Luka 24 - Bibilia Buk na Ŋun nagon koti luŋu a

Yesu a ŋien i twan

¹ Ama i lor lo Sabata lo Yudayaki i kotumalu nanyit i baŋun na kak, a ŋutu wate dikara i gulom, joŋga welesi na mon ’bura nagon se aje teten kune.

² A se ryeji ŋurupit aje gwuluŋöji kaŋo i gulöm,

³ ama na lupöri se lukata nu, a se gwe a ko ryo öpu na MATAT Yesu.

⁴ A na dyadya ’yi se ko kine kulya nu, a ŋutu murek logon a jupu boŋgwat namilyaŋak kulo, puköki ko lepeŋat.

⁵ A ŋutu wate kune rigwököni rigwökö, a durwene durwe, ama a ŋutu kulo pije lepeŋat adi, Nyo ta ga ’yu nye lo gwon jörun lo i kiden na lo twatwa?

⁶ Lepeŋ ’bayin ni; nye aje ŋien. Yeyene ta kulya nagon lepeŋ a tukökin ta kine na gwoŋdi lepeŋ Galilaya nu,

⁷ adi, Ŋuro lo ŋuto kodyö titiki ko ŋutu katoronyak i könisi, a ’bikikine i ködini na goro, a i perok musala a nye ŋine ŋien i twan.

⁸ A se iŋge yeyeoro kulyaesi kanyit.

⁹ a nagon se aje yitwe i gulöm nu, a se tukökiŋdye kune ŋo liŋ i ŋutu kajujumuk puök wot geleŋ, ko i kulye ŋutu liŋ.

¹⁰ Nyena a ŋutu wate na tukökiŋdyö luyökie kine ŋo liŋ kune gwe a ko Maria na po Magadala, ko Yöana, ko Maria ŋote Yakobo; a kunie wate na gwon ko se i pirit na geleŋ kune iŋge tuggö sona.

¹¹ Ama a ŋo na tuk lepeŋat kune metani kase a ŋo kana a se tine yuŋ lepeŋat kwöŋ.

¹² Ama a Petero ŋine ki a woki i gulöm, a nye dulajine kak, a ku ’di ’e lukata, a meddi boŋgwat ka ’delekon, a nye yitöni mede, sösöŋu ko ŋo nagon aje pokin kune.

Tu na kajujumuk murek Emau

¹³ A i ŋilu lor gwak, a kulye kajujumuk murek iti i tur lo luŋu a Emau, logon suluja Yerusalema tojo kata gwoso mailijin buker,

¹⁴ a se gwe i jamaddu ko i tokulyakin ko ’börik i kulya ti ŋo liŋ nagon aje pokin kune.

¹⁵ A na jamaddi se ko na kulyajine se nu, a Yesu lepeŋ miju nyona a moraddi ko lepeŋat;

¹⁶ ama a konyen kase iŋge muko an se gwulu lepeŋ.

¹⁷ A nye pije lepeŋat adi, Ta jamaddu kulya ti nyo na tiri ta na? A se gwo ’de gwo ’dan a komorsikan kase metani ko delya.

¹⁸ a lele lose karin kanyit a Keleopa, pije lepeŋ adi, Do geleŋ i ŋutu, lo mömönuŋdyo Yerusalema yu kulu logon a ko den ŋo na pokin i kilo perok le?

¹⁹ A nye pije lepeŋat adi, Ŋo a nyo nagon a pokin? A se waddi lepeŋ adi, Ŋo nagon a pokin makune: Yesu lo Najareta logon koju a nebi, a gwe ko riŋit i konesi ko i kulyaesi ko Ŋun i komor se ko i ŋutu liŋ,

²⁰ koanejin kaŋ temejik se ko ŋutu kaŋ kaliliyak lokukwon a wukin lepeŋ i ’duŋöki i tatua, a tiŋdi lepeŋ i ’bikiki i ködini na görö.

²¹ Ama yi köju a yeŋdu adi lepeŋ ködyö lo ko lwökuŋdyö Yisaraele. Köti wat kine ŋo liŋ lo gwe a lor tomusala lo kine kulya nagon a pokin kine.

²² A kunie ŋutu na gwon kayaŋ i teŋ iŋge tusör yi. Kine ŋutu a dikara i gulöm,

²³ ama a se tine ryö öpu nanyit, a se yitwene yitwe a kulyani adi, se aje meddya malaikajin i pukökin kase, logon tukökiŋdyö se adi, lepeŋ jörun.

²⁴ A kulye kaŋ köti iŋge tu i gulom, a ryeji gwoso nagon ŋutu wate aje kulyari na, ama se a ko met lepeŋ kwöŋ.

²⁵ a nye kulyani ko lepeŋat adi, Ta ŋutu lu ’böŋ logon ti yubbö ’de ’de i toilyet ŋo liŋ nagon nebijin koju a jam kune!

²⁶ Ti gwon sona le adi, Masia ködyö ŋoŋoŋga kine kulya anyen lupö i pirit na minyo lonyit le?

²⁷ Nyena a nye poki i tokurukiŋdyö na se kulya ti Ŋun liŋ na wurö i kulya kanyit, suluja i ŋo na wur Mose se ko nebijin liŋ.

²⁸ A nagon se gwe nyona ko ’dur i tur logon se tu kata lu, a nye koŋdi mugun gwoso logon yeŋga ŋerot.

²⁹ Ama a se goji lepeŋ adi, Mönuŋdye kayaŋ ni kogwon kak gwe nyona ko sömukö, tuparan aje ’baka. Nyena a nye luponi kadi a mönuŋdye ko lepeŋat yu.

³⁰ A nagon nye aje si ’daki kak ko se i pirit na geleŋ i nyesu nu, a nye ’dumuŋdye ambata, a ’boroji ’boroja, a pipiŋdye pipiŋdya, a tiŋdi lepeŋat.

³¹ A konyen kase ŋaji ŋaju, a se iŋge gwulu lepeŋ; a kirut lepeŋ lo liki kase i konyen.

³² a se totopine ko ’börik adi, Töilyet kaŋ a kolam le na jambi nye koyi i kiko ko i nyönyökökiŋdyö na yi kulya ti Ŋun na wurö kune nu?

³³ a se ŋine ki i ŋinu diŋit gwak a yitöni Yerusalema; a se ryeji kajujumuk puök wot geleŋ a momora, se ko ŋutu lo gwon ko lepeŋat kulo,

³⁴ a se gwe i jambu adi, MATAT ’diri aje ŋien, ko aje pukökin ko Simona!

³⁵ a lepeŋat nyönyöggi ŋo nagon a pukun i kiko, köti ko se gwulu lepeŋ ada na pipiŋdye lepeŋ ambata nu.

Yesu a pukökin ko ŋutu kanyit kajujumuk

³⁶ A na nyönyöggi kajujumuk murek kine ŋo nu, a Yesu lepeŋ gwo ’de kase kiden, a kulyani ko se adi, Ti taliŋ gwe ko ta!

³⁷ Ama a se iŋge rigwöko a kujönöni kujönö, yeyeju adi se a meddya ködudwö na ŋuto logon a twan.

³⁸ A nye pije se adi, Nyo ta böböŋdu? Nyo ta dyadya ’yu i töilyet?

³⁹ Gwulu ’yi ta könisi kwe ko mokosi kwe, ŋo lo a nan lepeŋ. ’Bole ta ’bo nan ko gwulu ’yi ta. Ködudwö ’bak lokore ko kuyu gwoso na meddi ta adi nan gwon ko se na.

⁴⁰ a nagon nye aje kulya sona nu, a nye kwekiŋdye lepeŋat könisi kanyit se ko mokosi kanyit.

⁴¹ A lepeŋat kölumbö nyuŋ ryoni a nago i yubbo adi lepeŋ a nye, kogwon se lyölyöŋön parik, a soŋi soŋu, a kirut lepeŋ pije se adi, Ta gwon ko ŋo lo nyenyei ni?

⁴² A se tiŋdi lepeŋ tupet na sumuti nagon aje pelo.

⁴³ a nye ’dumuŋdye ’dumuŋdya a nyesi nye kase i komor.

⁴⁴ A nye kulyani ko se adi, Nan koju a takin ta na gwoŋdi nan ko ta nu, adi, ŋo liŋ nagon aje wurö i Saresi ti Mose, ko i ŋo na wur nebijin ko i Saumajin kune agu ködyö kokona, nyena ŋo na kulyari nan ko ta köju kune sekune.

⁴⁵ A kirut nye tuŋauŋdye yeyeesi kase anyen kukurun kulya ti Ŋun nagon a wuro kune;

⁴⁶ a nye kulyani ko se adi, A wuro sona adi, Masia agu ködyö ŋoŋoŋga, a ŋine ŋien i twan i perok musala,

⁴⁷ anyen ŋutu ködyo tokuoddu i karin kanyit i jurön liŋ suluja Yerusalema adi, ti ŋutu liŋ löpuŋge toilyet anyen toronjin kase pipitoki.

⁴⁸ ja a met kine kulya liŋ, ta lo tokoŋ se.

⁴⁹ Nyenagon mete ta, nan de susunyukin ta ŋo nagon Baba a ruk tiŋdu na; ama ta ködyö möŋdu köji kata tojo ko ta a töjupu ko riŋit na po ki.

Yesu a ’depaji ki

⁵⁰ A Yesu nyömöddi lepeŋat nyona ko Betania, a nye ’doggi könisi kanyit ki a ’boroji se.

⁵¹ A nagon nye nyuŋ ’bo ’boroja lepeŋat nu, a nye kö ’yi na lepeŋ, a se yitöni Yerusalema ko lepeŋat a ’depajine ki yu.

⁵² a se dulalyoŋön a duma;

⁵³ a se joŋgi diŋit nasekiŋdye komorsikan kase kak i twoju liŋ i Kadi na Ŋun i pupurja na Ŋun.