Osea 5 - Bibilia Buk na Ŋun nagon koti luŋu a

ŋutu ti Yisaraele ririŋa kogwon se a renya ŋun

¹ Ta koanejin, yiŋgetakine kulya, ta ŋutu ti kötumit na Yisaraele, yiŋge ta go, ta ŋutu ti mede na mor, tiŋdi ta swö i yiŋga, kogwon ŋutet a ’duŋöki ta; kogwon ta gwon gwoso loket Misepa yu, ko gwoso birya nagon a riki Tabor loki.

² Kulo karenyak! Lepeŋat aje lwö-ŋgu parik i lauŋdya na twöju, ama nan mo ririŋ se liŋ.

³ Nan deden kulya ti Epuraima, iŋkoi, kulya ti Yisaraele! a ko ’dela köyö i konyen; ama soŋinana ta kötumit na Epuraima aje koŋdya kita na towutön, iŋkoi, kötumit na Yisaraele a toluddya börik.

⁴ Konesi kase ti kölun se i yitwe köyö ni nan ŋun lose; kogwon toili lo wutön ko kulye ŋunyen gwon kase i mugunya, a se tine den nan MATAT.

⁵ ’Du ’duŋga na kotumit na Yisaraele pokiŋdyö lepeŋat; iŋkoi, kotumit na Epuraima kökö-pukö ko lyaŋesi kase; kotumit na Yuda köti kökopukö ko se i ŋirit na geleŋ.

⁶ Lepeŋat gagalara nan MATAT joŋga yidin kase ko kisuk kase, ama se ti ryö nan, kogwon nan aje mijörö kaŋo kase.

⁷ Lepeŋat a mumulugga nan MATAT, kogwon se aje yuŋwe ŋwajik lepelok. A wilun na yaŋa mo Takiŋdye lepeŋat se ko meleseno kase kulya narok.

⁸ Kute ta tore Gibea yu, kute ta buruŋ i Rama yu, sirajine ta ki Bet-awen yu adi, Ta ŋutu ti kotumit na Benyamina, yi moraddu ko ta i mörö!

⁹ Kotumit na Epuraima mo wowo-ra a murwö i lor riŋet; kweja adi nan MATAT mo kwe-kiŋdya kötumitön ti Yisaraele ŋo nagon a gwak.

¹⁰ ŋutu temejik ti Yuda aje wora gwoso ŋutu lo tomijöddu loko-kori, a nan mo ’bukökiŋdye woran nio kase loki gwoso pioŋ.

¹¹ Kotumit na Epuraima a karu-danit, a ryokakiŋdye ’duŋgö na ŋutet kak, kogwon Lepeŋat a tiŋdu töilyet i keŋoddu na ŋo nagon a köpuröt kana.

¹² Nyena a nan mo gwe a logwoke i kotumit na Epuraima, iŋkoi, a nan mo tiŋdi kotumit na Yuda i buggi.

¹³ A na meddi Epuraima twanti lose, na meddi kotumit na Yuda ’dika nase nu, a kirut Epuraima iti Asura, a sonyoddi ŋutu ko mor duma yu. Ama lepeŋ ti bulo tobia ’yu ta, kode toligga ’dika nasu.

¹⁴ Kogwon nan mo gwon gwoso kömiru i kotumit na Epuraima, nan gwon gwoso kömiru titinti i kotumit na Yuda. Nan ’diri ko mugun nio mo kekeren se ka ’de ka ’de, a iti tu, nan mo jojoŋ se, a lele ŋuto gwe ’bayin lo lwölwöggu.

¹⁵ Nan mo yiyitö köyö i ŋirit, tojo se a ruk toronjin kase a se ga ’yi nan, a i tomie nase a se mo ga ’yi nan ko pusök.