Matayo 11 - Bibilia Buk na Ŋun nagon koti luŋu a

Yoane Kabatisanit a soŋdu luyökie ko Yesu yu

¹ A Yesu ko tutuŋge saŋu na ŋutu kanyit kajujumuk puök wot murek kulo, a nye kö ’yi ŋinu pirit, a iti ŋerot i totodinöddu ko i totokuöddu i köjinö kase ka ’de ka ’de.

² Nyena a Yoane iŋge yio i kadi rereket ŋo nagon Masia kökon kunu, a nye soŋdi kulye ŋutu kanyit kajujumuk ko lepeŋ yu,

³ a se pije lepeŋ adi, Do a nye lo popo lo kode yi möŋdu lele?

⁴ A Yesu waddi lepepat adi, Iti ta ko taki ta Yoane po na yio ta ko na met ta kine,

⁵ adi ŋutu mo ’dokeno meddi meddya, ŋodeki wöröni wörö, ŋutu ti rimajin aje tokela, miŋeki yiŋge yioga, ŋutu lo twatwa aje toŋiyu i twan, ŋutu lomerika aje tokuki Loŋe Lo ’but.

⁶ Nyena ŋuto logon a ko köpukö ko kulya kwe lo a kalyöŋi.

⁷ A nagon ŋutu lo sonyo kulo iti tu nu, a Yesu suluje pija lodir lo ŋutu i kulya ti Yoane adi, Ta a tu i yöbu i meddya na nyo? Ta a tu i meddya na pa ’duŋi lo wiŋö ko köbuŋöt le?

⁸ Nyena ta a tu kaŋo i meddya na nyo? Ta a tu i meddya na ŋuto lo jupu boŋgo naparere na gwöröge? le? ’Diri ŋutu logon jupu boŋgwat naparere kilo si ’da i kadijik ti moran.

⁹ Nyena ta a tu kaŋo i meddya na nyo? Ta a tu i meddya na nebi? Iŋkoi, nan takiŋdya ta adi ta ’diri a met ŋuto logon Iwolwoŋ nebi.

¹⁰ Ŋilo ŋuto a nye logon kulya kanyit a wurö adi, Mete, nan soson luyökie liŋ konut ŋerot logon mo tetenaddu kiko ilot konut ŋerot.

¹¹ ’Diri nan takiŋdya ta adi, i kiden na ŋutu logon a yuŋweki i na kak kilo lele geleŋ a ko pukun kwoŋ logon a duma lwölwöŋ Yoane Kabatisanit; ama ŋuto logon a lo ’dit bia parik i Tumatyan na Ki lo a duma lwölwöŋ lepeŋ.

¹² Suluja i pö na Yoane Kabatisanit tojo ko soŋinana. Tumatyan na Ki ri ’di ’e ko riŋit, a ŋutu ri ’diaddi ’börik i riŋuŋdya na nye.

¹³ Kogwon nebijin liŋ se ko Saresi ti Mose keju ŋo na popo tojo ko po na Yoane;

¹⁴ nyena ko ta a ruk yiŋga kine kulya, Yoane a ŋilu Eliya logon mo popo.

¹⁵ ŋuto lo gwon ko swö yiŋesi ti nye yiŋge kine kulya.

¹⁶ Ama nan de töjukin ŋutu ti na toberon i nyo? Se gwon gwoso ŋwajik logon sisi ’datu i piriton gwöriesi, a luŋgi ŋwajik lo birye ko se kulo adi,

¹⁷ Yi a kutakiŋdya ta kili ’bajin, ama a ta tine gwoja, yi a yo ’yu köli lo twan, ama a ta tine gwien.

¹⁸ Kogwon Yoane aje po a gwe a ko nyesu a gwe a ko möju, nyena a se kulyani adi, Lepeŋ ko mulökötyo loron;ama nan Ŋuro lo ŋuto aje po nyenyesu ko mömöju, a se kulyani adi, Meddi ta, ŋilo kanyöönit ko a kamere, lepeŋ a ju lo kapepenak ti usur ko a ju lo katoronyak!

¹⁹ Ama Koŋon na Ŋun a kurwe a gwak ko konesi kanyit.

Köjinö nagon ŋutu kase ti ’bön löpuggö töilyet

²⁰ A kirut Yesu suluje yuyuggö köjino nagon nye aje koŋdya kitajin kanyit sörösi najore kata kune, kogwon ŋutu kase ti ’bön löpuggö töilyet.

²¹ Adi, Wöidiö Korajina! Woidio Betesaida! Ko ködyö kitajin sörösi nagon a kona kasu kiden kune köju ködyö a kona Turo se ko Sidona, a ŋutu kase ködyö aje ’beron löpuggö töilyet, dedelya ko a jupu boŋgwat terekesi ko a we ’ya ’börik ko kurök.

²² Ama nan takiŋdya ta adi, Turo se ko Sidona mo ’duŋöki putet pölilyö i lor ’duŋet lwölwöŋ ’duŋöki nasu.

²³ Ama do Kaperanauma, do yeyeju adi do ŋona mo totodumala tojo i ’diko le? ’Bayin, ama do mo jojoŋa kak tojo i pirit na mulökö. Kogwon ko kodyö kitajin sörösi nagon a kona konut kiden kune köju ködyö a kona Sodoma, a ŋinu köji ködyö yeŋe yeŋon tojo ko lo lor.

²⁴ Ama nan takiŋdya ta adi Sodoma mo ’duŋöki putet pölilyö i lor ’duŋet lwölwöŋ ’duŋöki nasu.

Po ta köyö ni i yukan

²⁵ A i nu diŋit gwak a Yesu kulyani adi, Tinate pon Baba, MATAT lo ki ko lo kak, kogwon do aje ’de ’ya kine kulya i ŋutu lokoŋ ko i ŋutu lo kukurun kulya, a do iŋge kwekin se i lupudiet;

²⁶ iŋkoi, Baba, do aje koŋdya sona kogwon meta a na ’but konut.

²⁷ Baba aje ’burukin nan ŋo liŋ; lele ŋuto a ko den nan Ŋuro ama Baba ka ’de lo deŋdya; köti ŋuto a ko den Baba ama nan Ŋuro ka ’de lo deŋdya, se ko ŋutu logon nan Ŋuro a wakun kwekiŋdya se Baba kulo.

²⁸ Po ta köyö ni, ta ŋutu liŋ logon kikita ko a sopa pömöni, a nan de tiŋdi ta yukan.

²⁹ ’Dumuŋdye ta gwuluŋi liŋ kasu i murutö ko jujumbi ta köyö, kogwon nan a lolik pele ko a lokoyok i töili, a ta de ryeji yukan kasu i töilyet;

³⁰ kogwon gwuluŋi liŋ a loliliŋ i ’doko, a ŋo na sop nan anyen ’do ’doko kune gwe pa ’de ’de.