Nyökit 7 - Bibilia Buk na Ŋun nagon koti luŋu a

Ŋutu logon Ŋun a gelun a kanyit

¹ A na joŋdi MATAT Ŋun losu ta i lu jur logon ta lubbi i morga lu, a ’dotoddi gweyajin ti ŋutu jore kaŋo kasu i komor, logon a ŋutu ti Kiti, ko ti Girigisi, ko ti Amori, ko ti Kanana, ko ti Peŋi, ko ti Kiwi, ko ti Yebusi, kilo a jurön buryo temejik logon toto-Ŋun ta i tojore ko i riŋit nase;

² a ko MATAT Ŋun losu a pakiŋdya ta se a ta te ’yi se, ta ködyö tukaŋu se asut. Ta ködyö ti koŋdya tomoret ko se, a tine pitökiŋdyö se.

³ An ta ko tiŋdu ta ŋwajik kasu i yema ko ŋwajik kase, kode toyemakiŋdya ŋwajik kasu kö ’disi kase.

⁴ Kogwon se mo togiraddu ŋwajik kasu kaŋo i kepöddu na MATAT, a kitakiŋdye kulye Ŋunyen; nyena a woran na MATAT mo tuleki kasu loki a nye mo tukaŋi ta ’de ’de.

⁵ Ama ta ködyö konakin se sona; kweja adi ta ködyö dukakin kak piritön ’yuresi ti rubaŋgajin kase, a ta gwagwalaggi ka ’de ka ’de ŋurupö kase logon a togwi ’diki ki i kwakwasa kulo, a ta tukukiŋdye kak kaden ti mian kase logon a Asera, a ’yuŋe ko kimaŋ nyömuejin kase lo gigiru.

⁶ Kogwon ta a gweya na ŋutu logon a gelwe a loke ti MATAT Ŋun losu, a MATAT Ŋun losu aje wuluŋdyö ta i kiden na gweyajin liŋ ti ŋutu logon gwon i na kak kulo anyen gwon a ŋutu kanyit lomoriot.

⁷ A MATAT nyaŋi ta, ko a wulun ta ti gwon kogwon tojore nasu lwölwöŋ na nene gweya na ŋutu, (kogwon ta ku ’dik lwo lwöŋ gweyajin liŋ ti ŋutu;)

⁸ ama tuŋ kogwon MATAT nyanyar ta, a nye ’debbi milye logon nye a milyekin inerenyejin kasu, nyena a MATAT aje toyuöddu ta kaŋo ko könin iŋgo, ko a dakaddu ta kaŋo i pirit na to ’dupien, i könin lo Paro mor lo Ejipeto.

⁹ Nyena-ŋon deŋdi ta adi MATAT Ŋun losu, nye logon a Ŋun; nye a Ŋun lo yiyiniki logon ti bulo löpuggö, lo ’debba tomoret ko nyaŋu nanyit nagoŋ ti ’duddyö kwöŋ ko se logon nyanyar lepeŋ ko ’de ’de

¹⁰ a nye ropakiŋdye kamanak kanyit a lokomor, i tukaŋu na se; a nye mo tine karakin i lepeŋ lo maŋdu nye, ama a mo ropakiŋdye lepeŋ a lokomor.

¹¹ Nyenagoŋ a ta ködyö tiji ŋo i koŋdya na jujuwesi, ko saresi lo wurö, se ko kulya na ’duŋö nagoŋ nan a sarakin ta i lo lor kune.

Ŋutu katwoyok ’bo ’boria

¹² A mo gwe sona adi ko ta a yiŋga kine kulya na ’duŋö kine, a ’debbi se i koŋdya na se, a MATAT Ŋun losu mo ’debbi tomoret nanyit ko ta se ko nyaŋu nanyit nagoŋ ti ’duddyo kwoŋ nagoŋ nye a milyekin merenyejin kasu na;

¹³ a nye mo nyaŋi ta, a ’boroji ta, a tuŋoŋe ta; iŋkoi nye mo ’boroja ta anyen yupuŋdyö ŋwajik, a mo ’boroji kak nasu anyen totoran, ko ’bolot kasu ko binyo kasu ko weletan kasu, ko ’yala na toro ’bo kasu ko torela ti yidin kasu, i lu jur logon nye a milyekin merenyejin kasu adi nye mo titin ta lu.

¹⁴ A ta mo lo ’boriani lwolwoŋ na gweyajin liŋ ti ŋutu; a tu ’baŋan na lyan ko na wate mo gwe ’bayin i kiden na ŋutu kasu ko na toro ’bo kasu.

¹⁵ A MATAT mo joŋgi gilesi liŋ kaŋo kasu, a nye mo tine tikiŋdya ta lele lo twana lorok ti Ejipeto, logon ta a den kilo, ama a nye mo tikiŋdye se i ŋutu liŋ logon maman ta kilo.

¹⁶ A ta ködyö tukaŋi gweyajin liŋ ti ŋutu logon MATAT Ŋun losu mo pakin ta kulo; a ta tine won konyen ko se; a ta koti tine kitakiŋdya Ŋunyen kase. Ko ta a won konyen ko se a ta mo lokajine lokaji.

¹⁷ Ama ko ta a jambu kasu i toilyet adi, Kulu juron gwon ko riŋit kayaŋ a yi mo rikoddi lepeŋat ada?

¹⁸ A ta ködyö tine kujoŋo se, ama a ta yiyiun-dye ŋo nagoŋ MATAT Ŋun losu a kona-kin Paro se ko ŋutu ti Ejipeto liŋ.

¹⁹ A ta yiyiuŋdye kunu moriesi temejik nagoŋ ta a met ko konyen kasu, ko kweyesi, ko tusorosi nagoŋ MATAT Ŋun losu a toyuuŋdyo ta kaŋo ko se ko könin iŋgo lo rioji; a MATAT Ŋun losu mo konakiŋdye gweyajin liŋ ti ŋutu sona koti logon ta kukujoŋori kilo.

²⁰ Nyenagoŋ a MATAT Ŋun losu mo sonyoddi li ’bi ’biŋon kase kiden tojo ko kilu gweyajin ti ŋutu mo a toliki logon a pituŋdyö ko a ’de ’ya ’börik kogwon ta.

²¹ A ta ködyö tine böŋdu kogwon se; kogwon MATAT Ŋun losu lo gwon kasu kiden a Ŋun duma lo kukujönö-rikin.

²² A MATAT Ŋun losu mo ’do-toddi kulu gweyajin kaŋo madaŋ madaŋ kasu i komor; a ta ködyö tine tutungo se i daŋ geleŋ, an kijakwa ti mu ’diŋ ko ŋdi kasu.

²³ Ama a MATAT Ŋun losu mo pakiŋdye ta se, a mo köbuŋe se ko koburet duma tojo ko se a tukara.

²⁴ a nye mo tiŋdi moran kase kasu i könisi, a ta ködyo tolikiŋdye karin kase i na kak; a lele ŋuto gwe ’bayin logon jujukin ri ’daŋ ta, ama ta mo tutukar se liŋ.

²⁵ A ta ködyö ’yuŋe Ŋunyen kase lo gigiru; an ta ko be ’ya pödo kode dakap nagoŋ gwon kase i mugunya, kode i joŋga na se a kasu, an ta ko loka ko se; kogwon kine a ŋo nagoŋ MATAT Ŋun losu maman kune.

²⁶ A ta ködyö tine joŋdya nene ŋo na mamana kasu i kadijik, an ta ko tukara asut gwoso nye; a ta ködyö paji lepeŋ, a maŋdi lepeŋ asut; kogwon nye gwon a ŋo nagoŋ agu ködyö tukara asut.