Nyökit 28 - Bibilia Buk na Ŋun nagon koti luŋu a

Ŋutu katwöyök ’bo ’boria

¹ A mo gwe sona adi, Ko ta yiŋga gworo lo MATAT Ŋun losu ’bura, a tiji i koŋdya na saresi kanyit liŋ logon nan a saŋi ta i lo lor kulo, a MATAT Ŋun losu mo tiŋdi ta ŋerot totoŋun juron liŋ ti kak.

² A kine ’boriesi liŋ mo poki kasu a baranyakin-dye kasu ki, ko ta a yiŋga gworo lo MATAT Ŋun losu.

³ A ta mo ’boriani ’boria köji kata, köti a ta mo ’boriani ’boria i meleseŋo.

⁴ A ŋwajik lo yuŋ ta kulo mo ’boriani ’boria, se ko kinyojin ti kak nasu, ko torela ti toro ’bo kasu, ko ŋdi na kisuk kasu, se ko torela ti yidin kasu.

⁵ A kupöjin kasu mo ’boriani ’boria se ko kalabajin nutusi kasu.

⁶ A ta mo ’boriani ’boria na lupöri ta lukata nu, köti a ta mo ’boriani ’boria na lupe ’i ta kaŋo nu.

⁷ A MATAT mo tiŋdi merok kasu lo ŋikin kasu ki kulo i tela kasu i komor; a se mo lupuŋdye kaŋo i mörö ko ta i kiko geleŋ, a mo toreajine kaŋo kasu i komor i kikolin buryo.

⁸ A MATAT mo sarakiŋdye nu ’boriet i gugwö kasu, ko i ŋo liŋ nagoŋ ta kökon kune; a nye mo ’boroji ta i lu jur logon MATAT Ŋun losu mo titin ta lu.

⁹ A MATAT mo togwi ’dikiŋdye ta a gweya na ŋutu loke kanyit, gwoso nagoŋ nye aje milyekiŋdye ta nu, ko ta ködyö ’de ’deŋ saresi ti MATAT Ŋun losu, ko i wörö kanyit i kikolin.

¹⁰ A gweyajin liŋ ti ŋutu ti kak mo meddi adi ta a luŋu ko karin ti MATAT; a se mo kujönöni kujönö ta.

¹¹ A MATAT mo tiŋdi ta i baraŋdu ko kulya na ’but, i ŋwajik lo yuŋ ta kulo, ko i torela ti toro ’bo kasu, ko i kinyojin ti kak nasu, i lu jur logon MATAT a milyekin merenyejin kasu i tiŋdu na ta lu.

¹² A MATAT mo pakiŋdye ta ’delesi kanyit na ’but nagoŋ a ’dikolo, i tiŋdu na kudu kasu i jur i diŋit nanyit, ko i ’boroja na kitajin kasu; a ta mo kurörikin ko jurön jore, ama a ta mo tine kuŋö.

¹³ A MATAT mo tiŋdi ta a kwe ti gwon a kotet; a ta tuŋ mo puputuru i ŋerot a tine yitwe bot, ko ta ködyö a yiŋ saresi ti MATAT Ŋun losu logon nan a saŋi ta i lo lor kulo, a ta tiji i koŋdya na se.

¹⁴ Ta ködyö ti girara kaŋo i lele lo kulyaesi logon nan a saŋi ta i lo lor kulo, tojo i könin lo lutaten kode lo kadoŋe, anyen kepöddu kulye Ŋunyen i kitakiŋdya na lepeŋat.

Kulya ti ŋutu gwon sona ko se a renya twöju saresi

¹⁵ Ama ko ta ködyö ti yiŋga gworo lo MATAT Ŋun losu i tiju i koŋdya na jujuwesi kanyit liŋ kode saresi kanyit lo wurö logon nan a saŋi ta i lo lor kulo, nyena a kine lömisi liŋ mo poki kasu a baranyakiŋdye kasu ki.

¹⁶ A ta mo lömöni lömö köji kata, köti a ta mo lömöni lömö i meleseŋo.

¹⁷ A kupöjin kasu mo lömöni lömö se ko kalabajin nutisi kasu.

¹⁸ A ŋwajik lo yuŋ ta kulo mo lömöni lömö, se ko kinyojin ti kak nasu, ko ŋdi na kisuk kasu, ko torela ti yidin kasu.

¹⁹ A ta mo lömöni lömö na lupöri ta lukata nu, köti a ta mo ’lömöni lömö na lupe ’i ta kaŋo nu.

²⁰ A MATAT mo sunyukiŋdye kasu loki lömit ko köburet ko riŋet i ŋo liŋ na kon ta kune, tojo ko ta a körö ko a toliki ’de ’de, kogwon kulya ti toron na konesi kasu, kogwon ta aje paju nan.

²¹ A MATAT mo tiŋdi ta twanti iŋgo logon ti jo tokela i yeŋon ko ta, tojo ko nye mo a tolikiŋdyö ta kaŋo i jur logon ta mo lubbö lukata i morga lu.

²² A MATAT mo riŋge ta ko twanti lo tosogga ŋutu, ko sa ’yu na mugun, ko tupapipi, ko mugun na ’yuŋa pape gwoso kimaŋ, ko kolor, ko teteyon nagoŋ adi kworok, ko buggi; a kine ŋo mo kepoddi ta tojo ko ta a toliki.

²³ A ’diko na gwon ki kasu i kusik na mo gwe a na ŋo gwoso mölwö, a kak nagoŋ ta ryoryok na mo gwe a na ŋo gwoso witi.

²⁴ A MATAT mo tiŋdi kurök ko ŋutu a kudu lo jur losu; a se mo ’duu kak i ’dikolo kasu loki tojo ko ta a körö.

²⁵ A MATAT mo tiŋdi ta i tela ko merok kasu i komor; a ta mo lupuŋdye kaŋo ko se ko kiko geleŋ, a mo toreajine kaŋo kase i komor i kikolin buryo; a tumatyanjin ti kak liŋ mo rigwokoni rigwökö ko kulya kasu.

²⁶ A kwen se ko gwuruŋin mo nyesi öpuŋ kasu, a ŋuto mo gwe ’bayin lo paggu se.

²⁷ A MATAT mo riŋge ta ko koruru ti Ejipeto, se ko mösu ’diöt, ko manyan, ko kipisa nagoŋ ta ti bulö tokela i se.

²⁸ A MATAT mo riŋge ta ko tumalian, ko tomo ’dokeŋon, se ko koŋu na yeyeesi;

²⁹ a ta mo wawaji ko könisi kasu i tuparan kiden, gwoso nagoŋ ŋutu mo ’dokeŋo wawaji i mudwe na, a ta mo tine ryö komor na ’but kasu i gwiliŋit; a ta mo rudani ruda a ryakani ryaka perok liŋ, a ta mo gwe ’bak kalwokönit.

³⁰ A ta mo yemuŋdye wate, a kulye ŋutu mo ryaggi lepeŋat abur; a ta mo ’duŋge kadijik, ama a ta mo tine si ’da kata; a ta mo ’yuddi luköbiot ti binyo, ama a ta mo tine kitari ludweki kase.

³¹ A öwönin kasu mo ’duŋöni ’duŋö kasu i komor, ama a ta mo tine nyesu lokore nase; a kaineki kasu mo ryaka-jine kaŋo kasu i komor, ama a ta mo tine nyököki lepeŋat; a köbilu kasu mo tikine merok kasu, a ta mo gwe ’bak kalwokonit.

³² A ŋwajik kasu lulyan ko nawate mo tikine kulye ŋutu, a konyen kasu mo gwe ko durwe i wanya na se, ama a könisi kasu gwe ’bak riŋit.

³³ A lele jur logon ta a ko den lo mo nyesi kinyojin ti kak nasu ko ti daraesi kasu liŋ; a ta tuŋ mo rudani ruda a muyu-kani muyuka i diŋitan liŋ;

³⁴ a ta mo poŋdi a mamala i ŋo na met konyen kasu kune.

³⁵ A MATAT mo riŋge ta ko köruru narok nagoŋ ti bulö tolika kasu i kuŋwat ko i mokosi, suluja i ’dapan tojo ko jurku ’diet.

³⁶ A MATAT mo joŋgi ta se ko mor logon ta a tin kasu ŋerot lo, tojo i jur logon ta a ko nyuŋ den kode merenyejin kasu köti; a ta mo kitakiŋdye kulye Ŋunyen yu, logon a kaden ko a ŋurupö.

³⁷ A ta mo poŋdi a torigwökit, ko a temet ko a tojowet, i kiden na gweyajin liŋ ti ŋutu logon MATAT mo nyömöddi ta kaŋo nu.

³⁸ A ta mo joŋgi nyomot jore i weja i meleseŋo, a mo kwökwötuŋdye ku ’dik; kogwon mayat mo nyonyö se.

³⁹ A ta mo ’yuddi meleseŋo ti binyo a mo teteŋdi se, ama a ta mo tine möju binyo kase kode kwökwö-tuŋdyo ludweki kase; kogwon kuru mo nyesu se.

⁴⁰ A ta mo gwe ko kaden ti jeitun i koresi kasu liŋ, ama a ta mo tine we ’ya mugunya kasu ko welet nase; kogwon ludweki kasu mo yope yoŋ.

⁴¹ A ta mo yuŋuŋdye ŋwajik lulyan ko nawate, ama a se mo tine gwon a kasu; kogwon se mo joŋa a ’dupi.

⁴² a kaden kasu liŋ se ko kinyojin ti kak nasu mo gwe a ti mayat.

⁴³ a ŋutu lo si ’da kasu kiden a lepelok kulo mo totoŋun ta ko todumalan; a ta to ’ditani to ’dita.

⁴⁴ A ta mo kuŋe kuŋö kase, ama a se mo tine kuŋö kasu; a se mo gwe a kwe, a ta mo gwe a kotet.

⁴⁵ a kine lömisi liŋ mo poki kasu, a mo kepoddi mukök nasu, a mo baranya-kiŋdye kasu ki tojo ko ta a toliki, kogwon ta a ko yiŋga gworo lo MATAT Ŋun losu, i ’debba na jujuwesi kanyit se ko saresi kanyit lo wurö logon nye a saŋi ta kulo.

⁴⁶ A se mo gwe ko kweyet sörit kasu, ko i nyakwariat kasu ŋupi.

⁴⁷ Nyena kogwon ta a ko kitakiŋdya MATAT Ŋun losu ko lyöŋön se ko nyola na töilyet kasu, kogwon kulya ti bara-ŋdu na ŋo liŋ,

⁴⁸ nyenagoŋ a ta mo kitakiŋdye merok kasu logon MATAT mo sunyun kasu loki kulo, i maŋora, ko i gwolor ko kure, i gwon a limuö kana, ko i tu ’bakan na ŋo liŋ; a nye mo tiŋdi gwolor witiöt kasu i murutö tojo ko nye aje tukaŋu ta.

⁴⁹ a MATAT mo joŋdi lele jur i mörö ko ta; se po pajo i ’dutet na kak gwoso na wöröri kuri ki na, se a ŋutu logon ta ti den kutuk nase,

⁵⁰ se a ŋutu logon komorsikan kase a jöggi, logon ti twöju muduŋin, kode won konyen ko lo ’di ’dik,

⁵¹ a se mo nyesi torela ti toro ’bo kasu se ko kinyojin ti kak nasu, tojo ko ta a tukara. Se mo ti kölökin ta ’bolot, kode binyo, kode welet, kode ŋdi na toro ’bo kasu, kode torela ti yidin kasu, tojo ko se a tolikiŋdyö ta.

⁵² a se mo tumakiŋdye ta i turön kasu liŋ, tojo ko mariŋan kasu nagoŋ ta a yinikiŋdyö ’börik i se. nagoŋ a najo ko a na ŋo kune mo tuturo kak kasu i jur liŋ; a se mo tuma-kiŋdye ta i turön kasu liŋ i ŋilo jur losu luŋ a liŋ, logon MATAT Ŋun losu a tin ta lo.

⁵³ A ta mo nyesi ŋwajik kasu lulyan ko nawate na yuŋ ta kune, logon MATAT Ŋun losu aje tikin ta kulo; i tumet ko i ri ’diet na merok kasu na ri ’dikiŋdye se ta nu.

⁵⁴ A ŋuto lele losu logon a loliliŋ i mugun ko a ’bon lo mo gwe ko kata na pötwör ko luŋaser lonyit se ko nakwan nanyit na nyanyara, ko i pitönö ti ŋwajik kanyit lo pitöki nye kulo;

⁵⁵ a nye mo tine ’bön tikiŋdya lele lose nene tupet na lokore na mu-gunya ti ŋwajik kanyit logon nye nyönyö kulo, kogwon nye ’bak nene ŋo na pitöki lepeŋ i tumet ko i ri ’diet na merok kasu na ri ’dikiŋdye se ta i turön kasu liŋ nu.

⁵⁶ A ŋuto nene nasu nagoŋ a naliliŋ i mugun ko a ’bon, nagoŋ a ko mör kita na ŋo kogwon nye a naliliŋ i mugun ko a ’bon na, mo gwe ko kata na pötwör ko lalet lonyit lo nyanyara, ko i ŋuro lonyit, ko i ŋuro nanyit,

⁵⁷ kogwon nye ti ’bön tiŋdu se mu ’do-köt nanyit na po kaŋo kanyit i pele se ko ŋwajik kanyit lo yuŋ nye kulo, kogwon nye mo nyesu se a lwön, i tu ’bakan na ŋo liŋ, i tumet ko i ri ’diet na merok kasu na ri ’dikiŋdye se ta i turön kasu nu.

⁵⁸ Ko ta mo tine tiju i koŋdya na kulyaesi liŋ ti kilo saresi logon aje wuröki i ŋina buk kilo, anyen ta ködyö kukuk karin ti MATAT Ŋun losu; karin kanyit bubula ko kukujönörikin;

⁵⁹ nyena a MATAT mo riŋge ta ko nyakwariat kasu ko riŋesi sörösi dumalak, na yeyeŋon diŋit a najo, se ko gilesi iŋgo logon ti ’duddyö kulo.

⁶⁰ A nye mo nyökökiŋdye ta twana liŋ ti Ejipeto logon ta kukujönöri kulo; a se mo ’depakiŋdye kasu ki ŋo.

⁶¹ Köti a MATAT mo joŋdi kasu gilesi liŋ ko riŋesi liŋ logon a wuröki i buk na kilo saresi kulo, tojo ko ta a tukara adi sit.

⁶² A ta mo kölökine ku ’dik i kenet nasu, ma ’di ta köju a gwon jore gwoso kaser ti ki; kogwon ta a ko yiŋ gworo lo MATAT Ŋun losu.

⁶³ Nyena MATAT mo lyölyöŋön ko ta i tolikiŋdyö na ta ko i tukaŋu na ta, gwoso nagoŋ nye köju aje lyöŋön ko ta i konakiŋdya na ta ’bura ko i tuŋöŋö na ta nu; a ta mo ’dutujine kaŋo i lu jur logon ta lubbö i morga lu.

⁶⁴ A MATAT mo torekiŋdye ta i kiden na gweyajin liŋ ti ŋutu, suluja i na ’dutet na kak tojo ko nu; a ta mo kitakiŋdye kulye Ŋunyen nyu, logon a kaden ko a ŋurupö, logon ta kode merenyejin kasu a ko den kulu.

⁶⁵ A ta mo tine ryö yukan i kilo jurön liŋ, kode pirit gwo ’diet na ’dapan kasu; ama a MATAT mo tiŋdi ta töilyet lo böböntiu nyu, ko konyen durweesi, a mo joŋgi kaŋo kasu yenet na ru;

⁶⁶ a ta mo dwadwaŋdi ’börik; a ta mo kujönöni kujönö ko tukwaje ko tuparan, a gwe ’bak yenet na ru nasu.

⁶⁷ a ta mo kulyani i ko ’bure adi, Bia ködyö nye gwon a tukwaje! A ta mo kulyani i tukwaje adi, Bia ködyö nye gwon a ko ’bure! kogwon töilyet kasu a jore ko kujönö, ko konyen kasu memeddya ŋo sörösi.

⁶⁸ A MATAT mo nyoköddi ta bot i ki ’bojin tojo Ejipeto, i lu kiko logon nan a kulyari ko ta adi ta mo ti met lepeŋ köti kwöŋ lu; a ta mo tugwörökiŋdye ’börik a ’dupi lyan ko wate i merok kasu, ama a ŋuto lele mo gwe ’bayin lo gwöröddu ta.