Osea 9 - Bibilia Buk na Ŋun nagon koti luŋu a

Ŋutu ti Yisaraele ririŋa kogwon se yeŋon paju ŋun

¹ Do kötumit na Yisaraele, an do ko lyöŋön ŋon, an do ko nyola gwoso gweyajin ti ŋutu; kogwon do aje koŋdya gwoso kawute a kölökiŋdye Ŋun ilot. Do aje nyaŋu ropesi ti wuton i piritön lio gwutesi ti ’bolot.

² Piritön gwutesi ti ’bolot se ko piritön ryokesi ti binyo mo ti jukin tunyeju se, a binyo luduko mo gwe ku ’dik kase.

³ Lepeŋat mo ti si ’da i jur lo MATAT, ama a kotumit na Epuraima mo yitöni Ejipeto, a se mo nyesi kinyo logon ’bayin a loke lo rurwan Asura yu.

⁴ Lepeŋat mo ti bulo popogga binyo a rubaŋgajin ti MATAT, a se mo tine bulo tulyöŋgu lepeŋ ko rubaŋgajin kase yu. Kinyo lose gwon gwoso kinyo lo ŋutu lo dedelya; ŋutu lio lo nyesu ŋilo kinyo mo totoluta; kogwon kinyo lose a lo magor nase ka ’de; a mo tine wuki i kadi na MATAT.

⁵ Ta ŋona mo koŋdya nyo i lor lo momoret duma, kogwon a lor lo rorwe lo MATAT?

⁶ Kogwon mete, se mo wowökön kaŋo i tukara, a Ejipeto mo wuji se, a öpuo kase mo nukani Memijisa yu. A tito kase lo ’but ti pödö mo muluwani muluwa ko lo ’yu ’yuri; a kikwa mo ’duŋe kase i kemialan.

⁷ Perok logon ririparikin aje ŋo, iŋkoi, perok logon roroparikin aje ’dur. Kötumit na Yisaraele mo deden. Nebi a lu ’böŋ, ŋuto logon ko mulökötyo keet a mamala, kogwon lyaŋan nasu duma parik se ko maŋdu nasu duma.

⁸ Kötumit na Epuraima gwon i domba na ŋutu ti Ŋun ko tomirikulan a duma, a nebi gwe a boyi na kwen i kikolin kase liŋ, Lepeŋ a birya i kadi na Ŋun lonyit.

⁹ Lepeŋat aje köŋu ’börik parik gwoso i perok ti Gibea köju kulu. MATAT mo yeye lyaŋesi kase, a mo riŋge se i toronjin kase.

¹⁰ Nan Ŋun a ryö Yisaraele i yöbu gwoso ludweki ti binyo, nan a met komunyi ko lyoŋön gwoso ŋutu lo meddya ludweki ti ki ’bi lo suluja radan i diŋit nanyit na kokwe; ama a se iti Bala-peor yu, a geladdi ’börik i ŋo nagon a yu na kwe, a Lepeŋat worani a ŋo na mamana gwoso ŋo nagon se nyanyar na.

¹¹ Bulet na kötumit na Epuraima mo ’da ’daaddu kaŋo gwoso kwenti— kweja adi, yupuŋdyö ’bayin, morga na ŋele ’bayin, se ko ŋigga ’bayin!

¹² Ma ’di se a wowoja ŋwajik, nan mo tutu ’baka Lepeŋat tojo lele ’bayin lo pituŋdyö. Wöidiö i se i diŋit nagon nan kölökiŋdyö Lepeŋat!

¹³ Nan meddya ŋwajik ti Epuraima gwon gwoso lo totogora, Epuraima agu ködyö nyönyömörö ŋwajik kanyit i tatua.

¹⁴ Pon MATAT, tiŋdi Lepeŋat nene ŋo— ama do ŋona mo tiŋdu se nyo? Tiŋdi se pelela nagon yoyoŋ, se ko kinasi logon ’bak le.

¹⁵ Toronjin kase liŋ kona Giligala; a nan Ŋun suluje maŋdu se nyu. Nan mo ririkörö se kaŋo köyö kadi kogwon konesi kase narok. Nan mo ti nyar Lepeŋat köti kwöŋ; ŋutu kase temejik liŋ a karenyak.

¹⁶ Kötumit na Epuraima aje gwu-töki kak, kokori kase aje teteyon, a Lepeŋat tine radan ludweki. Ma ’di se ködyö a yupuŋdyö, nan mo tatatu ŋwajik kase lo nya-nyara.

¹⁷ Ŋun lio mo gugubara se kaŋo, kogwon se a ko yiŋga Lepeŋ, a se mo wöröni abur i kiden na jurön.