Nyökit 2 - Bibilia Buk na Ŋun nagon koti luŋu a

Kiŋajin logon ŋutu gwon i yöbu kulo

¹ A yi ŋiörö tojo i yöbu i kiko lo tiri Tör Nator, gwoso na kulyari MATAT ko nan na; a yi poki i lo lorga na mere Seir ko perok jore.

² A MATAT kulyani ko nan adi,

³ Loŋga nasu na lo mere a temakiŋdya ta; lopuköddi ta i swöt lo lobot.

⁴ Ko saŋi kilo ŋutu adi, Ta kilo gwe nyona ko lwöpöddu i koresi ti luŋösurök logon a nyakwariat ti Esau, logon sisi ’datu Seir kulu; a se mo kujönöni kujönö ta. Nyena kunyar ta;

⁵ an ta ko ’do ’do ’ya ta se; kogwon nan mo ti tiŋdu ta lele swöt lo jur lose, ma ’di pirit nagoŋ ŋuto tiŋdi ’dapanit, kogwon nan a tiŋdu Esau mere Seir a lonyit.

⁶ A ta mo gwöruŋdye kinyo lo nyenyei kase ko gurut; a ta mo koti gwöruŋdye pioŋ na mamata kase ko gurut.

⁷ Kogwon MATAT ŋun losu aje ’boroja ta i konesi kasu liŋ; nye a tiju wörö nasu liŋ i na yöbu duma; MATAT ŋun losu aje gwon ko ta i kilo kiŋajin merya Iŋwan; a ta gwe a ko yöŋö nene ŋo.

⁸ A yi lwöŋöddi ŋerot i luŋasirik kaŋ logon a nyakwariat ti Esau, logon sisi ’datu Seir kulu; yi a lwoŋöddu i kiko lo Araba logon suluja Elat ko Esion-geber. A yi ŋiörö ŋörö, a yi iti i kiko lo tiri i yöbu na Moaba.

⁹ A MATAT kulyani ko nan adi, Ko yöyöŋgu ta ŋutu ti Moaba kode ’do ’do ’ya se i ŋor, kogwon nan mo ti tiŋdu ta lele swöt lo jur lose a losu, kogwon nan aje tiŋdu nyakwariat ti Loto köji na Ar a nase.

¹⁰ (Ŋutu ti Eme köju a si ’da nyu, logon a kötumit duma ko a ŋutu jore ko a lojo gwoso ŋutu ti Anak;

¹¹ kilo ŋutu köti luŋu a Repa gwoso ŋutu ti Anak, ama ŋutu ti Moaba luŋgu se a Eme.

¹² A ŋutu ti Kori koti köju si ’dani Seir, ama a nyakwariat ti Esau ruddye se, a tukaŋi se kase i komŋo. a si ’dani kase i pirit; gwoso na konakiŋdye Yisaraele jur lo ’deŋ se logon MATAT a tikin se lu.)

¹³ Nyenagoŋ soŋinana ŋine ta ki, ko laŋaddi ta i nu pele na loro Jereda. Nyena a yi laŋaddi i nu pele na loro Jereda.

¹⁴ A perok wöriesi kao suluja Kadesa-barenea tojo koyi a laŋgu loro Jereda kulo gwe a kiŋajin merya musala wot budök, tojo ko ŋutu ti nu toberon liŋ logon a kamörök aje tutuŋgö i mera, gwoso nagoŋ MATAT aje milyekiŋdye se nu.

¹⁵ Kogwon könin lo MATAT gwon i möro ko se, i tukaŋu na se i mera tojo ko se a tutuŋö.

¹⁶ A ko gwe sona nagoŋ ŋutu logon a kamörök aje tutuŋo liŋ ko aje twatwa i kiden na ŋutu nu,

¹⁷ a MATAT kulyani ko nan adi,

¹⁸ I lo lor ta de lwöŋoddu Ar nagoŋ gwon i lokökorit lo Moaba na;

¹⁹ a ko ta ŋun nyona i komor na ŋutu ti Amon, ko yöyöŋgu ta kode ’do ’do ’ya se, kogwon nan mo tine tin ta swöt lele lo jur lo ŋutu ti Amon a losu, kogwon nan aje tikin lepeŋ ko nyakwariat ti Loto a lose.

²⁰ (Lu jur koti a kenaki a lo Repa; ŋutu ti Repa köju sisi ’datu nyu, ama ŋutu ti Amon luŋgu se a Tamejuma,

²¹ a se gwe a kötumit duma ko a ŋutu jore, ko a lojo gwoso ŋutu ti Anak; ama a MATAT tukaŋi se kase i komor; a se ruddye se a si ’dani kase i pirit;

²² gwoso na konakiŋdye MATAT nyakwariat ti Esau lo si ’da Seir, na tukaŋi nye ŋutu ti Kori kase i komŋo kulu, a se ruddye se, a si ’dani kase i pirit tojo ko lo lor.

²³ A ŋutu ti Kapetor lo poŋdya Kapetor kulo, koŋi ŋutu ti Awa logon sisi ’datu i turön teŋ ko Gaja, a ruddye pirit nase.)

²⁴ Ŋine ta ki, ŋiöro ta, ko laŋaddi ta i nu pele na kare Arenon; mete ta, nan aje tiŋdu Sikon Amorityo logon a mor lo Kesebon lo kasu i könisi, se ko jur lonyit; suluje ta i morga na jur ko möröni ta ko lepeŋ i ŋor.

²⁵ I lo lor nan suluja tiŋdu torigwöggu nasu ko tokujöŋdu nasu i gweyajin ti ŋutu lo gwon i kak ’bukuluŋ kulo, logon mo yiŋga lore losu a mo böŋdi böŋdu a gwe ko kujönö kogwon kulya kasu.

Ŋutu ti Yisaraele a te ’ya Sikon

²⁶ A nan soŋdi luyökie i yöbu na Kedemot tojo ko Sikon mor lo Kesebon yu anyen jambu kulya ti taliŋ adi,

²⁷ Kölöddi yi i lwöpöddu kasu i jur; yi mo tu ko kiko gwo, a yi mo tine girara i lutaten kode i kadoŋe.

²⁸ A do mo tugwörökiŋdye yi kinyo lo nyenyei ko gurut, a do mo tiŋdi yi pioŋ na mamata ko gurut; tuŋ kölöddi yi i lwöŋoddu ko mok,

²⁹ gwoso nagoŋ nyakwariat ti Esau lo si ’da Seir ko ŋutu ti Moaba lo si ’da Ar kulo a konakiŋdye yi nu, tojo koyi mo a laŋaddu i nu pele na Yardene i jur logon MATAT ŋun likaŋ a tikin yi lu.

³⁰ Ama a Sikon mor lo Kesebon tine ’bön kölöddu yi i lwöpöddu kanyit yu; kogwon MATAT ŋun losu a topo ’yu ködudwö nanyit ko a tupömöni ’yö töili lonyit, anyen nye ködyö pakiŋdya lepeŋ kasu i könisi gwoso i lo lor na.

³¹ A MATAT kulyani ko nan adi, Meddi, nan aje suluja pakiŋdya Sikon ko jur lonyit kasu ŋerot, suluje ta i morga na jur lonyit a losu.

³² A Sikon poŋdi kaŋo i mörö koyi Yasa se ko ŋulu kanyit liŋ.

³³ A MATAT ŋun likaŋ pakiŋdye lepeŋ kayaŋ i könisi; a yi tatuje lepeŋ ko ŋwajik kanyit se ko ŋutu kanyit liŋ.

³⁴ A yi morgi köjinö kanyit liŋ i nu diŋit, a yi tukaŋi asut köjinö liŋ ko ŋutu lyan ko nawate se ko lupudiet lo gwon lukata kulo; yi a ko pitun nene ŋo;

³⁵ ake toro ’bo nagoŋ yi a ryakakin ’borik, ko ŋo nagoŋ a momoka i köjino nagoŋ yi a momok kune.

³⁶ Suluja Aroer nagoŋ gwon nyona ko kare Arenon, se ko köji na gwon i kare nu, tojo ko Gilada, a nene köji gwe ’bayin nagoŋ a te ’ya yi; MATAT ŋun likaŋ aje pakin ŋo liŋ kayaŋ i könisi.

³⁷ Ake ta a ko mijörö i jur lo ŋutu ti Amon nyona, kweja adi i swötön liŋ ti kare Yabok ko köjinö ti jur logon a merya, kode i swötön liŋ logon MATAT ŋun likaŋ a ŋoji yi kulu.