Osea 11 - Bibilia Buk na Ŋun nagon koti luŋu a

Ŋun yöŋö ŋutu kanyit lo gigiri i yitwe kanyit ni

¹ Nan nyanyar Yisaraele i diŋit nagon nye nyuŋ a lo ’dit nu, iŋkoi, nan a luŋun ŋuro lio kaŋo Ejipeto yu.

² Ama bia parik ko nan luŋgu ŋutu kanyit, a se kölumbö iti ŋajo köyo; lepeŋat ’debba wukiŋdya na Balajin rubaŋgajin, a ’yurakiŋdye nyömuejin bökur.

³ Kölumbö nan köju lo tojumu-kiŋdya Epuraima i wörö. a nan iŋge ’dukukin ŋutu kanyit köyö i könisi; ama a se tine den adi nan köju lo toligga se.

⁴ Nan köju lo jiggö se ko nekenejin ti ŋuto, kine nekenejin a ti nyaŋu, a nan gwe gwoso ŋuto lo yoyogga toresi ti gwolor kase i lombiot, a nan dulakine kak i tunyeju na lepeŋat.

⁵ Ama se a renya yitwe köyö ni, nyena a se mo yitöni i jur lo Ejipeto, a Asura mo gwe a mor lose.

⁶ Baŋdu mo kakapakiŋdya kase i köjinö, a tu ’baka ’yi rigilesi ti kötumitön kase, a mo tutuŋge se kogwon yeyeet na teten se na.

⁷ Ŋutu kwe a tiŋdu töilyet kase i kukutörö bot köyö; nyena ma ’di nagon se a luŋgu Ŋun lose duma, ma ’di sona a nye mo tine nyökörö se bot.

⁸ Epuraima, nan ŋona bubulö kö-löddu do ada? Yisaraele, nan ŋona bubulö ŋa-kiŋdya do ada? Nan ŋona bubulö konakiŋdya do gwoso Adema ada? Nan ŋona bubulö koŋdya do gwoso Seboim ada? Töili lio lukata aje kukutörö bot, konyen kwe ga ’yu won konyen ko do parik.

⁹ Nan mo teteŋ woran nio na pape, a nan mo köti tine tukaŋu do Epuraima, kogwon nan a ŋun nan ’bayin a ŋuto, nan Loke gwon kasu kiden, a nan mo tine ŋo i tukaŋu.

¹⁰ ŋwajik kwe mo kekeporo nan MATAT, a nan mo rumöne gwoso kömiru, iŋkoi, nan mo gwagwaralaju, a lepeŋat mo ŋoŋdi i swöt lo tokotyao böböpuŋdyö;

¹¹ se mo ŋoŋo ko pusök köyö ni Ejipeto yu böböpuŋdyö gwoso kwen a ŋoŋdi i jur lo Asura yu gwoso gureki; a nan mo nyökökiŋdye se kase i midijik. Kilo a kulyaesi kwe ti MATAT.

Kötumit na Yisaraele a riga kogwon se a ’burönök ko a loron

¹² Epuraima aje lopakin nan kiden ko ’burönö, iŋkoi, kötumit na Yisaraele lorga nan ko mumulugga, ama nan ŋun nyuŋ deden Yuda, nan Loke aje yinikin lepeŋ a lio.