Osea 14 - Bibilia Buk na Ŋun nagon koti luŋu a

Ŋutu ti Yisaraele a molo anyen yiyitwe ko Ŋun ni

¹ Ta ŋutu ti Yisaraele, yitwene ta ko MATAT Ŋun losu ni, kogwon lyaŋesi kasu aje köpuk ta.

² Teteŋdi ta kulyaesi kasu ajo ko yitwene ta ko MATAT ni; kulyani ta ko lepeŋ adi, ’Dumara toronjin liŋ; wuji go nagon a na ’but. a yi mo pupurje do gwoso ŋutu logon wukiŋdya rubaŋgajin.

³ Asura mo ti lwok yi, a yi mo tine galaddu kusanjin logon yi wö-worori; a yi mo koti tine luŋgu go nagon yi lo teteŋdya ko konisi kaŋ kune adi se a gunyen kaŋ. Do ’diri wowon konyen ko kikijiko.

⁴ Nan MATAT mo totolik toronjin na kukutöddi se bot kune, nan mo nyanyar lepeŋat ko töili lio liŋ, kogwon woran nio aje lopukoddu kago kase.

⁵ A nan mo gwe gwoso puŋutut i kötumit na Yisaraele, a nye mo turene turö gwoso köturön nator, a mo ’bekoddi kokori gwoso ti kaden ti Libanon.

⁶ A kenia kanyit mo garani gara, a kwelen nanyit mo gwe gwoso ködini lo jeitun, a mon nanyit mo gwe gwoso na Libanon.

⁷ Iŋkoi, ŋutu ti Yisaraele mo yitwe i saka köyö i tölimot, a se mo kuŋi ’bolot jore, a lepeŋat mo turene turö gwoso kaden ti binyo, a mon nase mo mone gwoso na binyo ti Libanon.

⁸ A Epuraima mo kulyani adi nye ti ’bön nyomuejin logon a gunyen kwöŋ. Nan a yiŋ kwakwasesi kasu a iŋge met ta. Nan gwoso ködini saru logon a lodon, radan nasu ŋo köyö.

⁹ Ko ŋuto logon a lokoŋ ti nye kuruŋdye kine go; a ko ŋuto logon a lotolok a ti nye deŋdi koi; kogwon kikolin ti MATAT gwon gwogwo, a ŋutu lo rigwo wöröni kata, ama a katoronyak kököpuköni kata.