Nyökit 3 - Bibilia Buk na Ŋun nagon koti luŋu a

Ŋutu ti Yisaraele a te ’ya ŋga mor lo Basan

¹ A yi ŋiörö ŋiörö, a yi iti i kiko lo Basan; a ŋga mor lo Basan se ko ŋutu kanyit liŋ poŋdi kaŋo i mörö koyi Ederei yu.

² Ama a MATAT kulyani ko nan adi, An ta ko kujönö lepeŋ; kogwon nan aje tikin lepeŋ ko ŋutu kanyit liŋ se ko jur lonyit kasu i könisi, a ta mo konakiŋdye lepeŋ gwoso na konakiŋdye ta Sikon mor lo Amori logon köju si ’da Kesebon lu.

³ Nyena a MATAT ŋun likaŋ wukiŋdye ŋga mor lo Basan se ko ŋutu kanyit liŋ köti kayaŋ i könisi; a yi tatuje lepeŋat tojo ko nene ŋo ’bayin na pituŋdyö.

⁴ A i nu diŋit a yi morgi köjinö kanyit liŋ, a nene köji gwe ’bayin nagoŋ yi a ko ripara kase. Kweja adi yi a morga köjinö merya buker i koresi liŋ ti Arŋoba nagoŋ a tumatyan na ŋga Basan yu.

⁵ A kine köjinö liŋ a lolora ko mariŋan nagoŋ a na ŋo na gweyaji ki a najo, se ko kötumitön kase nagoŋ ko rigilesi; mora ko turön jore logon ’bak mariŋan.

⁶ A yi tukaŋi se asut, kweja adi köjinö liŋ ko ŋutu lyan, ko nawate, se ko lupudiet lo gwon lukata kulo gwoso na konakiŋdye yi Sikon mor lo Kesebon nu.

⁷ Ama a yi momokuŋdye toro ’bo liŋ ko ŋo liŋ ti köjinö a kaŋ.

⁸ A i nu diŋit a yi riŋuŋdye lu jur kaŋo i könisi ti kulu moran murek ti Amori lo gwon i nu pele na Yardene kulu, suluja i kare Arenon tojo ko mere Eremon.

⁹ (Ŋutu ti Sidona luŋgu Eremon a Siriyon, ama ŋutu ti Amori luŋgu nye a Senir.)

¹⁰ Kweja adi yi a morga köjinö liŋ na gwon i jur logon a ko ’du na ’dayat, ko Gilada liŋ, ko Basan liŋ lojo ko Saleka ko Ederei. Kine nagoŋ a köjinö ti tumatyan na ŋga Basan yu.

¹¹ (Kogwon ŋga mor lo Basan tuŋ lo pituŋdyö i pitönö ti ŋutu ti Repa; mete, saŋduk nuket nanyit a kuruwe kaŋo i lurutat logon a wiyu; nye nyuŋ kata Raba na ŋutu ti Amon, ’bayin sona le? A tojolan nanyit gwe a lokiliŋan buŋwan, ko tugalaŋ nanyit a lokiliŋan Iŋwan, gwoso lokiliŋ lo ŋuto.)

Kötumit na Rubena ko na Gada ko swöt lo kötumit na Manase si ’da i swöt lo ’yure lo Yardene

¹² A na ’debbi yi lu jur i nu diŋit nu, a nan tiŋdi ŋutu ti Rubena ko ti Gada koret nagoŋ suluja Aroer na gwon nyona ko kare Arenon, ko swöt lo jur lo Gilada logon a merya se ko köjinö kanyit;

¹³ a nan tikiŋdye swöt lo kötumit na Manase pitönö ti Gilada, ko Basan liŋ nagoŋ a tumatyan na ŋga, kweja adi koresi liŋ ti Arŋoba. (A nu pirit na Basan liŋ luŋuni a jur lo Repa.

¹⁴ A Yari nyakwari lo Manase mokaddi koresi ti Arŋoba liŋ, kweja adi Basan tojo ko lokökorit lo ŋutu ti Gesur ko ti Maka, a nye gweŋ kilo turön ko karin kanyit adi, Kawot-yari, gwoso nagoŋ a luŋuri tojo ko lo lor na.)

¹⁵ A nan tikiŋdye Makir Gilada,

¹⁶ a nan tiŋdi ŋutu ti Rubena ko ti Gada lu jur suluja Gilada tojo ko kare Arenon, a kare lo gwe a lokökorit kase kiden, a lu yeŋgi tojo ko kare Yabok logon a lokökorit lo ŋutu ti Amon.

¹⁷ a nan tiŋdi jur logon a Araba koti, ko Yardene logon a lokökorit lonyit, suluja Kineret tojo ko tör na Araba nagoŋ a tör nagoŋ ti ’dokon nagoŋ pioŋ kanyit a ’balaŋ parik nu, na gwon i mukök na dudulesi ti mere Pisiŋa lo gwon i swöt lo ’yure lu.

¹⁸ A nan saŋi ta i nu diŋit adi, MATAT ŋun losu aje tiŋdu ta lu jur i si ’da kata; a ŋutu purwat kasu liŋ logon ködyö a jupu ko tito möriesi kulo ködyö laŋaddi i ŋerot na luŋösu-rök logon a ŋutu ti Yisaraele.

¹⁹ Ama wate kasu, ko lupudiet kasu ko toro ’bo kasu (nan a den adi ta gwon ko toro ’bo jore) kine ködyö mönuŋdyö i köjinö kasu nagoŋ nan aje tikin ta kune,

²⁰ tojo ko MATAT a tikiŋdya luŋosurök i yukan, gwoso nagoŋ nye aje tiŋdi ta na, tojo ko se köti mo si ’da i lu jur logon MATAT ŋun losu aje tikin lepeŋat i nu pele na Yardene lu; a kirut ta bulöni bulö yitwe ŋutu liŋ geleŋ geleŋ i lomoriot kase nagoŋ nan aje tikin ta kune.

²¹ A nan saŋi Yosua i nu diŋit adi, Konyen kulök aje met ŋo liŋ nagoŋ MATAT ŋun ilot a konakin kulo moran murek kune; nyena a MATAT mo konakiŋdye kine tumatyanjin liŋ jojo nagoŋ ta laŋaddu nyin kine.

²² a ta mo tine kujönö se; kogwon MATAT ŋun losu nye lo mörökiŋdyö ta.

Ŋun a teŋgu Mose i lupö i jur lo Kanana

²³ A nan mo ’yi MATAT i nu diŋit adi,

²⁴ Pon MATAT Ŋun, do nyuŋ suluja kwekiŋdya nan kölipönit ilot adi do a duma, a do gwe ko könin iŋgo lo riŋit; kogwon lele Ŋun a ŋa ki yu kode i kak ni logon bubulö koŋdya gwoso kitajin kunök kode gwoso konesi kunök?

²⁵ Ti nan laŋaddi böŋö, i meddya na lu jur lo ’but i nu pele na Yardene, lu jur lo ’but lo merya se ko Libanon.

²⁶ Ama a MATAT iŋge woran ko nan a tömönik kogwon kulya kasu, a nye tine ’bön yiŋga nan; a MATAT kulyani ko nan adi, Kine a jukin i do; an do ko nyuŋ pija nan i kine kulya.

²⁷ Kiji ki tojo i kwe na mere Pisiŋa, ko ’bi ’yi konyen kulok ki i meddya na swot lo tokotyaŋ, ko swöt lo lobot, ko swöt lo loki, ko swöt lo ’yure, ko diŋe ko konyen kulök; kogwon do mo ti la-paddu i nu pele na ŋilo Yardene.

²⁸ Ama saŋi Yosua, ko topo ’yi lepeŋ i gwon a iŋgo; kogwon nye mo lo tu a ŋerot lo kulo ŋutu, a nye mo tiŋdi se i morga na lu jur logon do mo memet lu a lose.

²⁹ Nyena a yi mönuŋdye i kare logon diraddu i swöt lo Bete-peor.