Luka 5 - Bibilia Buk na Ŋun nagon koti luŋu a

Yesu a luŋgu ŋutu kanyit kajujumuk ti kokwe

¹ A gwe sona, na gwo ’di ’e Yesu nyona ko tör na Genesareta nu, a ŋutu jore ri ’diaddi ’borik ko lepeŋ yu i yiŋga na kulyaet lo Ŋun.

² a nye meddi ki ’bojin murek i kijit, a kalokak ti somot aje kiyaddu kaŋo, a gwe i lalaju na ku ’yilan kase.

³ A nye kiyaddi i lele lo kilo ki ’bojin kata logon a lo Simona, a nye pije lepeŋ anyen dukaddu ki ’bo i pioŋ kata madaŋ, a Yesu si ’dani i ki ’bo kata a todiŋdye ŋutu kulo.

⁴ A nagon nye aje jo jambu nu, a nye takiŋdye Simona adi, Kamara ki ’bo i pirit nagulu a kirut gubaddi ta ku ’yilan kasu i pioŋ i munyuŋdya na somot.

⁵ A Simona waddi adi, Katodinönit, yi a kita i tukwaje liŋ a yi gwe a ko morga nene ŋo, ama kogwon do aje kulya, nan de gugubara ku ’yilan.

⁶ A nagon se aje koŋdya sona nu, a se iŋge munyun somot jore parik, a ku ’yilan kase suluje giginyija,

⁷ a se kwetuŋdye ŋutu logon ŋaŋu kita ko se lo gwon i lele lo kilo ki ’bojin kulo anyen po i parakiŋdya na se. A se poŋdi po a iŋge tojoreju kilo ki ’bojin murek ko somot, nyena a se suluje ’dirön.

⁸ A na meddi Simona Petero kine ŋo i pokin sona nu, a nye ’dorone kak ko Yesu i kuŋwat, a kulyani adi, ŋiörö kaŋo köyö pon MATAT, kogwon nan a ŋuto loron.

⁹ Kogwon lepeŋ se ko ŋutu liŋ lo gwon ko nye kulo a soŋu kogwon somot logon lepeŋat aje munyun kulo.

¹⁰ Nyena a Yakobo se ko Yoane ŋwajik ti Jebedayo, logon ŋaŋu kita ko Simona i pirit na geleŋ kulo koti iŋge söŋu. A Yesu kulyani ko Simona adi, An do ko kujöno, suluja soŋinana tojo ko ŋerot do mo jikuŋdyö ŋutu köyö ni gwoso ŋuto logon jikuŋdyö somot ko ku ’yi.

¹¹ A se kamuŋdye ki ’bojin i kijit a se kölökiŋdye ŋo liŋ, a se kepoddi lepeŋ.

Yesu a toke ’ya ŋuto lo rimajin

¹² A gwe sona na gwoŋdi Yesu i nene köji nu, a lele ŋuto gwe nyu logon a moka parik ko rimajin; a na meddi ŋilo ŋuto Yesu nu, a nye rugwuŋökine kak ko komor nanyit a mamaŋdi lepeŋ adi, Pon MATAT, ko do nyanyar do bubulö toke ’ya nan.

¹³ a Yesu riöddi könin lonyit, a taŋdi lepeŋ, a kulyani adi, Iŋkoi, nan nyanyar toke ’ya do; kele kelan. ’De ’de a rimajin kö ’yi lepeŋ.

¹⁴ A nye kukuji lepeŋ adi, An do ko takin lele ŋuto kine kulya; ama iti. kweki mugun ko koane, ko wukiŋdye rubaŋga a tokelet ilot gwoso na sarakiŋdye Mose nu, anyen ŋutu deden adi do aje tokela.

¹⁵ Ama a lore lo Yesu reara reara bia parik; a ’ŋutu jore parik momoruŋdye i yiŋga ko i tokela na twana kase.

¹⁶ Ama nye yeŋ kö ’yu ŋutu a iti i kwakwaddu i yöbu nagon ŋutu ’bayin kata.

Yesu a toke ’ya ŋuto lo bata logon mugun a twan

¹⁷ A gwe sona i lele lor nagon Yesu gwon i todiŋdyö nu, a Parusijin se ko katodinök ti Saresi ti Mose logon po i turön liŋ ti Galilaya, ko ti Yudaya, ko lo po Yerusalema kulo gwe nyu i si ’da. A riŋit na MATAT gwe ko lepeŋ anyen toke ’yi ŋutu.

¹⁸ Nyena a kulye ŋutu lo poŋdi ’dukuŋdyö ŋuto i dotoet loki. ŋilo ŋuto a bata mugun a twan. A se möŋi joŋga lepeŋ kadi lukata anyen topirikin ko Yesu i komor,

¹⁹ ama a se tine ryö kiko logon se joŋgi lepeŋ lukata, kogwon ŋutu jore parik. Nyena a se kirut ’dokoddi lepeŋ ki i lo ’dek lo kadi, a se köluŋdye ŋuto lo kak kanyit i dotoet i kiden na teŋula, anyen yepuŋdya kak ko ŋutu kiden ko Yesu i komor.

²⁰ a na meddi Yesu yupet nase nu, a nye kulyani adi, Do ŋilo ŋuto, toronjin kunök aje pitöki.

²¹ a katodinök ti Saresi se ko Parusijin poki i pipija kase i töilyet adi, ŋilo ŋuto a ŋa lo lauŋdya ŋuri? ŋa logon bubulo pitökiŋdyö toronjin? ’Bayin a Ŋun ka ’de logon a kapitönit le?

²² a Yesu iŋge den adi se gwon i pipija kase i töilyet, a pije se adi, Ko nyo ta pipija kasu i töilyet?

²³ Nan nagon pölilyö, i takiŋdya adi, Toronjin kunök a pitöki, kode i kulya adi, ŋine ki ko wöröni wörö?

²⁴ Ama nan de kwekwekin ta adi nan ŋuro lo ŋuto gwon ko riŋit i kak ni i pitökiŋdyö na toronjin. Nyena a nye wöripuŋdye i jambu ko ŋuto logon a bata lo adi, Nan takiŋdya do adi, Ŋine ki, ’dumuŋdye dotoet inot, ko iti mede.

²⁵ ’De ’de a nye ŋine ki kase i komor, a ’dumuŋdye dotoet nagon nye a topiriki kata na, a nye iti mede pupuraddu Ŋun.

²⁶ a ŋutu liŋ iŋge söŋu parik, a pupurje Ŋun; a se kujönöni kujönö, a kulyani adi, Yi aje meddya ŋo sörösi i lo lor.

Yesu a luŋgu Lewi

²⁷ A i mukök na ŋina a Yesu iti kaŋo, a nye meddi kapepenanit lo usur, karin kanyit a Lewi, sisi ’da i pirit ropet na usur, a nye takiŋdye lepeŋ adi, Kipundye nan.

²⁸ a nye ŋine ki, a kölökiŋdye ŋo liŋ, a kepoddi Yesu.

²⁹ A kirut Lewi konakiŋdye lepeŋ nyeŋ duma kanyit kadi, a ŋutu jore logon a kapepenak ti usur se ko kulye ŋutu si ’dani i nyesu ko lepeŋat.

³⁰ a kulye Parusijin se ko katodinök kase ti Saresi ti Mose gwe i wiwinya ko ŋutu ti Yesu kajujumuk kulo, adi, Ko nyo ta nyesu ko möju i pirit na geleŋ ko kapepenak ti usur se ko katoronyak?

³¹ A Yesu waddi se adi, Ŋutu logon mugunya kase a na ’but ti ’dekan katoruönit, ama ŋutu lo gilö lo ’dekan katoruönit;

³² nan a ko po i luŋgu na ŋutu logon ko löti lo rigwo, ama i luŋgu na katoronyak anyen löpuggö töilyet.

Yesu a piya i kulya ti miŋdya

³³ A kulye ŋutu kulyani ko Yesu adi, Ŋutu ti Yoane kajujumuk mimiŋdya daŋin jore ko kokoŋdya kwakwasesi, a kajujumuk ti Parusijin köti koŋdi sona, ama kajujumuk kulök kulo nyenyesu ko mömöju.

³⁴ A Yesu waddi pija lepeŋat adi, Ta ŋona bubulö tiŋdu julin ti kayemanit i miŋdya i diŋit nagon kayemanit gwon ko lepeŋat i pirit na geleŋ nu le?

³⁵ Ama diŋit mo popo nagon kayemanit mo joŋari kaŋo kase kiden, a kirut i ŋilu lor a lepeŋat mo miŋdye miŋdya.

³⁶ a nye köti jamakiŋdye se lele lilim adi, Ŋuto ’bayin logon kerenyuŋdya tupet i boŋgo ludukötyo anyen ripakin i boŋgo na ’beron; a ko nye a koŋdya sona kweja adi nye a kereŋdya boŋgo ludukötyo na, ko köti tupet na boŋgo ludukötyo na mo tine mora ko na ’beron na.

³⁷ Lele ŋuto ’bayin logon turakiŋdya binyo ludukö na yuyu i jurakan logon a gobero ŋoroko; ko nye a koŋdya sona, a jurakan gobero mo pu ’döni pu ’dö adi tu, a binyo mo ’buköjine kak a jurakan köti mo kakaŋi kakaŋu.

³⁸ Ama binyo ludukö ködyö turaki i jurakan ludukö.

³⁹ Ŋuto lele ’bayin logon ko a möju binyo na pötwör, a yöŋöni ludukö, kogwon lepeŋ kulya adi, Binyo na pötwör nagon a na ’but.