Nyökit 26 - Bibilia Buk na Ŋun nagon koti luŋu a

Saresi i kulya ti wuki na kinyojin waŋesi se ko swot topuökit

¹ A mo gwe sona na ’durökiŋdye do i lu jur logon MATAT Ŋun ilot mo titin do a lomore lu, a mo morgi morga lepeŋ, a mo si ’dani nyu;

² a do ködyö ’dumuŋdye kulye waŋesi ti kinyojin liŋ ti melesen, logon do aje kwökwötun i lu jur logon MATAT Ŋun ilot mo titin do lu, a do ködyö tiŋdi se i kupö lukata, a do iti i pirit nagoŋ MATAT Ŋun ilot mo wuwulun nu, i tiŋdu na karin kanyit i si ’da nyu.

³ A do ködyö iti ko koane logon gwon nyu i kilu perok, a kulyani ko lepeŋ adi, Nan a tukökiŋdyö MATAT Ŋun ilot i lo lor adi nan aje poŋdya i lo jur logon MATAT a milyekin merenyejin kaŋ i tiŋdu na yi lo.

⁴ A koane ködyö ’dumuŋdye kupö konut i könin, a tikiŋdye nye kak i komor na pirit ’yuret na rubaŋ-gajin ti MATAT Ŋun ilot.

⁵ A do ködyö waddi ko MATAT Ŋun ilot i komor adi, Merenye liŋ a ŋuto lo Aram logon wirtö abur, a nye iti kak tojo ko Ejipeto, a si ’dani nyu a kötumit na ŋutu ku ’dik logon a lepelok; a nye ŋdine nyu a jur duma, ko a iŋgo, ko a ŋutu jore.

⁶ A ŋutu ti Ejipeto konaki yi arabat, a yoyöŋgi yi, a sopa-kiŋdye yi to ’dupien na pömoni.

⁷ A yi gwiki ko MATAT Ŋun lo merenyejin kaŋ a MATAT yiŋge gwien nikaŋ, a meddi sasanyesi kaŋ, ko dara nikaŋ, ko ri ’diki nikaŋ;

⁸ a MATAT joŋdi yi kaŋo Ejipeto yu ko könin iŋgo lo riöji, ko tokujönöesi temejik, ko kweyesi ko tusorosi;

⁹ a nye joŋdi yi tojo ko na pirit a tiŋdi yi lo jur, ŋilo a jur logon ko le ko siwatat ’do ’dokon kata lo.

¹⁰ Nyenagoŋ mete, nan aje joŋdya kinyojin ti melesen a waŋesi logon do MATAT aje tikin nan kulo. A kirut do ködyö tiŋdi se kak ko MATAT Ŋun ilot i komor, a do ködyö dulakine kak ko MATAT Ŋun ilot i komor;

¹¹ a do lyölyöŋine ko ŋo na ’but liŋ nagoŋ MATAT Ŋun ilot aje tikin do kune, do ko kötumit iŋot, ko Lewijin, se ko ŋutu lo si ’da a lepelok kasu kiden kulo.

¹² A ko do aje tutuŋgö tiŋdu topuöki-si liŋ ti ŋo kulök lo radan i kiŋa tomusala logon a kiŋa lo tiki ’e topuökit lo, a do ködyö tiŋdi se ko Lewijin, ko i ŋutu lo si ’da a lepelok, ko i kikijikö, ko i karu ’bejin, anyen se böŋö nyesu kasu i turön, a yimönöni yimönö.

¹³ A do ködyö kulyani ko MATAT Ŋun ilot i komor adi, Nan aje joŋ kaŋo ŋo nake na rurwan köyö kadi, köti a nan aje tikiŋdya se ko Lewijin, ko i ŋutu lo si ’da a lepelok, ko i kikirikö, ko i karu ’bejin, gwoso i saresi liŋ logon do aje saŋi nan kulo. Nan a ko laŋgu lele lo saresi kulök, a nan köti gwe a ko böŋö se;

¹⁴ a nan gwe a ko nyesu i topuökit na delyari nan nu, a nan gwe a ko joŋ nene nanyit kaŋo na gwoŋdi nan a lut i kulya ti keri nu, kode tiŋdu nene nanyit i kulya ti lo twatwa; nan aje yiŋga gworo ilot pon MATAT Ŋun liŋ, a nan aje koŋdya ŋo liŋ nagoŋ do a saŋi nan kune.

¹⁵ Bopuŋdye kak ki yu i pirit iŋot nake na si ’dari do ŋina, ko ’boroji ŋutu kulök Yisaraele, se ko kak nagoŋ do aje tikin yi na, gwoso na milyekiŋdye do merenyejin kaŋ jur logon ko le ko siwatat ’do ’dokon kata lu.

Ŋutu logon a gelwe a loke ti MATAT

¹⁶ MATAT Ŋun losu aje sarakiŋdya ta i lo lor i koŋdya na kilo saresi lo wurö, se ko kulya na ’duŋö; a ta ködyö tiji i koŋdya na se ko töilyet kasu liŋ se ko ködu dwölön kasu liŋ.

¹⁷ Ta aje tuggö i lo lor adi MATAT a Ŋun losu, adi ta mo wörö i kikolin kanyit, a ’debbi saresi kanyit lo wurö, se ko jujuwesi kanyit, ko kulya na ’duŋ nye kune, köti adi ta mo yiŋga gworo lonyit;

¹⁸ a MATAT aje tuggö i lo lor adi ta a gweya na ŋutu kanyit lomoriot, gwoso na milyekiŋdye nye ta nu, anyen ta ködyö ’debba saresi kanyit liŋ;

¹⁹ a nye mo tiŋdi ta i ŋerot na jurön liŋ logon nye aje gwe kulo i gwon a ŋutu lo pupura, ko a lokukwön, ko a lo bubula, anyen ta gwon a gweya na ŋutu loke lo rurwan ti MATAT Ŋun losu gwoso na jambi nye nu.