Nyökit 17 - Bibilia Buk na Ŋun nagon koti luŋu a

¹ Ta ködyö ti ’duŋökiŋdyö MATAT Ŋun losu dwot kode kobilityo logon gwon ko yuyuket, kode nene ŋo naron asut; kogwon na a ŋo nagoŋ MATAT Ŋun losu maman na.

² Ko ködyö lele ŋuto kode nene ŋuto a rye kasu kiden, i lele tur losu logon MATAT Ŋun losu titin ta lo, a ko ködyö lu ŋuto a koŋdya ŋo nagoŋ a naron ko MATAT Ŋun losu i metet, i ’beleŋgu na tomoret nanyit,

³ kogwon a tu i kitakiŋdya na kulye Ŋunyen ko i kwakwaddu na se, kode se a ko kolor ko yapa kode nene ŋo na kurumi na ki nagoŋ nan a sarakin ta adi ti gwe ti kona,

⁴ a ko kine kulya a jamaki ta a ta yiŋge se, nyena a ta ködyö pije ko tirikwet, a ko kine kulya a gwak ’diri adi ŋo na mamana gwoso na aje kona i Yisaraele,

⁵ nyena a ta ködyö joŋdi kaŋo lu ŋuto kode nu ŋuto na koŋdya ŋina ŋo naron na tojo ko kotumit na köji, a ta gugu-buje lu ŋuto kode nu ŋuto ko ŋurupö tojo a twan.

⁶ A nye logon tatatua lo ködyö tatuani tatua i tökoresi ti kato-korok murek kode musala; ama a nye ködyö tine tatua kogwon tokoret na katokoronit geleŋ.

⁷ A katökorok ködyö gwe a togeleŋ i ’bi ’yu na könisi kase i tatuja na lepeŋ, a i mukök a kulye ŋutu liŋ lo morakiŋdye. A ta ködyö joŋe kulya narok kaŋo kasu kiden.

⁸ A ko ködyö putet logon a iŋgo a jwe i lilia kasu i turön i kiden na i ŋutu logon a tuböŋörö, kode logon ko piyet, kode lo totogwut, a ko ködyö a iŋgo kasu, nyena a ta ködyö ŋine ŋien a iti tojo ko nu pirit nagoŋ MATAT Ŋun losu mo wuwulun nu;

⁹ a ta ködyö iti ko koanejin Lewijin, ko i ŋilu ŋuto logon a wulwe a ka ’duŋönit i nu diŋit, a ta pije se, a se mo kwekiŋdye ta ’duŋet na putet.

¹⁰ A ta ködyö koŋdi gwoso kutuk na kine kulya nagoŋ se aje kwekiŋdya ta i nu pirit nagoŋ MATAT mo wuwulun nu; a ta tiji i koŋdya na ŋo liŋ nagoŋ se aje kwekin ta kune;

¹¹ a ta koŋdi gwoso se a toyi-yikiŋdye ta nu, ko gwoso i ’duŋet nagoŋ se a tukökin ta nu; a ta tine girara kaŋo i könin lo lutaten kode lo kadoŋe i kine kulya nagoŋ se aje kwekin ta kinu.

¹² A ŋuto logon bu ’ya mugun, a tine yiŋga koane logon gwo ’dan i kitakiŋdya nyu ko MATAT i komor lu, kode ka ’duŋönit, a lu ŋuto ködyö tatuani tatua, nyena a ta ködyö joŋe kaŋo kulya narok i Yisaraele.

¹³ A ŋutu liŋ mo ko yiŋge, a kujönöni kujönö, a mo tine bu ’ya ’borik köti.

Saresi i kulya ti mor

¹⁴ A nagoŋ ta aje ’dur i jur logon MATAT Ŋun losu mo titin ta lu, a mo morgi morga lepeŋ, a mo si ’dani nyu, a ta mo kulyani adi, Ti yi wulökiŋdye ’börik mor gwoso kulye jurön logon nyona koyi kilo, anyen bubulö gwon kayaŋ ŋerot;

¹⁵ a ta bulöni bulö wuluŋdyö ŋuto logon MATAT Ŋun losu mo wuwulun lo anyen gwon a mor kasu ŋerot; a ta ködyö tiŋdi lele lo luŋösurök a mor kasu ŋerot; a ta ködyö tine tiŋdu lwakatyo kasu ŋerot logon ’bayin a luŋösur.

¹⁶ Tuŋ ti lepeŋ gwe ti tutunakiŋdya mugun kusanjin jore, kode tiŋdu ŋutu i yitö bot Ejipeto yu anyen döuŋdyö kusanjin, kogwon MATAT aje kulya ko ta adi, Ta ködyö ti nyöggu yitö i lu kiko köti kwöŋ.

¹⁷ Ko ti nye gwe ti ’yalakiŋdya mugun wate jore, an töili lonyit ko löpuköji kaŋo; ko ti nye gwe ti tunakiŋdya mugun pödö ko dakap jore.

¹⁸ A mo gwe sona na si ’dani lepeŋ i si ’daet na tumatyan nanyit nu, a nye ködyö mirakiŋdye mugun kanyit i buk ŋilo saret lo gwon i buk na gwon ko koanejin Lewijin na;

¹⁹ a nye gwe ko ŋilo saret, a nye ködyö keŋdi lepeŋ perok liŋ ti gwiliŋit nanyit, anyen böŋö jujumbu i kugga na MATAT Ŋun lonyit, i ’debba na kulyaesi liŋ ti ŋilo saret ko kilo saresi lo wurö, To i koŋdya na se;

²⁰ an nye bu ’ya mugun ko luŋasirik kanyit, ko an nye ko girara kaŋo i ŋilo saret i könin lo lutaten kode i kadoŋe; anyen nye ko ŋwajik kanyit böŋö yeyeŋon diŋit a najo kanyit i tumatyan i kiden na Yisaraele.