Osea 12 - Bibilia Buk na Ŋun nagon koti luŋu a

¹ Kötumit na Epuraima yuggu köbuŋöt, a kepoddi köbuoöt lo ’yure tuparan ’bukuluŋ; lepeŋat tuŋdijö ’burönö ko ŋonyesi, a lepeŋat teteŋdi tomoret ko ŋutu ti Asura, a welesi yekajine Ejipeto.

² MATAT gwon ko ŋutet ko kötumit na Yuda, a mo riŋge kötumit na Yakobo i kulya ti kikolin kase, a mo ropakiŋdye se gwoso i konesi kase.

³ Yakobo köju morga loru ’yum lo luŋaser na gwoŋdi se i pele nu, a nye möröni ko Ŋun na gwoŋdi nye a ŋuto nu.

⁴ A nye möröni ko malaikatat a iŋge te ’ya; a nye gwine gwien a mo ’yi ’busan ko lepeŋ. A nye torumbe ko Ŋun Betele yu, a Ŋun jambi ko lepeŋ nyu.

⁵ Ŋilo a MATAT Ŋun lo kurumi, iŋkoi, karin kanyit a MATAT.

⁶ Nyena yitwene ta, Ŋun losu ŋaparakin ta, ’debbi ta go nyaŋu se ko ’duŋgö na rigwo, ko mömöŋdi ta Ŋun losu diŋitan lio.

⁷ Katugwörönit logon gwon ko mijan mumuluket kanyit i könisi lo lepeŋ nyanyar ru ’ya ŋutu.

⁸ Kötumit na Epuraima kulya adi nye gwon a kwörinit. nye aje ryekiŋdyö mugun tukwö-rien, ama tukwörien nanyit liŋ ti bulö robba toron nagon nye aje kon na.

⁹ Nan köju a MATAT Ŋun losu suluja i jur lo Ejipeto; nan mo koti titikin ta i si ’da i kemialan, gwoso i perok ti rorwe lo wulwe.

¹⁰ Nan a jambu ko nebijin; nan köju lo kweja kulya jore na popo, a nan iŋge jambu lilimön ko nebijin i kutusen.

¹¹ Kwakwasa na nyömuejin kata Gilada le? Iye, Lepeŋat a ŋo kana a ’duŋokiŋdye nyömuejin logon a dwönin kulo rubaŋgajin Giligala yu; piritön kase ’yuresi ti rubaŋgajin jore gwoso ’domio ti ŋurupö i melesen na kukuru.

¹² (Yakobo köju a wökön i jur lo Aram, iŋkoi, Yisaraele a kitauŋdya narakwan nyu, a nye iŋge yuggu yidin anyen nye tiki narakwan.)

¹³ MATAT a tiŋdu nebi i joŋdya na ŋutu ti Yisaraele kaŋo i Ejipeto, a nebi iŋge tiju se.

¹⁴ Kötumit na Epuraima a towoŋa ŋun parik, nyena a MATAT lose mo kölökiŋdye kase i kusik toron nase na rima, a mo ropakiŋdye Lepeŋat ’dö ’döyösi kase.