Nyökit 8 - Bibilia Buk na Ŋun nagon koti luŋu a

Jur logon ködyö momoka a jur lo ’but

¹ A ta ködyö tiji i koŋdya na saresi liŋ logon nan a sarakin ta i lo lor kulo, anyen ta böŋö ruru, ko ŋöŋdi, a ta lupöni lukata i morga na lu jur logon Matat a milyekin merenyejin kasu lu.

² A ta ködyö yiyiuŋdye lu kiko liŋ logon MATAT Ŋun losu a nyömuŋdye ta i kilo kiŋajin merya Iŋwan i yöbu, anyen nye böŋö to ’diddya ta, i möŋu na ta, ko i deŋdya ko nyo na gwon kasu i töilyet, kode ta ’de ’deŋ saresi kanyit, kode ’bayin.

³ A nye to ’diddye ta a tumapoŋi ta, a tunyeji ta ko mana nagoŋ ta a ko den, nagoŋ merenyejin kasu köti a ko den na; anyen nye boŋo todinikiŋdyö ta adi ŋuto ti gwölön kogwon kinyo ka ’de, ama gwolor ko kulyaesi liŋ logon lupe kaŋo ko MATAT i kutuk.

⁴ A boŋgwat kasu gwe a ko tutulujö kasu i mugunya, a mokosi kasu gwe a ko weweli i kilo kiŋajin merya Iŋwan.

⁵ Nyenagoŋ deŋdi ta kasu i töilyet adi, MATAT Ŋun losu totojumbu ta gwoso nagoŋ ŋuto to-jumbi ŋuro lonyit na.

⁶ Nyena a ta ködyö ’debbi saresi ti MATAT Ŋun losu i wörö kanyit i kikolin, ko i kugga na lepeŋ.

⁷ Kogwon MATAT Ŋun losu lo gwon i joŋdya na ta i jur lo ’but logon ko karya, ko lelekesi ti pioŋ, ko konyen ti pioŋ nagoŋ ’do ’dokon i luruki ko i merya.

⁸ Ŋilo a jur lo ’bolot, ko ’bolot saora, ko lo kaden ti binyo, ko ti ki ’biet, ko ti ruman, ko a Jur lo Jeitun lo kur ŋutu, ko a lo siwatat.

⁹ Ŋilo a jur logon ta mo nyesi kinyo ’bak tolo-merian, logon ta mo ti wanya nene ŋo, iŋkoi nye a jur logon ŋurupö kanyit a witiöt, logon ta bubulö ’bokuŋdya mölwö kanyit i merya.

¹⁰ A ta mo nyesi a yimönöni yimönö, a ta mo bu ’ye MATAT Ŋun losu kogwon lo jur lo ’but logon nye aje tikin ta lo.

Jujuwesi an ŋutu böŋö MATAT

¹¹ Kunyar ta an ta ko boŋöri MATAT Ŋun losu, ko an ta ko jaran i ’debba na saresi kanyit, ko kulya na ’duŋ nye kine, ko saresi kanyit lo wurö logon nye a sarakin ta i lo lor kulo.

¹² Nyena ko ta a nyesu ayimonö, ko a ’duggö kadijik na ’but anyen si ’da kata,

¹³ a ko teŋon kasu ti toro ’bo ko ti yidin a ŋdi, ko pödo ko dakap kasu a ŋdi, ko ŋo liŋ na gwon kasu a ŋdi,

¹⁴ nyena kunyar ta an töilyet kasu jore ko lyöŋön, a ta böŋoni MATAT Ŋun losu lo joŋdya ta kaŋo i jur lo Ejipeto i pirit na to ’dupien lo.

¹⁵ Yeyene ta yeye adi lepeŋ lo nyömuŋdyö ta i lwöpuŋdyö i yöbu na sese duma nagoŋ kukujönö-rikin, nagoŋ ko munuö logon ko wirikö lorok, se ko kitoni, ko kak nagoŋ a kure na ’bak pioŋ. Yeyene ta yeye ko lepeŋ jakin ta pioŋ i lele nagoŋ a wiyu ada,

¹⁶ ko a tunyeju ta i yöbu na sese ko mana nagoŋ merenyejin kasu a ko den na; anyen nye böŋö to ’diddya ta i möŋu na ta; ko i kona-kiŋdya na ta ’busan i perok kasu ti molu.

¹⁷ Kunyar, an ta ko kulya kasu i töilyet adi, Riŋit nikaŋ ko topolon na könisi kaŋ aje jakiŋdya yi ŋina tukwö-rien.

¹⁸ A ta ködyö yiyiuŋdye MATAT Ŋun losu, kogwon nye lo tiŋdu ta riŋit i tukwörieŋdu na ta, anyen nye böŋö togwi ’dikiŋdya tomoret nanyit nagoŋ nye a milyekin merenyejin kasu, gwoso i lo lor na.

¹⁹ A mo gwe sona ko ta a böŋö MATAT Ŋun losu, i kepöddu na kulye Ŋunyen, ko i kitakiŋdya na se, ko i kwakwaddu na se, nan a kunyaŋu ta i lo lor adi ta mo totoliki asut.

²⁰ Iŋkoi ta mo totoliki gwoso jurön logon MATAT a tolikin kasu i komor kulu, kogwon ta ti ’bon yiŋga gworo lo MATAT Ŋun losu.