Osea 10 - Bibilia Buk na Ŋun nagon koti luŋu a

¹ Kötumit na Yisaraele a ködini lo binyo logon raradan parik, Lepeŋ totoran ludweki jore. A ko ludweki kanyit gwe jore, a Lepeŋ ’ya ’yi teteŋdya piritön ’yuresi ti rubaŋgajin; a ko kak nanyit gwe a na ’but, a Lepeŋ togwo ’yi ŋurupö lokwekwe-len anyen kwakwasa.

² Töilyet kase a ’burönök; nyena Lepeŋat agu ŋogoŋ toron nase. MATAT mo duduk piritön kase ’yuresi ti rubaŋgajin kak, a kököröji ŋuruŋö kase lo togwi ’di-ki ki i kwakwasa kulo.

³ Nyena a se molu kulyani adi, Yi ’bak mor kogwon yi ti kujönö MATAT; mor ŋona mo konakin yi nyo?

⁴ Lepeŋat jambu kulya nagon a köŋuröt kana, a nyesi milyejin logon a ’burönö i teteŋdya na tomoresi, nyena a ’duŋgö na putesi pipi-ruŋdye ki pötwör gwoso lo ’bur-tölöŋ lo gwon i piritön nagon a gwu ’dö-lön ti melesen.

⁵ A ŋutu lo si ’da Samaria kulo böŋdi böŋdu kogwon nyömue na tagwok na Bet-awen. ŋutu kanyit dedelya lepeŋ, a koanejin kanyit luluje lulujö ko lepeŋ kogwon bula nanyit aje wusaddu kaŋo kanyit.

⁶ A ŋina nyömue mo joŋani Asura ’dokari mor duma; a kötumit na Epuraima mo toyuöne kusik, iŋkoi, kötumit na Yisaraele mo toyuö kusik kogwon ŋo na yeye se i teteŋdya na.

⁷ A Samaria se ko mor lonyit mo ’doköjine gwoso korodo i pioŋ loki.

⁸ Piritön kwakwasesi na gwon Awen i ko ’dulan ti merya nagon ŋutu ti Yisaraele a toroŋdya kata kune mo tutukara. A piritön kase ’yuresi ti rubaŋgajin mo ŋune kikwa se ko kalelerök; a se mo kulyani ko merya adi, Muŋge ta yi, a kulyani ko lurwat adi, ’Do ’done ta kayaŋ loki.

⁹ Kötumit na Yisaraele yeŋon toroŋdya gwoso na toroŋdi se suluja i perok ti ’beron Gibea yu. Moro ŋona mo ti ’bunyökin se Gibea yu le?

¹⁰ Nan mo ŋoŋo i riŋga na ŋutu karerenyak; a juron mo momorakiŋdye kase loki i riŋga na se kogwon lyaŋesi kase nagon a lwöŋgu daŋin murek.

¹¹ Epuraima a tagwok kolojityo nagon a todinö kita, lepeŋ nyanyar tokitai i ryogga na ’bolot i piritön gwutesi ti ’bolot, a nan iŋge pitökin murut nanyit nagon nyuŋ kwekwelen na; ama kölumbö a nan mo torakiŋdye gwuluŋi kanyit i murut, Yuda agu ködyö kukuŋu, iŋkoi, Yakobo agu kodyö totoreja kujöŋ.

¹² Nan a kulya adi, Kuŋi ta kak nasu nagon a joŋga diŋit a najo a ko kuru na, wekiŋdye ta ’börik löti lo rigwo, pepi ta nyaŋu nagon ti ’duddyö kwöŋ na; kogwon gwe a diŋit nagon galarikin nan MATAT, anyen nan ködyö ŋo i to ’doju na lwökit kasu loki gwoso kudu.

¹³ Kudyakan ta a kuŋu toron, ta aje ŋepa ’duŋgö nakwölöŋ, ta aje nyesu ludweki logon a ’burönö. Ta a yinikin arabiajin kasu mö-riesi, se ko lodir lo ŋutu kasu kamörök,

¹⁴ nyenagon kogwon kine kulya, woŋon duma na gor mo kukuun kaŋo i kiden na ŋutu kasu, a piritön kasu liŋ nago na titiyu mo köröni körö, gwoso na köŋi Saluman Bet-arbela i lor lo gor nu, i diŋit nagon ko ŋote ko ŋwajik kase a papasaka i ŋirit na geleŋ nu.

¹⁵ Nyena do köji na Betele, ŋina go mo konaki do sona kogwon toron inot a duma. A i baŋun na kak a mor lo Yisaraele mo tukarani tukara asut.