Nemaya 12 - Bibilia Buk na Ŋun nagon koti luŋu a

Karin ti koanejin ko ti Lewijin

¹ A kulo gwe a koanejin koi Lewijin logon a moruŋdya ko Jerubabela ŋuro lo Salatiele se ko Yesu a: kweja adi Seraya, ko Yeremia, ko Ejira,

² ko Amaria, ko Maluk, ko Katusa,

³ ko Sekania, ko Rekum, ko Meremot,

⁴ ko Ido, ko Ginetoi, ko Abiya,

⁵ ko Miyamin, ko Madia, ko Bileŋa,

⁶ ko Semaya, ko Yoyariba, ko Yedaya,

⁷ ko Salu, ko Amok, ko Kilikia, ko Yedaya. Kilo a temejik ti koanejin ko luŋasirik kase i perok ti Yesu a.

⁸ A Lewijin köti gwe a ko Yesu a, ko Binui, ko Kadamiele, ko Serebia, ko Yuda, ko Matania ŋilo Matania ko luŋasirik kanyit a kanyömök ti kölisi lyöŋesi ti ŋun.

⁹ A Bakebukia, ko Ono logon a luoasirik kase gwo ’de komorga lepeŋat i diŋitan yolesi.

¹⁰ A Yesu a yuŋuŋdye Yoyakim, a Yoyakim yuŋuŋdye Eliasiba, a Eliasiba yuŋuŋdye Yoyada,

¹¹ a Yoyada yuŋuŋdye Yonatana, a Yonatana yuŋuŋdye Yadua.

¹² A i perok ti Yoyakim koanejin kata logon a kusik ti kötumitön ti merenyejin; kweja adi Meraya a kwe lo kötumit na Seraya; a Kanania gwe a kwe lo kötumit na Yeremia;

¹³ A Mesulam gwe a kwe lo kötumit na Ejira; a Yeyokanan gwe a kwe lo kötumit na Amaria;

¹⁴ a Yonatana gwe a kwe lo kötumit na Maluki; a Yosepa gwe a kwe lo kötumit na Seba­nia;

¹⁵ a Adena gwe a kwe lo kötumit na Karim; a Kelekai gwe a kwe lo kötumit na Merayot;

¹⁶ a Takaria gwe a kwe lo kötumit na Ido; a Mesulam gwe a kwe lo kötumit na Gineton;

¹⁷ a Jikeri gwe a kwe lo kötumit na Abiya; a ŋuto logon karin kanyit a ko dena gwe a kwe lo kötumit na Miniamin, a Piletai gwe a kwe lo kötumit na Moadia,

¹⁸ a Samua gwe a kwe lo kötumit na Bileŋa; a Yonatana gwe a kwe lo kötumit na Semaya;

¹⁹ a Matenai gwe a kwe lo kötumit na Yoyariba; a Uji gwe a kwe lo kötumit na Yedaya;

²⁰ a Kalai gwe a kwe lo kötumit na Salai; a Eber gwe a kwe lo kötumit na Amok;

²¹ a Kasabia gwe a kwe lo kötumit na Kilikia; a Netanele gwe a kwe lo kötu­mit na Yedaya.

²² A ko gwe gwoso Lewijin, a kusik ti kötumitön ti merenyejin iŋge wurö i perok ti Eliasiba, ko ti Yoyada, ko ti Yokanan, ko ti Yadua; se ko koanejin tojo ko diŋit na gwoŋdi Dario lo Parasa a mor nu.

²³ A nyakwariat ti Lewi logon a kusik ti kötumitön ti merenyejin iŋge wuröki i buk na dekat tojo ko perok ti Yokanan ŋuro lo Eliasiba.

²⁴ A temejik ti Lewijin gwe a ko Kasabia, ko Serebia, ko Yeusa ŋuro lo Kadamiele, se ko luoasirik kase logon gwo ’dan komorga lepeŋat i ’do ’yu na pupuresi ko i tiŋdu na lyöŋesi, gwoso i saret lo Dawidi ŋuto lo Ŋun.

²⁵ A Matania, ko Bake­bukia, ko Obadia, ko Mesulam, ko Talemon, se ko Akuba gwe a katiyuk ti kötumitön ti kadi na ŋun, a tiji kadijik ’delesi na gwon nyona ko kötumi­tön.

²⁶ Kulo ŋuto gwolor i perok ti Yoyakim ŋuro lo Yesu a, ŋuro lo Yosadak, ko i perok ti Nemaya modir, ko ti koane Ejira kawurönit.

Gorom nagon a mariŋ a ’boroki

²⁷ A i diŋit nagon se yöŋöni ’borokiŋdya gorom nagon a mariŋ na Yerusalema nu, a se soŋdi ŋutu i luŋgu na Lewijin kase i piritön liŋ anyen po Yerusalema i ’börökiŋdya na nu gorom ko lyöŋesi, ko pupuresi, ko yolesi, i jeja na re gwoesi, ko i ju ’yö na tomon, ko rababajin.

²⁸ A mirya ti kayolok momori i pirit na geleŋ. Kilo ŋuto a po i turön logon nyona ko Yerusalema, ko i turön ti ŋuto ti Netopa;

²⁹ ko köti i Bete-Giligala, ko i jur lo Geba, ko Ajemawet; kogwon kayolok a ’dukokiŋdyö ’börik turön lorga Yerusalema.

³⁰ A koanejin se ko Lewijin toke ’yi ’börik; a lepeŋat köti toke ’yi ŋuto liŋ ko gorom nagon a mariŋ se ko kötu­mitön kanyit.

³¹ A kirut nan lupundye ŋuto lokukwön ti Yuda i loki na gorom nagon a mariŋ, a nan wuluŋdye laŋesi murek dumalak nagon worori i pirit na geleŋ pupuraddu. Laŋet togelen wöröji ’e gorom loki tiri könin lutaten tojo ko kötumit yeket na korodo;

³² a Osaya iti kase i mukok ko swot na ŋutu lokukwon ti Yuda,

³³ a ’duki a Ajaria, ko Ejira, ko Mesulam,

³⁴ ko Yuda, ko Benyamina, ko Semaya, ko Yeremia,

³⁵ ko kulye nyakwariat ti koanejin ko toriot: kweja adi Takaria ŋuro lo Yonatana, ŋuro lo Semaya, ŋuro lo Matania, ŋuro lo Mikaya, ŋuro lo Takur, ŋuro lo Asap;

³⁶ se ko luŋasirik kanyit logon a ko Semaya, ko Ajarele, ko Milalai, ko Gilalai, ko Mai, ko Netanele, ko Yuda, ko Kanani; kilo liŋ gwon ko tito yolesi ti Dawidi ŋuto lo ŋun; a Ejira kawurönit worojine kase ŋerot.

³⁷ a i kotumit na mariŋ na wörörikin i kidi, a se lwöŋoddi gwo tiri kiyesi ti köji na Dawidi, a wörojie gorom na ’du, metara kadi na Dawidi kak, tojo ko kotumit yeket na pioŋ na gwon i swot lo ’yure.

³⁸ A nene laŋet na kaŋupurak tiri könin kadoŋe, a nan ko swöt na kulye ŋutu kepoddi lepeŋat i loki na gorom nagon a mariŋ, metara bilili lo kadi namet na kinyojin kak, tojo ko gorom nabot,

³⁹ ko i loki na kotumit na Epu­raima, a tiri kötumit na ’beron, a lwöŋöddi kötumit yeket na somot, se ko bilili lo kadi lo luŋu a Kananele, ko lo kadi lo luŋu a Mia, tojo ko kötumit lupet na yidin; a lepeŋat gwo ’de gwo­ ’dan i kötumit na tirikin i kadi rereket.

⁴⁰ Nyena a laŋesi liŋ murek ti kaŋupu­rak gwo ’de i kadi na ŋun. A nan koti ko swöt na ŋutu lokukwon gwe nyu,

⁴¹ se ko koanejin logon a ko Eliakim, ko Maseya, ko Miniamin, ko Mikaya, ko Elionai, ko Takaria, ko Kanania, lepeŋat gwon ko toriot;

⁴² ko Maseya, ko Semaya, ko Elejara, ko Uji, ko Yeyokanan, ko Malekiya, ko Elam, ko Ejer. A kayolok se ko Yejerakia kanyömönit lose yoloni yolo parik.

⁴³ a lepeŋat wukiŋdye rubaŋgajin temejik i ŋilu lor a lyöŋi lyöŋön, kogwon ŋun a tikin lepeŋat i lyöŋön parik; a ŋutu wate se ko lupudiet köti iŋge lyöŋön. A lyöŋön ŋa Yerusalema iŋge yiŋa pajo parik.

Kinyojin logon ködyö koraki koanejin ko Lewijin

⁴⁴ A ŋutu iŋge wulwe i ŋilu lor a kamemetak ti kadijik na ’di ’dik ’delesi ti ’dokesi, ko ti kinyojin waŋesi, ko ti topuökisi. A kita nase gwe a tuŋdya na kinyojin i meleseno ti turon ka ’de ka ’de, logon a saraki adi ködyo tiki koanejin ko Lewijin kulo; kogwon ŋutu ti Yuda a lyöŋön ko koanejin ko Lewijin logon kita i kadi na Ŋun.

⁴⁵ a lepeŋat koŋdi kita na Ŋun lose se ko kita na toke ’ya, a kayolok, ko katiyuk ti kötumitön köti koŋdi sona, gwoso i saresi ti Dawidi ko ti Solomona ŋuro lonyit.

⁴⁶ Kogwon koju ’beron i perok ti Dawidi, ko ti Asap, a duma lo kayolok gwe kata, koti kolisi pupuresi ti ŋun i tiŋdu na lepeŋ lyoŋesi gwe i yolo.

⁴⁷ A i perok ti Jerubabela ko ti Nemaya, a ŋutu ti Yisaraele liŋ iŋge tiŋdu koresi ti kinyojin temba i lor a ti kayolok, ko a ti katiyuk ti kötumitön; a lepeŋat ko­ruŋdye kinyo lo Lewijin, a Lewijin koruŋdye kinyo lo nyakwariat ti Arona.