Osea 1 - Bibilia Buk na Ŋun nagon koti luŋu a

Narakwan na Osea nagon a kawute se ko ŋwajik kanyit

¹ Kulo a kulyaesi ti MATAT lo pokin ko Osea ŋuro lo Beri, i perok ti Ujiya, ko ti Yotama, ko ti Akaja, se ko ti Kijikia, logon a moran ti Yuda, ko i perok ti Yerobama ŋuro lo Yöasa, mor lo Yisaraele.

² Kulo a kulyaesi ti MATAT suluesi lo jama ko Osea. Lepeŋ a takiŋdya Osea adi, iti, ko yemakiŋdye mugun narakwan nagon a kawute, ko yuŋwe-kine ŋwajik logon rye i kiko lo wuton, kogwon lo jur aje koŋdya towuton parik i kolokiŋdyo na nan MATAT.

³ A kirut lepeŋ iti tu a joŋdi Gomer nuro na Dibilayim, a nye piŋge pigga, a yuŋwekiŋdye lepeŋ ŋuro lulalet.

⁴ A MATAT takiŋdye Osea adi, Gwije Lepeŋ a Yejerele; kogwon i diŋit a na ’dit nan mo ririŋ kotumit na Yeu kogwon rima na ’buköŋ Yejerele yu kunu, a nan mo to ’duddye tumatyan na Yisaraele.

⁵ A i ŋilu lor, a nan mo ’be ’beleŋgi daŋin ti ŋutu ti Yisaraele i ŋirit na ’dir na Yejerele.

⁶ A nu ŋuto koti ŋiŋge ŋigga a yuŋuŋdye ŋuro nanakwan. A MATAT takiŋdye Osea adi, Gwije Lepeŋ a Paya, kogwon nan mo koti ti won konyen ko kotumit na Yisaraele kwoŋ i pitokiŋdyo na Lepeŋat asut.

⁷ Ama a nan mo won konyen ko kotumit na Yuda, a nan mo lwokuŋdye se ko riŋit nio na MATAT Ŋun lose. Nan mo ti lwokuŋdyo se ko daŋ, kode ko baŋdu, kode ko tito moriesi, kode ko kusanjin, kode ko ŋutu lo wörö ko kusanjin.

⁸ A nagon ŋote aje teŋgu Paya i nöggu nu, a nye koti ŋiŋge ŋigga, a yuŋuŋdye ŋuro lulalet.

⁹ A MATAT kulyani adi, Gwije Leŋeŋ a Lupai, kogwon ta ’bayin a ŋutu kwe, a nan tine gwon a Ŋun losu.

¹⁰ Ama a kenet na ŋutu ti Yisaraele mo gwe gwoso sese na tor nagon ti bulo tema kode kena, a i ŋirit na taki ’e se koju adi, Ta ’bayin a ŋutu kwe nu, a Lepeŋat mo luŋuni a ŋwajik ti ŋun lo gwon jorun.

¹¹ A ŋutu ti Yuda ko ti Yisaraele mo momori i ŋirit na geleŋ, a se mo wulokiŋdye ’borik duma lose geleŋ; a se mo puputuru ŋerot ’bura i jur, kogwon molu gwon a lor duma lo Yejerele.