Nyökit 23 - Bibilia Buk na Ŋun nagon koti luŋu a

ŋutu logon a ko ruköki i morakiŋdya i momoret na MATAT

¹ Nye logon tulu a momoyoka, kode nye logon tulalyan nanyit a ’duŋöji kaŋo ködyö ti morakiŋdya i ŋina pepenet na MATAT.

² A ŋuro logon yuŋwe kaŋo ködyö tine morakiŋdya i pepenet na MATAT; a lele lo nyakwariat kanyit ködyö tine morakiŋdya i pepenet na MATAT, tojo ko nyakwari topuök.

³ A ŋuto lo Amon kode lo Moaba ködyö gwe ’bayin lo morakiŋdya i pepenet na MATAT; iŋkoi lele lose ködyö gwe ’bayin lo morakiŋdya i pepenet na MATAT ŋupi tojo ko nyakwari topuök;

⁴ kogwon se a ko tu i rum ko ta i kiko baraddu ŋo lo nyenyei ko pioŋ i diŋit na yuöddi ta kaŋo i Ejipeto nu, köti kogwon se a robba Balam ŋuro lo Beor i Peor na Mesopo-tamia yu i lömbu na ta.

⁵ Naŋon a MATAT Ŋun losu tine yiŋ Balam; ama kölumbö a MATAT Ŋun losu löpukö-kiŋdye lömit a ’boriet kasu, kogwon MATAT Ŋun losu nyanyar ta.

⁶ a ta ködyö tine ga ’yu taliŋ nase kode ’busan nase i perok gwiliŋisi kasu ŋupi.

⁷ A ta ködyö tine maŋdu ŋutu ti Edom, kogwon se a luŋösurök kasu; a ta ködyö tine maŋdu ŋutu ti Ejipeto, kogwon ta köju si ’da a lepelok kase i jur yu.

⁸ A ŋwajik ti nyakwari tomusala logon a yuŋweki se kulo bulöni bulö morakiŋdya i pepenet na MATAT,

Mera na kamörök ködyö tiyu a nake

⁹ A na tiri ta kaŋo i mörö ko merok kasu a mönuŋdye i nene pirit nu, a ta ködyö tiji ’börik i ŋo narok liŋ.

¹⁰ A ko lele ŋuto kata kasu kiden logon a tolud-dya mugun kogwon kulya kanyit ti tukwaje, a nye ködyö iti kaŋo i mera, a nye tine poŋdya i mera lukata;

¹¹ ama ko sömukö aje poŋdya, a nye ködyö tukwöji mugun i pioŋ kata, a ko kolor aje ’doro a nye bulöni bulö yitö i mera lukata.

¹² A do köti ködyö gwe ko pirit kapoet i mera kaŋo, a do iti kaŋo nyu;

¹³ a do ködyö gwe ko guli i pirit na geleŋ ko tito kulök möriesi; a na si ’dari do kaŋo nu, a do ’boggi dili ko lepeŋ, a do löpuköni i muggö na ŋo nagoŋ lupe kaŋo konut na.

¹⁴ Kogwon MATAT Ŋun losu gwon i wörö i kiden na mera nasu, i lwöggu na ta ko i pakiŋdya na ta merok kasu, nyenagoŋ a mera nasu ködyö gwe a nake na rurwan, an nye ko meddya nene tolimuön kasu a löpuköddi kaŋo kasu.

Saresi ka ’de ka ’de

¹⁵ A ta ködyö tine nyökökiŋdyö monye ’dupiet lonyit lo wökun kasu ni;

¹⁶ ama a nye si ’dani kasu kiden, i pirit nagoŋ nye mo wuwulun i nene na köjinö kasu, gwoso na ’deggi nye na; ama a ta ködyö tine konakiŋdya lepeŋ arabat.

¹⁷ A ŋutu wate ti Yisaraele ködyö tine tiŋdu ’börik i lupö gwoso keri kwakwa-set lose lo nyömue, köti a ŋutu lyan ti Yisaraele ködyö tine toluŋ ko ’börik gwoso keri kwakwaset lose lo nyömue.

¹⁸ An ta ko joŋdya i kadi na MATAT Ŋun losu ’doket na milye nagoŋ a ŋutut ropesi ti kalupejin, kode ti ŋutu lyan logon a toluŋ ko ’börik; kogwon kine murek liŋ MATAT Ŋun losu maman.

¹⁹ A do ködyö tine luŋgu ko wöli ŋo na kurörö luŋösur konut nagoŋ a wöli i gurut, kode i kinyojin, kode i nene ŋo na kurörikin ko wöli.

²⁰ Ama do bubulö luŋgu ko wöli i ŋo na kurörö lwakatyo konut, ama a do tine luŋgu ko wöli i ŋo na kurörö luŋösur konut, anyen MATAT Ŋun ilot ködyö ’boroja do i ŋo liŋ na kon do kune i lu jur logon do mo lupöddu lukata i morga na lepeŋ lu.

²¹ A ko do a milyekiŋdyö MATAT Ŋun ilot lele milye, an do ko karakin i koŋdya na lepeŋ; kogwon MATAT Ŋun ilot ’diri mo denuŋdya lepeŋ konut, a ŋina mo gwe a toron iŋot.

²² Ama ko do a teŋgu mugun i milyeju, a ŋina tine gwon a toron konut.

²³ Jine ti jamesi lo lupe kaŋo konut i kutuk ko koŋdi se, kogwon do a milyekiŋdyö MATAT Ŋun ilot ’doket na tupalikan na töili i ŋo na jam do ko kutuk iŋot kune.

²⁴ Ko do a lupö ko marate ilot i luköbi na kaden ti binyo, a do bulöni bulö nyesu ludweki ti binyo a yimönö, gwoso na ’deggi do na, ama a do ködyö tine baraddu kulye i nene ŋo iŋot.

²⁵ Ko do a lupö ko marate ilot i melesen na ’bolot lukata, a do bulöni bulö gi ’ya kusik ti ’bolot ko könin ilot, ama a do ködyö tine ŋepa ’bolot ti marate ilot.