Nyökit 9 - Bibilia Buk na Ŋun nagon koti luŋu a

MATAT mo tutukar jurön ti Kanana

¹ Yiŋge ta pon kötumit na Yisa-raele, ta de laŋaddu i nu pele na Yardene i lo lor, i lubbö lukata i morga na jurön logon toto Ŋun ta i tojore ko i riŋit nase kulo, ko i morga na köjinö temejik na gwon ko mariŋan nagoŋ yeŋga i ’diko,

² ko gwon ko ŋutu temejik ko a lojo, logon a nyakwa-riat ti Anak, logon ta deden, ko logon ta aje yiŋ kulo adi, ŋa logon jujukin gwo ’dan ko nyakwariat ti Anak i komor?

³ I lo lor dene ta den adi, ŋilo a MATAT Ŋun losu lo laŋaddu kasu ŋerot, nye a kimaŋ na tototumbö, nye lepeŋ mo tukaŋu se, a nye lepeŋ mo gubakiŋdye se kak kasu i komor. Nyena a ta ködyö riköddi se kaŋo, a tolikiŋdye se ’de ’de gwoso nagoŋ MATAT aje jamakiŋdye ta na.

⁴ A i mukök nagoŋ MATAT Ŋun losu a riköddu se kaŋo kasu i komor nu, an ta ko jambu ta kasu i töilyet adi, MATAT a tolupuŋdyö yi lukata i morga na lo jur kogwon yi a ŋutu ti löti lo rigwo; nagoŋ kölumbö MATAT a riköddu ŋutu ti kilo jurön kaŋo kasu i komor kogwon se a lorok.

⁵ Ta a ko lupuŋdyo i morga na lu jur lose kogwon lötiöt kasu lo rigwo kode töilyet kasu lo gwon gwogwo kulo, ama MATAT Ŋun losu mo riköddu kilo jurön kaŋo kasu i komor kogwon se a lorok, anyen MATAT böŋö togwi ’dikiŋdya kulyaet logon nye a milyekin merenyejin kasu logon a ko Abarayama, ko Yisaka, ko Yakobo.

Ŋutu ti Yisaraele a renya MATAT Orebe yu

⁶ Nyenagoŋ deŋdi ta adi MATAT Ŋun losu ti tiŋdu ta i morga na lo jur lo ’but kogwon lötiöt kasu lo rigwo; kogwon ta a ŋutu logon ko murutö a nawo ’duŋak.

⁷ Yiyiuŋdye ta, an ta ko böŋö nu diŋit na towopi ta MATAT Ŋun losu i yöbu nu; ta gwon a kare-nyak ti MATAT suluja i lu lor lo yuöddi ta kaŋo i jur lo Ejipeto lu, tojo ko ’dur nasu i na pirit.

⁸ Kegga ta aje towoŋa MATAT Orebe yu, a MATAT iŋge woran ko ta i tukaŋu na ta.

⁹ I diŋit na tiri nan i mere ki i wuju na ŋurupö na ’dayatak nagoŋ a ŋurupö ti tomoret na teten MATAT ko ta nu, a nan mönuŋdye i mere perok merya Iŋwan mora ko tuparan ko tukwaje; a nan gwe a ko nyesu kinyo kode möju pioŋ.

¹⁰ A MATAT aje tiŋdu nan ŋurupö murek na ’dayatak nagoŋ nye Ŋun lo wuŋö ko morinet lonyit; a kulyaesi liŋ lo jam MATAT ko ta i mere kulu i lukata na kimaŋ, i lor lo momoret lu gwe i kine ŋurupö.

¹¹ A i ’dutet na perok merya Iŋwan, a MATAT tiŋdi nan kine ŋurupö na ’dayatak murek nagoŋ a ŋurupö ti tomoret.

¹² A MATAT kulyani ko nan adi, ŋine ki, ko iti kak ’de ’de i na pirit; kogwon ŋutu kulök lo jon do kaŋo Ejipeto kulo aje köŋu ’börik; se aje girara kaŋo ’de ’de i kiko logon nan a saŋi se lo; a se aje tetenakiŋdya ’börik nyömue na ninitö.

¹³ A MATAT kulyani ko nan adi, Nan aje met kilo ŋutu adi mete, se a ŋutu logon ko murutö a nawo ’duŋak.

¹⁴ Kö-löki nan, anyen nan böŋö tukaŋu se, a nan bubutörö karin kase kaŋo i kak ni; a nan mo pipiluŋdye kaŋo konut lele gweyari lo ŋutu logon lwölwöŋ se i tojore ko i riŋit.

¹⁵ A nan wöriŋöni wöriŋö, a kiyene kak i mere, a kimaŋ tulene tule i lu mere; a ŋurupö murek ti tomoret gwe köyö i könisi.

¹⁶ A nan ko meddi, mete, ta aje toroŋdya MATAT Ŋun losu; ta aje tetenakiŋdya ’börik nyömue na tagwok na ninitö; a ta aje girara kaŋo ’de ’de i kiko logon MATAT aje saŋi ta lo.

¹⁷ Nyena a nan aje ’dumuŋdya kine ŋurupö murek a nan gubakiŋdye se kak köyö i könisi, a nan gwagwalaggi se kasu i komor.

¹⁸ A nan ’dorone kak ko MATAT i komor perok merya Iŋwan mora ko tuparan ko tukwaje gwoso na kokwe nu; nan a ko nyesu kinyo kode möju pioŋ; kogwon nutoron nasu liŋ na toroŋdi ta, i koŋdya na ŋo nagoŋ a naron ko MATAT i komor, i towoŋa na lepeŋ.

¹⁹ Kogwon nan a kujönö na woran ko yulön nagoŋ MATAT a woŋi ko ta i tukaŋu na ta. Ama a MATAT aje yiŋ nan i nu diŋit köti.

²⁰ A MATAT köti iŋge woran ko Arona a tömönik i tukaŋu na lepeŋ; a nan mumulukiŋdye Arona ko Ŋun köti i nu diŋit.

²¹ A nan ’dumaddi nu toron nasu nagoŋ a tagwok na teten ta nu, a nan ’yuŋe nye ko kimaŋ, a gwagwalaggi lepeŋ, a nyö ’buŋe nye ’bura tojo ko nye a poŋdya a naliliŋök gwoso ŋutu; a nan ’bukökiŋdye ŋutu kanyit i loro lo lelekun ki i mere.

²² A ta towopi MATAT köti Tabera yu, ko Masa, ko Kibirot-atawa.

²³ A i diŋit na sonyoddi MATAT ta Kadesa-barenea nu kulya adi, Iti ta ko morgi ta lu jur logon nan a tikin ta lu, a ta renyani saret lo MATAT Ŋun losu, a ta tine yuŋ lepeŋ kode yiŋga gworo lonyit.

²⁴ Ta aje renya MATAT suluja i lu lor lo deŋdi han ta lu.

²⁵ A nan ’dorone kak ko MATAT i komor i kilu perok merya Iŋwan lo ’doro ’i nan kulo; kogwon MATAT aje kulya adi nye mo tutukar ta.

²⁶ a nan momo ’yi MATAT adi, Pon MATAT Ŋun, ko tukaŋu ŋutu kulök lomoriot logon do a dakun ko todumalan iŋot, logon do a toyuuŋdyö se kaŋo i Ejipeto ko könin iŋgo kulo.

²⁷ Yiyiuŋdye kölipör nök kulök logon a ko Abarayama, ko Yisaka, ko Yakobo; an do ko yeyeju towo ’duŋan na kulo ŋutu, kode tukwö-löŋ nase, ko toron nase,

²⁸ an ŋutu ti lu jur logon do a toyuuŋdyo yi kaŋo lu, ti gwe ti kulya adi, MATAT aje toyuöddu se kaŋo i tatuja na se i yöbu kogwon nye maman se, koti nye ti jukin tolupöddu se i lu jur logon nye a milyekin i tiŋdu na se lu.

²⁹ Kogwon kilo a ŋutu kulök ko a lomoriot kulök logon do aje toyuuŋdyo kaŋo ko riŋit iŋot duma se ko könin ilot lo riöji kulo.