Naum 3 - Bibilia Buk na Ŋun nagon koti luŋu a

¹ Woidio köji na rima, nagon a jore ko ’burönö ko ŋo na ririŋwe, nagon ’dutet na ŋo ryakat ’bayin!

² Woŋon na kurubat adi pyak! Woŋon na mokosi ti arabiajin lo jijiko adi kwarak kwarak, kusanjin lalabbi arabiajin lo jijiko lalamtu!

³ Ŋutu lo wokon ko kusanjin ’dukin i moro, baŋdujin kokobbu adi pok, goro meme ’yu adi me ’dek i remorikin! Ŋutu lo tatua jore parik, mugunya kase parasak kak a ’domio, opuo kase ti bulo kena, a ŋutu kokopukoni ko se.

⁴ Kine ŋo konaki do köji, kogwon do gwon gwoso kalupe nagon a jore ko lulupesi nagon komor nanyit kwekwelen, do a ŋote ki ’dem nagon to ’doro ’yu juron se ko gweyajin ti ŋutu kogwon lulupesi ko ki ’dem inot.

⁵ Nan MATAT lo kurumi lo kulya adi, Nan a miriku ilot, a nan mo banyaddi boŋgo inot na mukok ki tojo konut i kwe, a mo kwekiŋdye juron se ko tumatyan mugun inot a limu kana nagon tiŋdu ŋutu yu na kwe na.

⁶ A nan mo ratakiŋdye po na momon konut loki, a tiŋdi do i lawe, a koŋdi do a po na ’dö ’döyö.

⁷ A ŋutu liŋ lo diŋa do kulo mo mijörö kaŋo konut, kulya adi, Ninewe aje körö; pa mo lo delya lepeŋ? Nan mo ryö ŋutu ya logon sugga lepeŋ?

⁸ Kulya kunok ŋona a na ’but Iwolwoŋ köji No-amon nagon si ’da nyona ko Supiri le? Pion a lopakin Lepeŋ kiden, a mariŋ nanyit na kaŋo gwe a tör na ’balaŋ, pioŋ gwon a gorom nanyit tiyit.

⁹ Etiopia ko Ejipeto a riŋit nanyit nagon ’bak ’dutet, a ŋutu ti Put ko ti Libya gwe a kaparak kanyit.

¹⁰ Kolumbö a ŋutu kanyit jopani kaŋo a ’dupi; a lupudiet kase iŋge papasaka i keresi liŋ ti kikolin; a ŋutu kanyit lokukwon gubani guralan, a ŋutu kanyit temejik liŋ iŋge rereka ko toŋot.

¹¹ Do koti mo memeran ko dikori na woran na ŋun, do mo dododdya, do mo gaga ’yu pirit ’danaet kogwon kulya ti merok kulok.

¹² Maripan kunok nago na titiyu liŋ gwon gwoso kaden ti ki ’biet logon toran a kokwe, a ko ŋutu a nanaju se a ludweki kase ’do ’done i kutusen ti kanyuok.

¹³ Meddi, kamörök kulök logon konut kiden kuloa ŋutu watetuŋ. Piriton nagon lupörikin konut i jur kune a ŋaki merok kulok a nagalagak; Kimaŋ aje totum rigilesi ti kötumiton kunok.

¹⁴ ’Yi ’ye pioŋ a kokwe na tuma na köji, togo ’yi piriton kunok nago na titiyu; iti i ryogga na lipo anyen teteŋdi tupön, kitani ko saŋduk ’duŋet na tupön.

¹⁵ Ma ’di nyu kimaŋ mo ’yu ’yur do, a do mo tatuani ko baŋdu, a baŋdu mo tutuŋge do gwoso na nyesi mayat soso ’diöt na. Ti ŋutu kulok obine ŋdi gwoso mayat soso ’diöt, ti se ŋoine odi gwoso mayat.

¹⁶ Katujarak kulok a ŋdi Iwolwöŋ kaser. Mayatti ŋaju köpukön kanyit a ’daaddi ’daaddu.

¹⁷ Ŋutu kulok lokukwön gwon gwoso mayat, kawurök kulök gwon gwoso mayat na ’dikoro i mariŋan loki i lor logon a katirut, a ko kolor gwe ki a se ’daaddi ’daaddu, a gwe a ko dena ko se a ’daaddu da.

¹⁸ Do mor lo Asura, kayukuk kulok dodoto, ŋutu kulök temejik lulur. Ŋutu kulök a rekin i merya a ŋuto gwe ’bayin lo tutunuŋdya se.

¹⁹ ’Dikasin kunök ti bulo tolika, do aje boŋöji parik a tine ru. Ŋutu liŋ lo yiŋga liŋio kulok kulo naŋgu konisi kase ko do. Ŋutu a ŋa logon a ko den konesi kunok narok nagon rudaddu se kak i diŋitan liŋ?