Luka 12 - Bibilia Buk na Ŋun nagon koti luŋu a

Yesu a kunyaŋu i kulya ti mumulugga

¹ Nyenagon i ŋinu diŋit na momoruŋdye ŋutu aliŋan jorenu, a se gwe i toryok ko ’borik, a Yesu suluje kulya a kokwe ko ŋutu kanyit kajujumuk kulo adi, Kunyar ta kape ti Parusijin, kweja adi mumulugga nase.

² Kogwon nene ŋo ’bayin na mukö nagon mo ti kweya, a nene ŋo gwe ’bayin na ’dela nagon mo ti dena;

³ nyenagon kulya na jam ta i mudwe kine mo yiyiŋa i parara, köti ŋo na mor ta i kadijik lukata i toŋkwetan kune mo lalaiya i loteko ti kadijik.

Ko ta ködyö kujönö na

⁴ Ta logon a julin kwe, nan takiŋdya ta adi, An ta ko ktijönö ta ŋutu logon tatuja kune mugunya, ama i mukök a tine bulö koŋdya nene ŋo köti.

⁵ Nan de kwekwekin ta ko ta ködyö kujönö ŋa: kujono ni ta Ŋun logon i mukok na tatuja a gwe ko riŋit i gubaddu na lepeŋ i Geena. Iŋkoi, nan takiŋdya ta adi, kujono ni ta lepeŋ.

⁶ Liliitan muka nat ti gworo ko milin murek le? Ama nene nase ti boŋorikin ko Ŋun i komor.

⁷ Ma ’di kupir kasu ti kusik liŋ aje kena. Kokujono ta; ta gwon ko ’bulit lwölwöŋ liliitan jore.

Ŋuto logon ruggo adi nye a lo Kristo kode renya adi nye ’bayin a lo Kristo

⁸ Nan takiŋdya ta adi, ŋutu liŋ geleŋ geleŋ logon ruggo nan ko ŋutu i komor kulo, nan Ŋuro lo ŋuto köti mo ruruk lepeŋat ko malaikajin ti Ŋun i komor.

⁹ Ko ŋa lo renya nan ko ŋutu i komor, lepeŋ koti mo rerenyarikin ko malaikajin ti Ŋun i komor.

¹⁰ Ŋutu liŋ logon jambu kulya kwe ti Ŋuro lo ŋuto arabat kilo mo pipitoki, ama ŋuto logon lauŋdya Mulökötyo Loke lo mo ti pitöki kwoŋ.

¹¹ A ko ŋutu a joŋga ta i putet i kadijik momoresi, kode i komor na modirön ko na kimak, ko wiwinya ta adi ta de waddu ada, kode adi ta mo kulya ada,

¹² kogwon Mulökötyo Loke mo totodinikin ta ŋo nagon ta kodyo jajam i ŋinu diŋit gwak.

Lilim lo kwörinit lu ’böŋ

¹³ A lele ŋuto i kiden na lodir lo ŋutu kulyani ko Yesu adi, Katodinonit, taki luŋaser liŋ anyen korakiŋdya nan tito logon baba a kölokin kulo na twaji nye nu.

¹⁴ A nye waddi adi, Do ŋilo ŋuto, ŋa lo ’burukiŋdya nan kasu ŋerot a ka ’duŋonit kode a kakoranit?

¹⁵ A kirut lepeŋ kulyani ko ŋutu kulo adi, Kunyar ta, ko teŋgi ta ’borik i goma na ŋo liŋ, kogwon ru na ŋuto ti gwon i tojore na toro ’bo kanyit.

¹⁶ a nye jamakiŋdye se lele lilim adi, Lele kworinit kata logon melesen nanyit a radan kinyojin jore.

¹⁷ A nye yeyeji ko mugun adi, Nan koŋdya nyo, kogwon nan ’bak pirit ’delet na kinyojin kwe?

¹⁸ A nye kulyani adi, Nan de koŋdya sona: nan de duduk gugwo kwe kak a mo teteŋdi logon a dumalak, a nan mo ’de ’yi ’bolot kwe se ko tito kwe kata;

¹⁹ a nan mo kulyani ko mugun adi, Nan gwon ko ŋo jore na ’dela a ti kiŋajin jore. Ti nan yuke yukan, ti nan nyesi, ko ti moji, ko ti nan tulyoŋgi mugun.

²⁰ Ama a Ŋun kulyani ko lepeŋ adi, Do ŋuto lu ’böŋ, i lo tukwaje kodudwö inot de lulu ŋun kaŋo konut. A ŋo nagon do a tetenakin kine mo gwe a ti ŋa?

²¹ Nyena ŋuto logon a ’delakiŋdya mugun tukwörien lo a gwe a ko ’de ’ya tukwörien nanyit ko Ŋun, kulya kanyit mo gwon gwoso ti ŋilo ŋuto.

Yinikiŋdye ta ’börik ko Ŋun i könin

²² A Yesu kulyani ko ŋutu kanyit kajujumuk adi, Nyena ko ŋina kwe nan takiŋdya ta adi, Ko wiwinya ta i kulya ti kinyo logon tiŋdu ta i gwon jorun, ko ta nyesu nyo, kode i kulya ti boŋgwat nagon ta jupukin kasu i mugunya.

²³ Kogwon ru na ŋutu lwölwoŋ kinyo, koti mugunya lwölwoŋ boŋgwat.

²⁴ Yeyene ta korukan: se ti weja a tine ŋepa; se ’bak kadijik ’delesi kode gugwo; ama Ŋun lo tunyeju se. Ta ko ’bulit a duma bia parik lwolwoŋ kwen!

²⁵ Lon ŋuto losu logon wiwinyesi kanyit bubulo julakiŋdya lokiliŋ geleŋ i ru nanyit le?

²⁶ Nyena ko ta ti bulo koŋdya ma ’di ŋo na ’dit parik, a ko nyo nagon ta wiwinya i kulya ti kunie ŋo?

²⁷ Yeyene ta koturön ti mu ’diŋ ko se ’duruŋdyö ada; se ti kita kode wiwijö waratat, ama nan takiŋdya ta adi ma ’di Solomona ko minyo lonyit liŋ a ko jupu kwekwelen gwoso nene na kine koturön.

²⁸ Nyena ko Ŋun tojubbu döru lo mu ’diŋ sona logon a lodon i lo lor lo a kotumalu namarikin kimaŋ, bia parik a nye mo tojubbi ta, ta ŋutu logon ko yupet a na ’dit kilo!

²⁹ An ta ko ga ’yu ta ŋo nagon ta nyonyö, kode ŋo nagon ta mamat; an ta wiwinya i toilyet.

³⁰ Kogwon jurön liŋ ti kak gaga ’yu kine ŋo; ama Monye losu deden adi ta ’de ’dekan kine ŋo.

³¹ Kölumbö ga ’yi ta ga ’yu anyen lepeŋ lo tumatyan ko ta, a kirut kine ŋo mo ’yalakine ta.

³² Ta teŋ na ’dit na yidin, ko kujonö ta, kogwon Monye losu lyölyöŋön i tiŋdu na ta na Tumatyan.

³³ Tugwoŋi ta ŋo kasu, ko ’doggi ta ’doggi. Tetenakiŋdye ta ’borik likitiet ti gurut logon ti koŋu, kweja adi a tukworien na ki nagon ti ’baka, i pirit nagon kolanit ti yeŋga kata kode kökora i nyesu nu.

³⁴ Kogwon i pirit na gwoŋdi tukworien inot kata nu, a töili ilot koti gwe nyu.

Katiyuk lo tiju ko konyen ga

³⁵ Kukunaki ta ’borik ajo ko ti lombojin kasu tulene tule,

³⁶ gwe ta gwoso ŋutu logon mömöŋdu yitwe na duma lose i budu yeme, anyen ko nye a ’dur a totoggi kötumit, a se paki pakin lepeŋ ’de ’de.

³⁷ Kulo koliŋönök a kalyoŋok logon duma lose ryö gwon i tiju na pöri nye nu; ’diri nan kulya ko ta adi nye mo kukunakiŋdya mugun ajo a mo tosi ’daji lepeŋat i nyesu, a nye mo poŋdi po i yekakiŋdya na lepeŋat.

³⁸ A ko nye mo ’dur kode i ŋerot na tukwaje kiden kode i ŋerot na baŋun na kak a ko ryeni lepeŋat i tiju, kilo koliŋönok a kalyoŋok!

³⁹ Ta deden ’bura adi ko monye kadi kodyo a den saa nagon kolanit popori na nye ködyö tine kolokin kadi nanyit i turoji lukata.

⁴⁰ Ta köti ködyo gwon ajo, kogwon nan ŋuro lo ŋuto mo popo i diŋit nagon ta a ko yeŋdi nan nu.

⁴¹ A Petero pije Yesu adi, MATAT, ŋilo lilim do jamakin yi kode i ŋutu liŋ?

⁴² A MATAT waddi adi, Taki nan, köliŋönit lo yiyiniki i kita ko a lokoŋ a ŋa, logon duma lonyit a sarakiŋdya i meddya na mede nanyit, i korakiŋdya na kulye köliŋönök kinyo i diŋitan na ’but?

⁴³ Koliŋonit gwoso ŋilo a kalyöŋi logon ko duma lonyit a ’dur a ko ryeji nye i koŋdya na kita nanyit.

⁴⁴ ’Diri nan takiŋdya ta adi, nye mo sarakiŋdya lepeŋ i meddya na ŋo kanyit liŋ.

⁴⁵ Ama ko ŋilo koliŋonit a kulya kanyit i toili adi, Duma liŋ a karakin diŋit a najo, a nye suluje ’biddyo köliŋönök lyan se ko wate, a nyesi nyesu, a möji möju, a mere meran,

⁴⁶ a duma lo ŋilo köliŋönit mo ’dure i lor logon nye a ko yinikin lu ko i diŋit nagon nye a ko denun, a mo totoggi lepeŋ ka ’de ka ’de, a mo tiŋdi lepeŋ i parundya na pirit na ŋutu logon ti yiniki.

⁴⁷ Koliŋonit logon a den ’deket na duma lonyit lo ama a tine teteŋdya ajo, a gwe a ko koŋdya gwoso na ’deggi duma lonyit nu, nye mo ’bi ’bitö kurubasi jore;

⁴⁸ ama nye logon a ko den ’deket na duma lonyit lo a iŋge koŋdya ŋo nagon jujukin ’bitorikin lepeŋ, a nye mo ’bitökine ku ’dik. Ŋutu liŋ logon a tiki jore kulo a ŋo jore mo ’dekarikin ’dekarikin kase; nye logon a wuki jore lo a ŋo jore mo piyarikin lepeŋ.

Koŋa po ko kulya ti Yesu

⁴⁹ Nan a po i mokakiŋdya na kimaŋ i na kak, a ko ködyö lepeŋ aje tule!

⁵⁰ Nan gwon ko batisimo nagon nan ködyö babatisari na, nan a ri ’diki ada tojo ko nye a temakiŋdya!

⁵¹ Ta ŋona yeyeju adi nan a po i joŋdya na taliŋ i na kak le? Nan takiŋdya ta adi, ’Bayin, ama kölumbö nan a po i joŋdya na koret!

⁵² Kogwon suluja soŋinana ŋutu mukanat kase midi mo kökora, ŋo naron koŋa ŋutu musala ko ŋutu murek, a koŋi ŋutu murek ko ŋutu musala;

⁵³ a monye mo korani ko ŋuro lonyit, a ŋuro mo korani ko monye; a ŋote mo korani ko ŋuro nanyit, a ŋuro mo korani ko ŋote nanyit; a moken mo korani ko nakwan na tore, a nakwan na tore mo korani ko moken.

Deŋdya na diŋitan

⁵⁴ A Yesu köti kulyani ko lodir lo ŋutu adi, Ko ta meddya ’diko ŋiun i swöt lo tokotyaŋ ’de ’de a ta kulyani adi, Kudu de ’do ’don, a nye ’done ’don.

⁵⁵ A na meddi ta köbuŋöt lo swöt lo loki i wukuŋdyö nu, a ta kulyani adi, Kolor de sasa ’yu, a nye sa ’yi sa ’yu.

⁵⁶ Ta kamumulukak, ta deden gwulu ’yu kak ko ’diko; a kirut nyo a ta tine den wulu ’yu na diŋit na soŋinana na?

Morani ta mora ko miriku ilot

⁵⁷ Nyo ta ko ’borik ti bulö lilija ŋo nagon a na ’but?

⁵⁸ A na tiri do i pirit na geleŋ ko miriku ilot nu, i kiko mori parik i teteŋdya na kulya kasu ko lepeŋ, an nye ködyö ko jikörö do ko ka ’duŋonit lo kulya i komor, a ka ’duŋönit ŋutukiŋdye do ko duma lo kadi rereket i könin, a duma lo kadi rereket mo gubaddi do i rereka.

⁵⁹ Nan takiŋdya do adi, do mo ti kolwe kwoŋ tojo ko do a roŋ milinte na ’dutet.