Nyökit 4 - Bibilia Buk na Ŋun nagon koti luŋu a

Kukuesi anyen ŋutu ti Yisaraele gwon a katwöyök

¹ Nyenagoŋ soŋinana, pon kötumit na Yisaraele, yiŋge ta saresi lo wuröki ta se ko kulya na ’duŋöki ta nagoŋ nan a todinikin ta kune, ko koŋdi ta se anyen ta böŋö gwon jörun ko lupö lukata i morga na lu jur logon MATAT ŋun lo merenyejin kasu titin ta lo.

² A ta ködyö tine ’yalakiŋdya i kulyaet logon nan a saŋi ta, kode ’dumaddu kata; anyen ta böŋö ’debba saresi ti MATAT ŋun losu logon nan aje sarakin ta kulo.

³ Nyena ta aje met ko konyen kasu konesi ti MATAT Bala-peor yu; kogwon MATAT ŋun losu a tukaŋu kasu kiden ŋutu liŋ lo kebbu Bala logon a ŋun lo Peor;

⁴ ama ta liŋ logon aje ’depakiŋdya ko MATAT ŋun losu kulo ta soŋinana gwon jörun i lo lor.

⁵ Meddi ta, nan aje todinikin ta saresi lo wurö ko kulya na ’duŋö, gwoso nagoŋ MATAT ŋun liŋ a saŋi nan adi ta ködyö konakiŋdya se, i lu jur lo lupöddi ta i morga na lepeŋ lu.

⁶ Tiji ta i koŋdya na se; kogwon ŋina mo gwe a koŋon nasu ko a kuruŋdyö nasu i komor na gweyajin liŋ ti ŋutu. A na yiŋge se kilo saresi lo wurö liŋ kulo nu, a se mo kulyani adi, ’Diri na kötumit duma gwon ko ŋutu lokoŋ lo kukuruŋdyö kulya.

⁷ Kogwon kötumit duma a ŋa nagoŋ ŋun lose gwon nyona ko lepeŋat, gwoso nagoŋ MATAT ŋun likaŋ gwon nyona koyi i diŋitan liŋ na momo ’yi yi lepeŋ kune?

⁸ Kötumit duma a ŋa nagoŋ gwon ko saresi lo wurö se ko kulya na ’duŋö na rigwo. gwoso kine todinesi nagoŋ nan a tin kasu i komor i lo lor kine?

Ŋutu ti Yisaraele a toyiyiki ŋo na konaki se Orebe yu

⁹ Tuŋ kunyar ta, ko tiji ta ’börik ’bura, an ta ko böŋö ŋo na met konyen kasu kunu, an se ko likin kasu i töilyet i perok liŋ ti gwiliŋit nasu. Tiŋdi ta se i dena ko ŋwajik kasu se ko nyakwariat kasu.

¹⁰ An ta ko böŋö ta lu lor lo gwo ’di ’e ta ko MATAT Ŋun losu i komor Orebe lu, na kulyari MATAT ko nan adi, Momoruŋdye kilo ŋutu köyö ni, a nan mo tiŋdi se i yiŋga na kulyaesi kwe, anyen se jujumbu i kugga na nan i perok gwiliŋisi kase liŋ i na kak, ko anyen se todinikin ŋwajik kase sona köti.

¹¹ A ta aje poŋdya nyona a gwo ’de i mukök na lu mere, a kimaŋ tulene tule i mere lukata nagoŋ yeŋga i ’diko lukata, a kak gwe a mudwe adi ’dii, ko a luru lo piddya.

¹² a MATAT aje jambu i kimaŋ lukata ko ta; a ta yiŋge gworo i jambu, ama a ta gwe a ko met nene ŋo, ake gworo ka ’de tuŋ.

¹³ A nye aje kwekiŋdya ta tomoret nanyit nagoŋ nye aje sarakin ta i koŋdya na, kweja adi Saresi Puök; a nye aje wurökiŋdyö se i ŋurupö murek na ’dayatak.

¹⁴ a MATAT aje sarakiŋdya nan i nu diŋit i todinikiŋdyo na ta saresi lo wurö ko kulya na ’duŋ nye kune, anyen ta böŋö koŋdya se i lu jur logon ta laŋaddu nyin i morga lu.

Kukuesi an se kwakwaddu nyomuejin

¹⁵ Nyenagoŋ kunyar ta ’börik; kogwon ta a ko met gwuluet na nene ŋo i lu lor lo jambi MATAT i kimaŋ lukata ko ta Orebe yu,

¹⁶ ama an ta ko koŋu ’börik i tetenakiŋdya na ’börik nene nyömue na gigiru i gwuluet na nene gweyari, kode i gwuluet na ŋuto lulalet kode nanakwan,

¹⁷ kode i gwuluet na nene turu ’buti i na kak, kode i gwuluet na nene gweyari na kwenti na ’da ’daju ki,

¹⁸ kode i gwuluet na nene ŋo na gwögwöŋtu kak, kode i gwuluet na nene sumuti na gwon i pioŋ lukata.

¹⁹ Köti an ta ko ’biluru konyen kasu ki i ’diko, a ta meddi kolor ko yapa ko kaser, iŋkoi kurumi na ki liŋ, a ta lulukajine kaŋo anyen kwakwaddu se ko anyen kitakiŋdya se, kogwon MATAT ŋun losu aje korakiŋdya kine ŋo i gweyajin ti ŋutu liŋ lo gwon i na kak kulo.

²⁰ Ama MATAT aje joŋga ta kaŋo ko aje toyuöddu ta kaŋo i tuka nitet nagoŋ a Ejipeto, anyen gwon a ŋutu lomoriot kanyit gwoso na gwoŋdi ta i lo lor na.

²¹ Köti MATAT aje woran ko nan kogwon kulya kasu, a nye aje milyeju adi nan ködyö ti laŋaddu i nu pele na Yardene, ko köti ti lupö i lu jur lo ’but logon MATAT ŋun losu titin ta a lomore lu.

²² Kogwon nan agu ködyö twa i lo jur, nan a ko ’buruki i laŋaddu i nu pele na Yardene; ama a ta mo laŋaddi i nu pele i morga na lu jur lo ’but.

²³ Kunyar ta ’börik, an ta böŋö tomoret na MATAT ŋun losu nagoŋ nye aje teten ko ta na, i gweja na nyömue na gigiru i gwuluet na nene ŋo nagoŋ MATAT ŋun losu a saŋi ta adi ti gwe ti kona na.

²⁴ Kogwon MATAT ŋun losu a kimaŋ na tototumbo, ko a ŋun kayinönit.

²⁵ A na yuŋuŋdye ta ŋwajik se ko nyakwariat kasu, a joŋgi diŋit a najo i lu jur nu, ko ta ködyö mo köŋu ’börik, a teteŋdi nene nyomue na gigiru nagoŋ a gwuluet na nene ŋo, a ta koŋdi ŋo nagoŋ a naron ko MATAT ŋun losu i komor i towoŋa na nye.

²⁶ A ko ködyö mo gwon sona, a nan luŋgi ki ko kak i kwekiŋdya na kulya kasu adi ta mo totoliki asut i diŋit a na ’dit i lu jur logon ta mo laŋaddu i nu pele na Yardene i morga na lepeŋ lu. Ta mo ti gwon ko perok jore nyu, ama ta mo tutukara asut.

²⁷ a MATAT mo torekiŋdye ta i kiden na gweyajin ti ŋutu, a ta mo kölökine ku ’dik i kiden na jurön logon MATAT mo nyömöddi ta nyu kulu.

²⁸ A nyu ta mo kitakiŋdye ŋunyen logon ŋutu lo teteŋdya i kaden kode i ŋurupö kulu. Kilo ŋunyen ti bulö meddya, kode yiŋga, kode nyesu, kode moja.

²⁹ Ama ko ta ködyö ga ’yu MATAT Ŋun losu nyu, ta mo ryöryö lepeŋ ko ta ködyö mo ga ’yu lepeŋ ko töilyet kasu liŋ ko ködu dwölön kasu liŋ.

³⁰ A ko ta gwon i nagusu a kine ŋo liŋ poki kasu i perok lo popo kulu, a ta mo yitöni ko MATAT ŋun losu yu, a mo yiŋge gworo lonyit,

³¹ kogwon MATAT ŋun losu a ŋun kapitönit; nye mo ti paju ta, kode köŋu ta, nye mo ti böŋö tomoret na tetena ko merenyejin kasu nagoŋ nye a milyekin se nu.

³² Nyena pije ta böŋö i kulya ti perok lo lwöŋgu, logon ta nyuŋ ’bayin kulu, suluja i lu lor lo gweji ŋun ŋutu i na kak nu, ko pije ta i na ’dutet na kak tojo ko nu, kode nene ŋo sörit gwanan ’beron a kona kode a yiŋa.

³³ Nene gweya na ŋutu ’beron a yiŋ gworo lo ŋun i jambu ko se i kimaŋ lukata, gwoso nagoŋ ta aje yiŋ a gwe a ko twatwa le?

³⁴ Kode lele ŋun ’beron a möŋu tu i riŋaddu na lele jur a lonyit i kiden na jur lele ko möriesi, ko kwe-yesi, ko tusörösi, ko ŋor, ko könin iŋgo lo riöji, se ko tokujönöesi temejik, gwoso i ŋo liŋ nagoŋ MATAT ŋun losu aje konakin ta Ejipeto kasu i metet nu le?

³⁵ Ta logon a kweki kine kulya anyen ta böŋö deden adi MATAT logon a ŋun; lele gwe ’bayin ake lepeŋ tuŋ.

³⁶ A nye tiŋdi ta i yiŋga na gworo lonyit logon lupe kaŋo i lukata na ’diko, anyen nye böŋö tojumbu ta; a i kak ni nye tiŋdi ta i meddya na kimaŋ nanyit duma, a ta aje yiŋ kulyaesi kanyit lo lupe kaŋo i kimaŋ lukata.

³⁷ Köti kogwon nye nyanyar merenyejin kasu, a nye wuluŋdye nyakwariat kase logon kase i mukök, a toyuöddi ta kaŋo i Ejipeto ko mugun nanyit, ko riŋit nanyit duma,

³⁸ i riköddu kaŋo kasu i komor jurön logon a temejik ko a iŋgo lwölwöŋ ta kulu, i tolupuŋdyö na ta lukata, ko i tiŋdu na ta jur lose a lomore gwoso i lo lor na.

³⁹ Nyenagon dene ta den i lo lor, ko ’debbi ta kine kulya kasu i töilyet adi MATAT gwon a ŋun lo ki yu ko lo kak ni; a lele gwe ’bayin.

⁴⁰ Nyenagoŋ ta ködyö ’debba saresi kanyit lo wurö ko jujuwesi kanyit logon nan saŋi ta i lo lor kulo, anyen kulya kasu mo gwon ’bura, ko i ŋwajik kasu kasu i mukök, ko anyen perok kasu mo gwon jore i jur logon MATAT ŋun losu a tikin ta asut lu.

Köjinö rupisi i swöt lo ’yure lo Yardene

⁴¹ A i nu diŋit a Mose korakiŋdye köjinö musala i swöt lo ’yure i nu pele na Yardene,

⁴² anyen katatuanit böŋö wökön nyu, logon a boŋöddu marate lonyit ’bak denet ko a ko man lepeŋ i diŋit na lwöŋgu; anyen nye wökön i nene na kunu köjinö anyen gwon jörun.

⁴³ Kine köjinö a ko Beser na gwon i yöbu, i jur logon a ko ’du na ’da-yat, nagoŋ a na kötumit na Rubena; ko Ramot na gwon Gilada nagoŋ a na kötumit na Gada; se ko polan na gwon Basan nagoŋ a na kötumit na Manase.

Mose suluja nyönyöggu saresi

⁴⁴ ŋilo a saret logon Mose a tikin ko ŋutu ti Yisaraele i komor;

⁴⁵ a kine gwe a todinesi, ko saresi lo wurö, se ko kulya na ’duŋö kune nagoŋ Mose aje jamakin ŋutu ti Yisaraele, na yuöddi se kaŋo i Ejipeto,

⁴⁶ i nu pele na Yardene i pirit na ’dir na diruŋdya Bete-peor, i jur lo Sikon mor lo Amori lo si ’da Kesebon, logon Mose ko ŋutu ti Yisaraele aje te lo, na yuöddi se kaŋo i Ejipeto nu.

⁴⁷ A se morgi jur lo Sikon ko jur lo ŋga mor lo basan. (Kilo moran murek ti Amori si ’da i swöt lo ’yure i nu pele na Yardene.)

⁴⁸ Kweja adi se a morga jur suluja Aroer na gwon nyona ko kare Arenon, tojo ko mere Sirion (nagoŋ köti a Eremon),

⁴⁹ se ko swöt lo Araba liŋ i swöt lo ’yure lo Yardene tojo ko tör na Araba, i mukök na dudulesi ti mere Pisiŋa.