirit na geleŋ nu, i kwakwaddu na MATAT.

²³ Nye a tu ’baka ’yu riŋit nio na gwondi nan nyuŋ a titinti; nye a nyökun perok kwe ku ’dik.

²⁴ Nan a jambu adi, Pon Ŋun lio, do logon kiŋajin kulök yeyeŋon i kiden na nyakwariat liŋ lo, an do ko ’dumara nan kaŋo i kiden na perok kwe.

²⁵ Do köju ’beron a togwo ’ya togwi ’diesi ti kak, a do gweji ki ko könisi kulök.

²⁶ Kine ŋo mo ’ba ’baka, ama do yeyeŋon; se liŋ mo wowora a ŋoroko gwoso boŋgwat, a do mo leuddye se gwoso boŋgwat, a se mo gwe ’bayin;

²⁷ ama do yeŋon jojo, a kiŋajin kulök mo tine ’duddyö kwöŋ.

²⁸ Ŋwajik kaŋ yi köliŋönök kulök mo yeyeŋoro, a nyakwariat kase mo gwo ’de go konut i komor.