Osea 4 - Bibilia Buk na Ŋun nagon koti luŋu a

MATAT rerenya ko nutu ti Yisaraele

¹ Ta ŋutu ti Yisaraele, yiŋge ta kulyaet lo MATAT; kogwon MATAT gwon ko rerenyet ko ŋutu lo si ’da i lo Jur kulo. Kogwon to ’diri, ko tunyar, se ko deŋdya na Ŋun gwe ’bayin i lo Jur;

² tuŋ gwon a milyeju, ko ’burönö.ko torem, ko koko ’ya, se ko toluŋ; Lepeŋat koŋdya ŋo narok nagon a lwoŋgu i tatuaddu na ŋutu.

³ Ko ŋina kwe Jur dedelya, a ŋutu liŋ lo si ’da i lukata nanyit kulo tomunyane tomunyan, koti a kijakwa ti mu ’diŋ se ko kwen ti ki worani a lomunyak, a ma ’di somot ti kare ’du ’dumani kaŋo.

⁴ Ama ti lele ŋuto gwe ti rerenya, ko ti lele ŋuto gwe ti nokiŋdyo, kogwon nan MATAT gwon ko rerenyet ko ta koanejin.

⁵ Ta mo kököŋukö i diŋit na tuparan, nebijin koti mo kököŋukö ko ta i ŋirit na geleŋ i diŋit na tukwaje; a nan mo tukaŋi Jur losu logon a ŋote nasu.

⁶ Ŋutu kwe tukara kogwon tu ’ba-kan na deŋdya; nyena kogwon ta renya deŋdya na kulya, a nan koti mo renyani ta i gwon a koanejin kwe. Nyena kogwon ta aje böŋöri saresi kwe ti Ŋun losu, a nan koti mo böpori böŋöri ŋwajik kasu.

⁷ Ma ’di koanejin a ŋdi Jore a se toroŋdi nan parik; a nan mo lopuŋge bula nase a yu na kwe.

⁸ A Lepeŋat nyesi toronjin ti ŋutu kwe. a Lepeŋat gomani ko ŋonyesi kase.

⁹ A nan mo konakiŋdye ŋutu kana se ko koanejin liŋ jojo. A nan mo riŋge Lepeŋat kogwon gwiliŋisi kase, iŋkoi, nan mo ropakiŋdya se kogwon konesi kase.

¹⁰ Lepeŋat mo nyenyesu ama a se mo tine yimonö; se mo kokoŋdya towutön ama a se mo tine ŋdi, kogwon se a kölökiŋdyö nan MATAT a nyaŋi towutön.

¹¹ Binyo na pötwör se ko binyo ludukö tolikiŋdyö kuruŋdyö na ŋutu na kulya.

¹² ŋutu kwe piyuŋdya kulya i ŋo nagon a kaden kana, a turya kase ti to ’bunun nyönyöko-kiŋdye Lepeŋat kulya, kogwon töili lo wutön ko kulye ŋunyen aje togiŋa Lepeŋat, a se kö ’yi nan Ŋun lose a se koŋdi towutön.

¹³ ŋutu kase dibba rubaŋgajin i kusik ti merya, a ’yuŋe rubaŋgajin i lurwat loki i mukökö ti kaden temejik logon a ti mian kulo, kogwon tölimösi kase a na ’but. Nyena ŋwajik kasu nawate toto-wutön, a wate ti ŋwajik kasu luŋöni luŋö.

¹⁴ Nan mo ti riŋga ŋwajik kasu nawate ko se totowutön, kode wate ti ŋwajik kasu ko se luluŋö, kogwon ŋutu lyan ko mugunya kase girara a swöt ko kawutejin, a wukiŋdye rubaŋgajin i ŋirit na geleŋ ko ŋutu wate nagon a tiŋdu ’börik i luŋö gwoso i keri lose lo nyömue. A ŋutu logon ti kurun kulya kulo mo tukarani tukara.

¹⁵ Ta kötumit na Yisaraele, ma ’di nagon ta ködyö totowutön, ama ti kötumit na Yuda gwe ti toroŋdya. An ta ko tu ta Giligala, an ta ko tu ta Bet-awen i milyeju -adi, ’Diri ’diri, gwoso na gwoŋdi MATAT na.

¹⁶ Kogwon kötumit na Yisaraele aje wora a miŋeki gwoso tagwok nagon a ko nyuŋ yupuŋdyö nagon wöwoki abur, MATAT ŋona bubulö tunyeju kilo ŋutu gwoso yisi i ŋirit na geleŋ le?

¹⁷ ŋutu ti Epuraima aje morakin-dya i nyömuejin logon a ŋunyen; iŋgo, ti Lepeŋat gwe ka ’de.

¹⁸ Lepeŋat a laŋet na kamerak, se a tiŋdu ’börik i wutön; lepeŋat nyanyar lawe lwölwöŋ bula.

¹⁹ Köbuŋöt mo mumusukakin se kanyit i kopukön, a wuköddi se, a kusik kase mo yune yu kogwon rubaŋgajin kase.