Nyökit 32 - Bibilia Buk na Ŋun nagon koti luŋu a

¹ Ta ’dikolo, yiŋge ta, nan lo jajambu; do kak, yiŋge kulyaesi lo po köyö i kutuk kulo.

² Ti todinesi kwe lilimbe gwoso kudu, ti kulyaesi lo lupe köyö i kutuk kulo ’do ’done gwoso puŋutut, ko gwoso ryem na kudu i döru logon nyuŋ a lo ’dit, ko gwoso kuduöt lo ’do i döru loki.

³ Nan mo tuggö karin ti MATAT. Ruŋge ta adi, Ŋun likaŋ a duma!

⁴ ŋilo Lurutat, kita nanyit a nake; kogwon kikolin kanyit liŋ a lo rigwo. Nye a Ŋun lo yiyiniki ko ’bak toron, nye a lo rigwo ko yeŋ gwogwo.

⁵ Kilo ŋutu aje konakin lepeŋ arabat, lepeŋat ’bayin a ŋwajik kanyit kogwon kulya ti bata nase; se a toberon nakwölöŋ ko a lupalien.

⁶ Ta ŋutu lu ’böŋ ko lo ’bak yeyeesi kulo, ta ropakiŋdya MATAT sona le? Lepeŋ ti gwon a munyi losu lo gwöruŋdyö ta le, logon a gweja ta a topo ’yi ta?

⁷ Yiyiuŋdye ta perok ti ’beron kulu, yeyeji ta kiŋajin ti nyakwariat jore; pije ta komunyi, a se de kwekiŋdye ta, pije ta temejik kasu, a se de takin-dye ta.

⁸ Na tiŋdi Katoŋanit lo ki liŋ gweyajin ti ŋutu jurön kase lomoriot, na koŋi nye ŋutu nu, a nye tiŋdi lokökoritan ti gweyajin ti ŋutu gwoso i kenet na ŋwajik ti Ŋun.

⁹ Kogwon ŋutu ti MATAT gwon a koret nanyit lomore, iŋkoi kötumit na Yakobo gwon a jur lonyit lomore.

¹⁰ Nye a ryö lepeŋat i jur logon a yöbu na sese, i ’dar kana na wuwuŋi ’e gwuruŋin; nye a pom lepeŋat, nye a tiju lepeŋat, nye a gaju lepeŋat gwoso koŋe lonyit metet.

¹¹ Gwoso nagoŋ yuku topikiŋdye torela kanyit, a nye bibirte ko ŋwajik kanyit loki, a nye rije köpukön kanyit i joŋga na se, a ’dukuŋdye se kanyit i köpukön na,

¹² a MATAT geleŋ köti lo nyömöddi lepeŋat sona, lele Ŋun lwakatyo gwe ’bayin ko lepeŋat.

¹³ A nye tuwöröddi lepeŋat ki i ko ’dulan ti kak, a nye tunyeji se ko kinyojin ti meleseŋo; a nye tiŋdi se i ’biuŋdya na siwatat na rye i lurutat, a ’biuŋdye welet i lele nagoŋ a wiyu.

¹⁴ A nye tiŋdi se gwoŋali i kisuk, ko le i yidin, se ko welet na yisi ko na lopijoki nagoŋ a ti teŋon ti Basan, se ko melon mönikön, se ko ’bolot lo ’but parik, a se möji pioŋ ti ludweki ti binyo nagoŋ a nator gwoso rima.

¹⁵ Ama a kotumit na Yesurun pire pirön, a gwe a lo totogwo; se a pirön, se a po a lo yurumok, ko a lo ’deyoŋak; a kirut se kö ’yi Ŋun lo gweja se lo, a lauŋdye ŋilo Lurutat Kalwökönit lose.

¹⁶ A se toyu ’ye lepeŋ ko Ŋun yen ka ’de ka ’de, asetowoŋi lepeŋ koŋo na mamana.

¹⁷ A se ’duŋökiŋdye mulökö logon ti gwon a Ŋunyen rubaŋgajin, i Ŋunyen logon se a ko nyuŋ den, i Ŋunyen ludukö logon pete poŋdya, logon merenyejin kasu a ko kujo-nöri kulo.

¹⁸ A ta kulo tine yeyeju Lurutat lo yupuŋdyö ta, iŋkoi ta a böŋö Ŋun lo ta ’duuŋdyö ta lo.

¹⁹ A MATAT ko meddi sona a tine ’bön se, kogwon toworesi ti ŋwajik kanyit lulyan ko nawate.

²⁰ A nye kulyani adi, Nan mo ’de ’ya komor nio i se, a nan mo meddi ko ’dutet nase mo gwon ada, kogwon se a toberon nakwölöŋ, ko a ŋwajik logon ti yiniki.

²¹ Se a tiŋdu nan i yulön ko ŋo nagoŋ ti gwon a Ŋun; se köti a towoŋa nan ko nyömuejin kase. Nyena nan mo tiŋdu se i yulön ko ŋutu logon ti gwon a gweya na ŋutu; a nan mo tiŋdi se i woran ko jur lo ŋutu lu ’böŋ.

²² Kogwon kimaŋ a totule ’i ko woran nio, a nye ’yuraddi teŋ ko wi na pirit na mulökö, a nye totumbe kak ko radan nanyit, ko a ’yurakiŋdya gwo ’diesi ti merya.

²³ A nan mo sosopakiŋdye kulya narok kase loki; a nan mo tutupökiŋdye loya kwe kase;

²⁴ a se mo soke sokan ko magor, a mugunya kase mo salakiŋdye nyin ko tupape adi duet ko twanti lo tatatuja; a nan mo sunyukiŋdye gwuruŋin i kokoja na se, ko ŋo lo gwögwöŋtu kak i ŋutu i kokiŋdya na se wiri.

²⁵ A ŋutu mo tatuani köke ko baŋdujin, a rigwökö mo na gwe i kadijik lukata, a ko teton ko kö ’disi mo tatuani tatua, ko lupudiet lo nönöggu se ko ŋutu logon kupir a kwekweja kulo.

²⁶ A nan kulyani adi, Ko nan ködyö a ’dekan nan ködyö a toreara se pajo, a nan ködyö tutuŋge yeyeö nase i kiden na ŋutu,

²⁷ ama nan a kujönö an merok kase ko towoŋa nan, an kaŋisak kase ko lyapara, an se ko jambu adi, Könisi kaŋ lo te ’ya, a MATAT gwe a ko koŋdya kine kulya liŋ.

²⁸ Kogwon se a jur logon a tolikiŋdyö koŋon nase, a kuruŋdyö nase gwe ’bayin.

²⁹ Ko se ködyö a lokoŋ a se ködyö kuru kurun ŋina ŋo, a se ködyö timuŋdye ’dutet nase!

³⁰ ŋuto geleŋ ŋona bubulö doŋgu ŋutu aliŋ geleŋ, kode ŋutu murek bubulö riköddu ŋutu alipan puök le? Kine kulya ködyö ti bulö gwon sona ko ködyö Lurutat lose a ko tugwöŋu se, iŋkoi ko ködyö MATAT a ko pakin se. ’Bayin sona le?

³¹ Kogwon lurutat lo merok kaŋ ti gwon gwoso Lurutat likaŋ, ma ’di lepeŋat ko ’börik kukulya sona.

³² Kogwon ködini lose lo binyo a pukun i ködini lo binyo lo Sodoma, ko i meleseŋo ti pomora; a ludweki kase gwe a ludweki sumesi, a kusik ti ludweki kase gwe pötwör;

³³ a binyo kase gwe a kisum na munuö, ko a wiri loron lo munuö gwoŋko-rokan.

³⁴ Kine ŋo a ko ’delaki köyö le, ko a toraki i ’delesi kwe?

³⁵ Kine a kulya kwe i ropakiŋdya na nu diŋit na jeletani mokosi kase; kogwon lor körit lose gwe nyona, a kulya na tetenaki se kunu mo popo ’de ’de.

³⁶ A MATAT mo ’duŋge kulya ti ŋutu kanyit rigwo, a mo won konyen ko kölipönök kanyit, na meddi nye adi riŋit nase a ’baka nu, a ŋutu gwe ’bayin lo pituŋdyö, kode logon a ’dupi kode logon a lui.

³⁷ A kirut nye mo ŋe adi, Ŋunyen kase kulo kuliya? Lurutat ’danaet lose liya?

³⁸ ŋilu lurutat logon a nyesu welet na rubaŋgajin kase, ko a möju binyo ti ’bu ’buket lo rubaŋga lose liya? Ti se ŋine ki i parakiŋdya na ta, ti se gaji ta!

³⁹ Meddi ta adi, Nan ma ’di nan lo a nye, lele Ŋun gwe ’bayin ake nan tuŋ; nan logon tatatuja, ko nan logon totorujö; nan logon böböŋöddu, ko nan logon totobia ’yu; ŋuto ’bayin logon bubulö riŋaddu kaŋo köyö i könin.

⁴⁰ Kogwon nan a sijoro könin liŋ ki, adi, ’Diri, ’diri gwoso na gwoŋdi nan ŋupi na,

⁴¹ ko nan ködyö a jujö wale liŋ lo meme ’dekta, a könin liŋ ’dumuŋdye ’duŋgö na putet, a nan mo ropakiŋdye ŋutu lo ŋisa ko nan kulo, iŋkoi nan mo ropakiŋdya ŋutu lo maman nan kulo.

⁴² A loya kwe mo mere meran ko rima, a baŋdu liŋ mo nyesi mugunya ti ŋutu, se ko rima ti lutwatwa ko ti lo momoka, nagoŋ wuun kaŋo ko merok i kusik.

⁴³ Ta ŋutu ti jurön, bu ’ye ta ŋutu kanyit; kogwon nye rorobba rima ti kölipönök kanyit, a nye ropakiŋdye ŋutu lo ŋisa ko lepeŋ kulo, a mo toke ’yi jur lonyit ko ŋutu kanyit.

⁴⁴ Sekilo kulyaesi liŋ ti ŋilo köli logon Mose se ko Yosua ŋuro lo Nun a nyönyökökin ŋutu kulo na poŋdi se nu.

⁴⁵ A na tutuŋge Mose i jamakiŋdya na kilo kulyaesi liŋ i ŋutu liŋ ti Yisaraele nu,

⁴⁶ a nye kulyani ko se adi, Tiŋdi ta töilyet kasu i ’debba na kilo kulyaesi liŋ logon nan aje tukökin ta i lo lor kilo; anyen ta sarakin ŋwajik kasu, anyen se böŋö tiju i koŋdya na kulyaesi liŋ ti kilo saresi.

⁴⁷ Kogwon kine kulya ti gwon a ŋo kana kasu, ama se gwon a ru nasu, kogwon ko ta kökon kine kulya a ta mo si ’dani kiŋajin jore i jur logon ta mo laŋaddu i nu pele na Yardene i morga lu.

Ŋun a rukokin Mose i meddya na jur lo Kanana pajo

⁴⁸ A MATAT kulyani ko Mose i ŋilu lor lo geleŋ lu adi,

⁴⁹ Kije ŋilu mere Abarim, logon a mere Nebo, logon gwon i jur lo Moaba lo todir ko Yeriko lu; ko meddi jur lo Kanana, logon nan a tiŋdu ŋutu ti Yisaraele a lomore lu;

⁵⁰ ko twaki i mere logon do a kija nyin lu, ko ti do nukakine ko merenyejin kulök i merete, gwoso na twa-kiŋdye Arona luŋaser ilot i mere Or a iŋge nukaki ko merenyejin kanyit i merete nu;

⁵¹ kogwon ta a ko twöju nan i kiden na ŋutu ti Yisaraele i lelekesi ti pioŋ ti Meriba Kadesa yu i yöbu na Sin; kogwon ta a ko geluŋdya nan a loke i kiden na ŋutu ti Yisaraele.

⁵² Kogwon, do mo memet ŋilu jur konut i komor logon nan a tin ŋutu ti Yisaraele lu, ama a do mo tine lupö lukata.