Ruta 3 - Bibilia Buk na Ŋun nagon koti luŋu a

Ruta ko Boaja i pirit gwutet na ’bolot

¹ A Naomi moken nanyit kulyani ko lepeŋ adi, Ŋuro nio nan ŋona bubulö galakiŋdya do pirit si ’daet anyen kulya kunok de gwon a na ’but?

² Boaja ŋona ti gwon a karutyo likaŋ le, logon do a kita ko ŋwajik kanyit lo? Mete, i sömukö nye de didililija ’bolot saora i pirit gwutet na ’bolot.

³ Nyenagon kwöni kwo, ko pupuyuje mugun ko welet, ko jupukiŋdye boŋgwat kunok, ko iti kak i nu pirit gwutet na ’bolot, ama an do ko tin mugun i dena ko lu ŋuto tojo ko tutuŋgö nanyit na nyesu ko na möju.

⁴ A ko gwe sona, ko nye a piriki kak, mete go pirit nagon nye pipirikie nu; a do de kirut iti nyu a do ŋaaddi muket na mokosi kanyit, a pirikine kak, lepeŋ de tatakin do ko do de koŋdya nyo.

⁵ A nye nyobbi adi, Nan de kökon po liŋ nagon do a takin nan kine.

⁶ A kirut nye iti i ŋinu pirit gwutet na ’bolot nu a koŋdi gwoso na takiŋdye moken nanyit nu.

⁷ A nagon Boaja aje nyesu ko aje möju nu, a nye metani ko lyoŋon, anye iti atu pirikine kak i ’dutet na sudi lo ’bolot. A Ruta dumuŋdye mu-gun adi ko ’dyö ko ’dyö, a paaddi muket na mokosi kanyit, a pirikine kak.

⁸ A gwe sona i tukwaje kiden a lu ŋuto rigwo-köni rigwökö a löpuŋge mugun, mete, a ŋuto nakwan aje piriki kanyit i mokosi.

⁹ A nye pipije adi, Do a pa? A lepeŋ nyobbi adi, Nan a Ruta ’dupiet inot, nyenagon boŋo muköki kume lo boŋgo inot ko ’dupiet inot loki, kogwon do a karutyo lo nyona.

¹⁰ A Boaja kulyani ko lepeŋ adi, Ti MATAT ’boroji do pon ŋuro nio, kogwon ’busan inot na na diŋit a na ’but lwolwoŋ na kokwe nu, kogwon do a ko kebbu teton kode lomerika kode kwörinikö.

¹¹ Nyena ŋuro nio, an do ko kujono, nan de kökonakin do ŋo liŋ nagon do a piyun kune, kogwon ŋutu kaŋ ti köji a den adi do a ŋuto na ’but.

¹² Kine kulya a gwak nan ’diri a karutyo losu lo nyona, ama lwolwoŋ nan.

¹³ Nyenagon mönuŋdye ni i lo tukwaje. Ko ’bure ko lepeŋ a ruk ruddya do a ködyö gwe a na ’but, ama ko lepeŋ ti ’bon ruddya do, ’diri gwak gwoso na gwoŋdi MATAT na, a nan de lo ruddye do. Kölum pirikine kak tojo ko ko ’bure.

¹⁴ Nyena a lepeŋ pirikine kanyit i mokosi tojo ko ko ’bure, ama lepeŋ a ’beron ŋien i kwökö nagon ŋutu ti bulö togwulu; a Boaja kulyani adi, ti gwe ti dena adi ŋuto nakwan a poŋdya i pirit gwutet na ’bolot.

¹⁵ A Boaja kulyani adi, Jo ŋina porda inot nagon do jujuŋ na, ko ’depu köke, a lepeŋ ’depuŋdye ’denuŋdya boŋgo nu, a Boaja temuŋdye ’bolot saora ko temesi buker, a ’dukukiŋdye ko Ruta i kwe, a ŋinu ŋuro lupöni köji.

¹⁶ A nye ko ’dure ko moken nanyit yu, a moken pipije adi, Kulya kunök a gwon ada ŋuro nio? A nye nyönyökökiŋdye moken po liŋ nagon lu ŋuto a konakin lepeŋ kune,

¹⁷ adi, Kune temesi buker ti ’bolot saora lepeŋ lo tiŋdu nan, kogwon lepeŋ a kulya adi, nan ti bulö yitwe bot ko moken nio ni ko könisi kana

¹⁸ A nye nyobbi adi, Möŋdi ŋuro nio, tojo ko do aje den ko kine kulya de totopukwe kapo kogwon pilu ŋuto ti yukan tojo ko nye a tutuŋgö kine kulya i lo lor.