Mika 7 - Bibilia Buk na Ŋun nagon koti luŋu a

Toron na Yisaraele

¹ Wöidiö nan! Nan gwe gwoso ludweki logon a pituŋdyö lo kwökwöto i ’dutet na ja ’be, ko gwoso ludweki logon a pituŋdyö i kaden ti binyo i diŋit ’du ’dumet, a kwe na ludweki gwe ’bayin lo nyenyei, kode ki ’bi lo toran a kokwe logon nan nyanyar.

² Ŋutu lo twöju Ŋun aje twatwa i kak ni, a ŋutu lo rigwo gwe ’bayin i kiden na ŋutu; lepeŋat liŋ pokin i nyiŋgo na rima, ŋutu liŋ goŋa luŋasirik kase gwoso ŋuto lo togopa ko birya.

³ Lepeŋat kikita parik i koŋdya na po narok ko könisi kase; kasarak ko ka ’duŋok ti putesi pija ’dokesi nagon ropaki se a lwön, a ŋutu lokukwon jambi ’dekesi narok ti töilyet kase; nyena a se tomor i kine po a po geleŋ.

⁴ Ma ’di ŋuto logon a lo ’but kase kiden lo gwon gwoso kikwa, a ŋuto lo yiyiniki kase kiden lo gwe gwoso mariŋ nagon a kikwa. Lor aje po logon katiyuk kasu nebijin aje tuk kulya kanyit lo ŋilo a lor lo riparikin ta, a kilo ŋutu mo dyadyaŋgi dyadyaŋgu.

⁵ An ta ko yinikiŋdyö ta maratejin kasu, an ta ko yinikiŋdyö adi julin kasu a lo ’but, an ta ko jambu ta abur ma ’di ko wate kasu nagon ta doto liŋ.

⁶ Kogwon ŋuro lalet lauŋdya monye, a ŋuro nakwan ŋiki i mörö ko ŋote, a nakwan na tore möröni ko moken; a merok ti monye mede gwe a ŋutu ti mede nanyit.

⁷ Ama ko gwe gwoso nan, nan nyiggö MATAT, a nan mordi Ŋun Kalwokönit lio, Ŋun lio mo yiyiŋ nan.

MATAT a parara ko a kalwokönit

⁸ Ta merok kwe, ko lyöŋön ta ko nan; ma ’di nagon nan aje ’doro nan mo ŋiŋien, a ko nan si ’da i mudwe, a MATAT mo lo gwe a parara nio.

⁹ Nan mo ŋogoŋ woran na MATAT, kogwon nan a toroŋdya lepeŋ arabat, nan mo ŋogoŋ tojo nye a gwo ’dan i kulya kwe a ’dupokiŋdye nan putet. A lepeŋ mo joŋgi nan i parara; a nan mo meddi löti lonyit lo rigwo.

¹⁰ A kirut merok kwe mo meddi meddya, a yu na kwe mo morgi ŋutu lo pija nan adi, Liya MATAT Ŋun ilot? A nan mo meddi lepeŋat ko lyöŋön i diŋit na ryokari se gwoso wo ’do ’do ti kiko nu.

¹¹ Lor mo popo logon nyökorikin ’dukörikin goroma kunök nagon a mariŋan ti köji. I ŋilu lor a koresi ’ti jur mo tomi-jojine pajo.

¹² I ŋilu lor ŋutu mo popo konut ni suluja Asura tojo Ejipeto, a suluje Ejipeto tojo kare Perat, a suluje i tor na ’balaŋ tojo i nene tor, a suluje i mere tojo i lele mere.

¹³ A kak se ko ŋutu kanyit mo koroni koro, kogwon konesi kase narok na kon se kune.

MATAT a won konyen ko Yisaraele

¹⁴ Yuŋgi ŋutu kulok ko ture ilot, kilo a teŋ na köbilu nagon a lomore inot, logon si ’da ka ’de mu ’diŋ kata i jur logon ko kinyojin lo ’but; ti lepeŋat nyesi i jur lo Basan ko lo Gilada, gwoso i perok ti ’beron koju kulu.

¹⁵ Kwekiŋdye yi ŋo sorosi gwoso i perok lo pöri do kapo i jur lo Ejipeto.

¹⁶ A juron mo meddi kine kulya, a kusik kase mo yune yu i kulya ti riŋiton kase liŋ; a lepeŋat mo muŋge kutusen kase; a swo kase worani a miŋeki;

¹⁷ lepeŋat mo dadaŋgu ŋutut gwoso munuŋ, ko gwoso ŋo lo gwoŋtu kak se mo popo kaŋo i piriton kase nago na titiyu bobonuŋdyo, a se mo poŋdi ko kujono konut ni do MATAT ŋun likaŋ, a se mo rigwokoni rigwöko kogwon do.

¹⁸ ŋa logon a ŋun gwoso do logon pipitokiŋdyö toronjin, a girara a swot a tine met lyaŋesi ti pitönö ti ŋutu kulok lomoriot? Do ti ’de ’ya woran inot ŋupi, kogwon do nyonyola i kwekiŋdya na nyaŋu inot nagon ti ’duddyo kwoŋ na.

¹⁹ Do koti mo wowon konyen koyi, a do mo ryoggi lyaŋesi kao ko mokosi, a do mo gubaddi toronjin kao liŋ i piriton nagululok ti tor na ’balaŋ

²⁰ A do mo kwekiŋdye kotumit na Yakobo to ’diri, iŋkoi, do kwekiŋdya nyaŋu inot nagon ti ’duddyo kwoŋ na i kotumit na Abarayama, gwoso na milyekiŋdye do merenye-jin kaŋ i perok ti koju kulu.