Nyökit 24 - Bibilia Buk na Ŋun nagon koti luŋu a

Saret i kulya ti yaŋdu

¹ Ko lele ŋuto a yemba nakwan a joŋgi lepeŋ, a mo gwe sona adi, ko ködyö nye ti lyöŋön ko lepeŋ kogwon nye aje ryeju nene ŋo ko lepeŋ nagoŋ toyujö kwe, a nye wurökiŋdye lepeŋ waraga yanyet, a tikiŋdye ko nu ŋuto i könin, a riköddi lepeŋ kaŋo kanyit kadi.

² A na yuöddi nu ŋuto kaŋo i nu kadi nu, a iti tu a gwe a nakwan na lele lalet,

³ a ko ködyö lalet tomurek lu a maŋdu lepeŋ, a wurökiŋdye lepeŋ waraga yanyet, a tikiŋdye kanyit i könin, a riköddi lepeŋ kaŋo kanyit kadi; kode ko ködyö lalet tomurek a twan logon a joŋga lepeŋ a nakwan nanyit nu,

⁴ nyena a lalet lonyit lo kokwe lo riköddu nye kaŋo lu, ködyö tine nyököddu lepeŋ kanyit yu a nakwan nanyit, i mukök na tolutari nye nu; kogwon ŋina ŋo MATAT maman, a do ködyö tine joŋdya toron i lu jur logon MATAT Ŋun ilot a tikin do a lomore lu.

⁵ A ko lele ŋuto nyuŋ pete yemba, a nye ködyö tine tu kaŋo ko kamö-rök kode sopa ko nene kita; a nye ködyö gwe a luitöt i ’baŋ yu kiŋa geleŋ, a tulyöŋgi nakwan na joŋ nye nu.

Saresi ka ’de ka ’de

⁶ A lele ŋuto ködyö tine ’dumaddu kijo kode karito a togwoet; kogwon nye ’dumaddu kitaet na ru na ŋuto a togwoet.

⁷ A ko lele ŋuto a rye i koko ’ya na lele lo luŋasirik kanyit logon a ŋutu ti Yisaraele, a ko nye ködyö a konakin lepeŋ gwoso ’dupiet kode a tugwöŋu lepeŋ, a lu kolanit ködyö tatuani tatua; a do ködyö lalaaddi kulya narok kaŋo kasu kiden.

⁸ Kunyar ta i moka ko twanti lo rimajin. anyen ta titiju ’bura i koŋdya gwoso i ŋo liŋ nagoŋ koanejin Lewijin todinikin ta kune; a ta ködyö tiji i koŋdya gwoso na saŋi nan se nu.

⁹ Yiyiuŋdye ta ŋo nagoŋ MATAT Ŋun losu a konakin Miriama i kiko yu. na yuuŋdye ta kaŋo i Ejipeto nu.

¹⁰ A na tiŋdi do marate ilot nene ŋo na kurörö lepeŋ nu, a do ködyö tine lupöddu kanyit kadi i dogga na togwoet nanyit.

¹¹ A do gwo ’de kaŋo, a ŋuto logon a kuröddu konut lo joŋdi togwoet kaŋo konut ni.

¹² A ko nye a lomeri, ti togwoet nanyit gwe ti doto konut kadi;

¹³ A na ’doro ’i kolor nu a do ködyö nyökökiŋdye lepeŋ togwoet nanyit anyen nye ködyö doto ko boŋgo muit nanyit, a nye mo ’boroji do; a ŋilo mo gwe a löti ilot lo rigwo ko MATAT Ŋun ilot i komor.

¹⁴ A do ködyö tine ru ’ya kölipönit lo roröpaki logon a lomeri ko lo yöŋö ŋo, kode nye a lele lo luŋösurök, kode a lele lose lo si ’da a lepetyo kasu i jur i turön kasu lukata;

¹⁵ a do ködyö tiŋdi lepeŋ ropet nanyit temba i lor lonyit kitaet a kokwe na ’doro ’i kolor nu; (kogwon nye a lomeri a tiŋdi töili lonyit i lepeŋ); an nye ko gwikin kulya kunök ko MATAT, a ŋina mo gwe a toron iŋot.

¹⁶ A komonye ködyö tine tatua i kulya ti ŋwajik, kode a ŋwajik ködyö tine tatua i kulya ti komonye; ŋutu liŋ geleŋ geleŋ ködyö tatuani kogwon toronjin kase.

¹⁷ An do ko tukwölöŋgu putet lo ŋutu lo si ’da a lepelok kode lo kikijikö, kode i joŋga na boŋo na karu ’be a logwoet;

¹⁸ ama a do yiyiuŋdye adi do köju gwon a ’dupiet Ejipeto yu, a MATAT Ŋun ilot lo riŋuŋdye do kaŋo nyu; nyenagoŋ nan a sarakiŋdya do i koŋdya na kine ŋo.

¹⁹ A na kwokwotuŋdye do ŋo lo ŋera konut i melesen nu, a do iŋge böŋö ko ’dome lele i melesen, a do ködyö tine yitö i dogga na nye; a nye ködyö gwe a ti ŋutu lo si ’da a lepelok, ko a li kikjiiko, ko a ti karu ’bejin, anyen MATAT Ŋun ilot ’boroja do i kitajin kuŋok liŋ.

²⁰ A na gwuddye do ludweki ti kaden kulok ti jeitun nu, a do ködyö tine yitö i gwuddyö na kenia köti; a se ködyö gwe a ti ŋutu lo si ’da a lepelok, ko a ti kikjiiko, ko a ti karu ’bejin.

²¹ A na ’deji do ludweki ti melesen iŋot na binyo nu, a do ködyö tine ga ’yu mukök nanyit; a se ködyö gwe a ti ŋutu lo si ’da a lepelok, ko a ti kikijiko, ko a ti karu ’bejin.

²² A do ködyö yiyiuŋdye adi do köju gwon a ’dupiet i jur lo Ejipeto; nyenagoŋ nan a sarakiŋdya do i koŋdya na kine ŋo.