Nyökit 19 - Bibilia Buk na Ŋun nagon koti luŋu a

Köjinö rupisi

¹ A na ’duŋöddi MATAT Ŋun losu kilo gweyajin ti ŋutu kaŋo, logon MATAT Ŋun losu titin ta jur lose lu, a ta ruddye se a si ’dani kase i köjinö ko i kadijik kase nu,

² a ta ködyö koruŋdye köjinö musala i jur logon MATAT Ŋun losu mo titin ta i ’debba lu.

³ A ta ködyö tetenakiŋdye ’börik kikolin, a ta korakiŋdye koresi ti jur losu i swötön musala, logon MATAT Ŋun losu a tikin ta i ruddya lo, anyen katatuak liŋ böŋö wökön nyu.

⁴ A kine gwe a kulya ti katatuanit, logon a lwököddu mugun nyu. Kweja adi ko lele ŋuto a tatuja marate lonyit ’bak denet, ko a ko man lepeŋ i diŋit na lwöŋgu —

⁵ gwoso nagoŋ ko lele ŋuto a tu mu ’diŋ ko marate lonyit i toggu na kaden, a nye riŋitökine i tukukiŋdyo na ködini kak, a tulu gwuŋuddi kaŋo kanyit i kuduk, a böŋöddi lu marate lonyit i twan — a nye bulöni bulö lwököddu mugun i nene na kunu köjinö;

⁶ an karutyo karopanit lo rima ködyö ko riköddu ŋilo katatuanit i tupape na töili lonyit, a ködyö wo-kuŋdye lepeŋ, kogwon tupajo na kiko, a gwutökiŋdye lepeŋ i twan, ma ’di nagoŋ nye ti jukin i tatua, kogwon nye ’bak manet ko marate lonyit i diŋit na lwöŋgu.

⁷ Nyenagoŋ nan a saŋu ta adi, ta ködyö koruŋdya köjinö musala.

⁸ A ko ködyö MATAT Ŋun losu a tomi-jöddu koresi kasu gwoso na milye-kiŋdye nye merenyejin kasu nu, a tiŋdi ta lu jur liŋ logon nye a rukökin i tiŋdu na merenyejin kasu —

⁹ tuŋ ko ta a tiju i koŋdya na ŋilo saret ’buku-luŋ, logon nan a saŋi ta i lo lor lo, kweja adi i nyaŋu na MATAT Ŋun losu ko i wörö kanyit i kikolin ŋupi — nyena a ta ködyö ’yalakiŋdye kunie köjinö musala i kine musala.

¹⁰ Ti rima na mamaŋa gwe ti ’buköŋ i kiden na jur losu, logon MATAT Ŋun losu titin ta a lomore lu, an toron na rima gwon kasu i kusik.

¹¹ A ko lele ŋuto maman marate lonyit, a poki i domba na lepeŋ, a ŋiki ko lepeŋ ki, a gwutökiŋdye lepeŋ i twan, a lu ŋuto wöki i nene na kunu köjinö,

¹² nyena a temejik ti köji nanyit ködyö soŋdi ŋutu nyu i dogga na lepeŋ, a ködyö tiŋdi lepeŋ i könin lo karutyo karopanit lo rima anyen nye tatatua.

¹³ A ta ködyö tine won konyen ko lepeŋ, ama a ta ködyö lalaaddi toron na rima na mamaŋa kaŋo i Yisaraele, anyen kulya kasu tu ’bura.

¹⁴ Do ködyö ti tomijöddu ŋurupö logon a koresi ti kak na marate ilot, logon ŋutu ti ’beron aje tin nye kulu, i nu kak iŋot lomore, i lu jur logon MATAT Ŋun ilot mo titin do i morga lu.

Saret i kulya ti katökorok

¹⁵ A katokoronit geleŋ ködyö tine pökiŋdyö lele ŋuto nene ŋonyan kode nene toron, i toronjin liŋ nagoŋ nye a toroŋdi kune; ake kine kulya ririki gwogwo i tökoresi ti katökorok murek kode musala.

¹⁶ A ko katokoronit loron a ŋikin ko lele ŋuto ki i pökiŋdyö na lepeŋ konesi narok,

¹⁷ nyena a kilo murek logon gwon ko rerenyet kase kiden kilo ködyö gwo ’de ko MATAT i komor, i komor na koanejin ko na ka ’duŋök logon ködyö gwon yu i kilu perok kulu.

¹⁸ A kilu ka ’duŋök ködyö pije ko tirikwet, a ko lu katokoronit a ’burönit, ko a ’burönökiŋdyö luŋaser lonyit,

¹⁹ a ta ködyö konakiŋdye lepeŋ gwoso na yeyeji nye i konakiŋdya na luŋaser lonyit nu; a ta ködyö lalaaddi kulya narok kaŋo kasu kiden.

²⁰ A se lo pituŋdyö kilo mo yiŋge yiŋga a kujönöni kujönö; a mo tine koŋdya nene ŋo naron kasu kiden köti.

²¹ A ta ködyö tine won konyen ko lepeŋ; a ködyö gwe sona adi ru ropa ko ru, kijoe ropa ko koŋe, kele ropa ko kele, könin ropa ko könin, moköt ropa ko moköt.