Nyökit 30 - Bibilia Buk na Ŋun nagon koti luŋu a

Ŋutu ködyö koŋdya nyo ko se ’dek kulya kase gwon ’bura anyen se ’bo ’boria

¹ A mo gwe sona, na pokiŋdye kine kulya liŋ kasu loki, nagoŋ a ’boriesi ko a lömisi, nagoŋ nan aje tin kasu i komor kune, a ta yiyiuŋdye se i kiden na kulu jurön logon MATAT Ŋun losu aje riköddu ta nyin kulu,

² a ta se ko ŋwajik kasu yitöni ko MATAT Ŋun losu yu, a ta yiŋge gworo lonyit i ŋo liŋ nagoŋ nan a saŋi ta i lo lor kune, ko töilyet kasu liŋ se ko ködu dwölön kasu liŋ;

³ a kirut MATAT Ŋun losu mo nyö-kuŋdye ta bot, a mo won konyen ko ta, a mo pepenuŋdye ta köti i gweyajin ti ŋutu liŋ, logon MATAT Ŋun losu aje torekin ta nyin kulu.

⁴ A ko ŋutu kasu logon a toreki kulo gwe i ’dutesi ti kak a MATAT Ŋun losu mo pepenuŋdye ta nyu, a nye dokuŋdye ta nyu;

⁵ a MATAT Ŋun losu mo joŋdi ta i lu jur lomore lo merenyejin kasu, anyen ta mo ’debba lepeŋ a losu; a nye mo konakiŋdye ta ’bura, a mo tupöŋe ta lwölwöŋ merenyejin kasu.

⁶ a MATAT Ŋun losu mo taweŋi ’böriköt na muggö töilyet kasu ko töilyet ti ŋwajik kasu, anyen ta böŋö mo nyaŋu MATAT Ŋun losu ko töilyet kasu liŋ se ko ködu dwölön kasu liŋ anyen ta böŋö gwon jörun.

⁷ A MATAT Ŋun losu mo tiŋdi kine lömisi liŋ i kaŋisak kasu ko i merok kasu lo sasaŋdu ta kulo.

⁸ A ta köti mo yiŋge gworo lo MATAT a koŋdi saresi kanyit liŋ logon nan a saŋi ta i lo lor kulo.

⁹ A MATAT Ŋun losu mo tiŋdi ta i baraŋdu ko kulya na ’but i konesi kasu liŋ, ko i ŋwajik kasu lo yuŋ ta kulo, ko i torela ti toro ’bo kasu, ko i kinyojin ti kak nasu; kogwon MATAT köti mo lyölyöŋi i konakiŋdya na ta ’bura, gwoso nagoŋ nye lyölyöŋi ’e ko merenyejin kasu nu,

¹⁰ ko ta yiyiŋ gworo lo MATAT Ŋun losu i ’debba na jujuwesi kanyit, ko saresi kanyit lo wurö logon a wuröki i ŋina buk na saresi, ko ta a löpukuŋdyö ko MATAT Ŋun losu ko töilyet kasu liŋ se ko ködu dwölön kasu liŋ.

¹¹ Kogwon kilo saresi logon nan a saŋi ta i lo lor kilo ti gwon a iŋgo kasu, ko ti gwon pajo.

¹² Se ti gwon ki i ’diko, anyen ta kulya adi, ŋa de lo kikiŋdya yi ŋina ’diko, anyen jakiŋdya yi lepeŋat, anyen yi böŋö yiŋga lepeŋat ko koŋdya lepeŋat köti?

¹³ Se köti ti gwon i nu pele na tör, anyen ta kulya adi, ŋa de lo Lapakiŋdya yi ŋina tör, anyen jakiŋdya yi lepeŋat, anyen yi böŋö yiŋga lepeŋat ko koŋdya lepeŋat köti?

¹⁴ Ama kilo kulyaesi gwon kasu nyona parik, kasu i kutusen ko kasu i töilyet, anyen ta böŋö bubulö koŋdya lepeŋat.

¹⁵ Meddi ta, nan aje tiŋdu kasu i komor i lo lor ru ko kulya na ’but, se ko twan ko kulya narok.

¹⁶ Ko ta ködyö a yiŋ saresi ti MATAT Ŋun losu logon nan a saŋi ta i lo lor i nyaŋu na MATAT Ŋun losu, i wörö kanyit i kikolin, ko i ’debba na jujuwesi kanyit, ko saresi kanyit lo wurö, se ko kulya na ’duŋö kune, nyena a ta mo gwe jörun a mo ŋdine ŋdi, a MATAT Ŋun losu mo ’boroji ta i ŋilu jur logon ta mo lubbö i morga na lepeŋ lu.

¹⁷ Ama ko töilyet kasu mo löpuköddu kaŋo a ta mo tine yiŋga, ama a ta lulukajine kaŋo i kwakwaddu na kulye Ŋunyen ko i kitakiŋdya na se,

¹⁸ nan kunyaŋu ta i lo lor adi ta mo totoliki; a ta mo tine si ’da ko kiŋajin jore i jur logon ta laŋaddu i nu pele na Yardene nyu anyen lubbö i morga na lepeŋ lu.

¹⁹ Nan a luŋgu ki ko kak a katökorok kasu i lo lor adi, nan aje tiŋdu kasu i komor ru ko twan, ’boriesi ko lömisi, nyenagoŋ wuluŋdye ta ru, anyen ta böŋö gwon jörun se ko nyakwariat kasu,

²⁰ i nyaŋu na MATAT Ŋun losu, i yiŋga na gworo lonyit, ko i ’depakiŋdya ko lepeŋ ŋo; kogwon koŋdya sona a ru nasu ko a jolan na kiŋajin kasu, anyen ta böŋö si ’da i lu jur logon MATAT a milyekin merenyejin kasu logon a ko Abarayama, ko Yisaka, ko Yakobo, i tikiŋdya na lepeŋat lu.