Mika 6 - Bibilia Buk na Ŋun nagon koti luŋu a

MATAT rerenya ko Yisaraele

¹ Yiŋge ta go nagon MATAT a jambu adi, nine ta ki, jamaki ta merya rerenyesi kasu anyen se yiyiŋ, ko ti lurwat yiŋge gworolo

² Ta merya, se ko ta pipilesi ti kak lo yeyeŋon ŋupi, yiŋge ta rerenyesi kwe ti MATAT, kogwon nan MATAT kata ko rerenyet ko ŋutu kwe, a nan mo rerenyani ko Yisaraele adi,

³ Ta ŋutu kwe, nan agu a kona-kiŋdya ta nyo? Nan darari ta i nyo? Nyoŋe ta nan!

⁴ Nan a joŋdya ta kaŋo i jur lo Ejipeto, nan a lwokuŋdyö ta kaŋo i pirit na to ’dupien, a nan sonyoddi Mose ko Arona se ko Miriama i nyömöddu na ta.

⁵ Ta ŋutu kwe, yiyiuŋdye ta ŋo mwonyit nagon Balak mor lo Moaba a teteŋdya i mwon ko ta na, a Balam ŋuro lo Beor iŋge wasakin lepeŋ ada; koti yiyiuŋdye ta ŋo nagon a pukun suluja Sitim tojo ko Giligala kune, anyen ta kodyo deden adi nan MATAT a katelanit.

ŋo nagon MATAT ’de ’dekan Nan kodyo tu ko MATAT i komŋo joŋga nyo?

⁶ Nan dulakiŋdya mugun kak ko Ŋun lo ki i komor ko ’doket nagon a nyo? Nan ŋona tu kanyit i komor joŋga rubaŋgajin lo ’yu ’yura ’buluŋ se ko kaja ti kiŋa geleŋ le?

⁷ MATAT lyöŋon ko nye a jaki köbilu lopijoki alipan, kode welet nagon ’dokon gwoso karya alipan puök le? Nan ŋona kodyo wukiŋdya ŋuro liŋ kayu kogwon lyaŋesi kwe? ŋuro lio lo pele bubulo tiki a ’doket anyen seyaddu toron nio le?

⁸ Do ŋilo ŋuto, MATAT aje kwe-kiŋdya do ŋo nagon a na ’but; a nye yöŋöni ŋo a nyo konut? ŋun ’de ’dekan adi ti do kitani ko torigwo, ti do gwe a kanyaranit logon ti lopuggo. ko ti do woroni a lokoyok ko lepeŋ i komor.

⁹ Yiŋge ta gworo lo MATAT, logon tokoŋgu ŋutu lo twöju lepeŋ kulo, MATAT luŋgu köji adi, Yiŋge, do kotumit na ŋutu lo momora köji kata!

¹⁰ Nan ŋona bubulo boŋga mu ’diŋ anyen gwon ti meddya tojore na toronjin na gwon i kadijik ti ŋutu lorok, se ko temesi mumulukesi na mamana nagon temuŋdya ku ’dik le?

¹¹ ŋuto logon ko mijan dumet se ko jurak lo witiot temesi mumulukesi, nan ŋona bubulo kuruŋdyo adi nye a ŋuto lo rigwo le?

¹² Kogwon ŋutu kulok kwörinikö a jore ko kulya naŋon, a ŋutu lo si ’da köji jambi kulya ’burönö, ŋedepa kase a lokulyemak kase i kutusen.

¹³ Nyenagon nan mo ririŋ ta ko twanti logon totomijo parik, a nan mo tukaŋi ta kogwon toronjin kasu.

¹⁴ Ta mo nyenyesu, ama a ta mo tine yimönö. a pelela kasu mo gwe ko magor, ta mo wusaddu po kasu i ’dela ama a mo tine si ’da ’bura, ama po logon ta a wusara i ’dela kulo nan mo titikin se i tatua ko baŋdujin.

¹⁵ Ta mo weweja, ama a ta mo tine peŋa, ta mo ’yo ’yoroddu ludweki ti jeitun, ama a ta mo tine we ’ya ’borik ko welet, ta mo ’yo ’yoroddu ludweki ti binyo, ama a ta mo tine mat binyo kase.

¹⁶ Nan mo kökon köji nasu a murwö, a koŋdi ŋutu kulok a lo ’di ’diuka, kogwon ta a ’debba saresi ti Omiri se ko kitajin liŋ ti kötumit na Aba, a ta iŋge wörö kase i jujuwesi, nyena a gweyajin ti ŋutu mo ’dö ’döji ta, a ta mo poŋgi ’do ’döyösi kase.