Kenet 7 - Bibilia Buk na Ŋun nagon koti luŋu a

’Dokesi ’boriesi ti pirit ’yuret na rubaŋgajin

¹ A ko gwe sona i ŋilu lor lo tutuŋge Mose i ’bikikiŋdyö na kemia ki, nagoŋ nye aje we ’ya lepeŋ ko aje geluŋdya lepeŋ se ko ŋo kanyit liŋ a nake na rurwan, a nye iŋge we ’ya ko a geluŋdya pirit ’yuret na rubaŋgajin se ko tito kanyit liŋ a nake na rurwan nu,

² nyena a kimak ti Yisaraele, logon a kusik ti kötumitön ti merenyejin kase, kweja adi kimak ti kötumitön kulu, logon a temejik ti se logon a kena kulo lo ’dogga,

³ a se joŋdi ’dokesi kase ko MATAT i komor. Kine ’dokesi a arabiajin lo jijikö logon a mukö, se ko dwönin puök wot murek. A arabia geleŋ gwe a lo kimak murek, geleŋ a lo kimak murek, a dwöt geleŋ gwe a lo matat geleŋ, dwöt geleŋ a lo matat geleŋ; a se wukiŋdye lepeŋat i komor na kemia.

⁴ A MATAT jambi ko Mose adi,

⁵ Wuji kilo ŋo ko lepeŋat i könisi, anyen se bögö kikitarikin i koŋdya na kita na kemia torumet, ko tiki Lewijin lepeŋat, kweja adi tiki ŋutu liŋ geleŋ geleŋ gwoso i kita nase.

⁶ A Mose wuji kilo arabiajin lo jijikö se ko dwönin, a nye tiŋdi Lewijin se.

⁷ A nye tiŋdi nyakwariat ti Gereson arabiajin murek ko dwönin igwan, gwoso i kita nase;

⁸ a nye tiŋdi nyakwariat ti Merari arabiajin iŋwan ko dwönin budök, gwoso i kita nase. Itamar ŋuro lo koane Arona lo meddya se.

⁹ Ama a nye gwe a ko tiŋdu nyakwariat ti Kowat, kogwon lepeŋat a katiyuk ti ŋo nake na rurwan nagoŋ ’doko i geliya kune.

¹⁰ A kimak ’doggi ’dogga ko ’dokesi ’boriesi ti nu pirit ’yuret na rubaŋgajin i ŋilu lor lo welaki ’e nye lu; a kimak wukiŋdye ’dokesi kase i komor na pirit ’yuret na rubaŋgajin.

¹¹ A MATAT jambi ko Mose adi, Ti matat geleŋ wukiŋdye ’dokesi kanyit ’boriesi a ti nu pirit ’yuret na rubaŋgajin ko lor lonyit, matat geleŋ ko lor lonyit.

¹² Aŋuto lo wukiŋdya ’doket nanyit i lor lo kokwe lu gwe a Nasona ŋuro lo Aminadaba, lo kötumit na Yuda;

¹³ a ’doket nanyit gwe a saani geleŋ nagoŋ a pödö, nagoŋ temuŋdya a sekelejin mia geleŋ ko merya musala, ko kalaba geleŋ nagoŋ a pödö nagoŋ temuŋdya a sekelejin merya buryo, gwoso i temet na sekele na pirit nake na rurwan; a se murek liŋ iŋge jore ko ’bolot na jiö a naliliŋök nagoŋ a ŋola ko welet a ’doket na ’bolot;

¹⁴ ko köti ’yulukut geleŋ nagoŋ a dakap nagoŋ temuŋdya a sekelejin puök, a jore ko bökur;

¹⁵ ko dwöt geleŋ lo ’dit, ko lopijot geleŋ, ko kilolor mönik geleŋ logon ko kiŋa geleŋ, a ti rubaŋga lo ’yu ’yura ’buluŋ;

¹⁶ ko meetyo mönik geleŋ a lo rubaŋga lo toron;

¹⁷ ko dwönin murek, ko lopijoki mukanat, ko melon mönikön mukanat, ko yisi mönikön mukanat logon ko kiŋa geleŋ anyen ’duŋö a rubaŋgajin ti taliŋ. Sekine ’dokesi na wukin Nasona ŋuro lo Aminadaba kune.

¹⁸ A i lor tomurek lonyit a Netanele ŋuro lo Suar, matat lo Yisakar ’doggi ’dogga:

¹⁹ a nye wukiŋdye ’doket nanyit nagoŋ a saani geleŋ nagoŋ a pödö, nagoŋ temuŋdya a sekelejin mia geleŋ ko merya musala, ko kalaba geleŋ nagoŋ a pödö, nagoŋ temuŋdya a sekelejin merya buryo, gwoso i temet na sekele na pirit nake na rurwan; a se murek liŋ iŋge jore ko ’bolot na jiö a naliliŋök nagoŋ a ŋola ko welet a ’doket na ’bolot;

²⁰ ko köti ’yulukut geleŋ nagoŋ a dakap nagoŋ temuŋdya a sekelejin puök, a jore ko bökur;

²¹ ko dwöt geleŋ lo ’dit, ko lopijot geleŋ, ko kilolor mönik geleŋ logon ko kiŋa geleŋ, a ti rubaŋga lo ’yu ’yura ’buluŋ;

²² ko meetyo mönik geleŋ a lo rubaŋga lo toron;

²³ ko dwönin murek, ko lopijoki mukanat, ko melon mönikön mukanat, ko yisi mönikön mukanat logon ko kiŋa geleŋ anyen ’duŋö a rubaŋgajin ti taliŋ. Sekine ’dokesi na wukin Netanele ŋuro lo Suar kune.

²⁴ A i lor tomusala lonyit a Eliaba ŋuro lo Kelon, matat lo ŋutu ti Jebulun ’doggi ’dogga;

²⁵ a nye wukiŋdye ’doket nanyit nagoŋ a saani geleŋ nagoŋ a pödö, nagoŋ temuŋdya a sekelejin mia geleŋ ko merya musala, ko kalaba geleŋ nagoŋ a pödö, nagoŋ temuŋdya a sekelejin merya buryo, gwoso i temet na sekele na pirit nake na rurwan; a se murek liŋ iŋge jore ko ’bolot na jiö a naliliŋök nagoŋ a ŋola ko welet a ’doket na ’bolot;

²⁶ ko köti ’yulukut geleŋ nagoŋ a dakap nagoŋ temuŋdya a sekelejin puök, a jore ko bökur;

²⁷ dwöt geleŋ lo ’dit, ko lopijot geleŋ, ko kilolor mönik geleŋ logon ko kiŋa geleŋ, a ti rubaŋga lo ’yu ’yura ’buluŋ;

²⁸ ko meetyo mönik geleŋ a lo rubaŋga lo toron;

²⁹ ko dwönin murek, ko lopijoki mukanat, ko melon mönikön mukanat, ko yisi mönikön mukanat logon ko kiŋa geleŋ anyen ’duŋö a rubaŋgajin ti taliŋ. Sekine ’dokesi na wukin Eliaba ŋuro lo Kelon kune.

³⁰ A i lor toiŋwan lonyit a Elisur ŋuro lo Sedeyur, matat lo ŋutu ti Rubena ’doggi ’dogga;

³¹ a nye wukiŋdye ’doket nanyit nagoŋ a saani geleŋ nagoŋ a pödö, nagoŋ temuŋdya a sekelejin mia geleŋ ko merya musala, ko kalaba geleŋ nagoŋ a pödö, nagoŋ temuŋdya a sekelejin merya buryo, gwoso i temet na sekele na pirit nake na rurwan; a se murek liŋ iŋge jore ko ’bolot na jiö a naliliŋök nagoŋ a ŋola ko welet a ’doket na ’bolot;

³² ko köti ’yulukut geleŋ nagoŋ a dakap nagoŋ temuŋdya a sekelejin puök, a jore ko bökur;

³³ ko dwöt geleŋ lo ’dit, ko lopijot geleŋ, ko kilolor mönik geleŋ logon ko kiŋa geleŋ, a ti rubaŋga lo ’yu ’yura ’buluŋ;

³⁴ ko meetyo mönik geleŋ a lo rubaŋga lo toron;

³⁵ ko dwönin murek, ko lopijoki mukanat, ko melon mönikön mukanat, ko yisi mönikön mukanat logon ko kiŋa geleŋ anyen ’duŋö a rubaŋgajin ti taliŋ. Sekine ’dokesi na wukin Elisur ŋuro lo Sedeyur kune.

³⁶ A i lor tomukanat lonyit a Salumiele ŋuro lo Surisadai, matat lo ŋutu ti Simeona ’doggi ’dogga;

³⁷ a nye wukiŋdye ’doket nanyit nagoŋ a saani geleŋ nagoŋ a pödö, nagoŋ temuŋdya a sekelejin mia geleŋ ko merya musala, ko kalaba geleŋ nagoŋ a pödö, nagoŋ temuŋdya a sekelejin merya buryo, gwoso i temet na sekele na pirit nake na rurwan; a se murek liŋ iŋge jore ko ’bolot na jiö a naliliŋök nagoŋ a ŋola ko welet a ’doket na ’bolot;

³⁸ ko köti ’yulukut geleŋ nagoŋ a dakap nagoŋ temuŋdya a sekelejin puök, a jore ko bökur;

³⁹ ko dwöt geleŋ lo ’dit, ko lopijot geleŋ, ko kilolor mönik geleŋ logon ko kiŋa geleŋ, a ti rubaŋga lo ’yu ’yura ’buluŋ;

⁴⁰ ko meetyo mönik geleŋ a lo rubaŋga lo toron;

⁴¹ ko dwönin murek, ko lopijoki mukanat, ko melon mönikön mukanat, ko yisi mönikön mukanat logon ko kiŋa geleŋ anyen ’duŋö a rubaŋgajin ti taliŋ. Sekine ’dokesi na wukin Salumiele ŋuro lo Surisadai kune.

⁴² A i lor tobuker lonyit a Eleyasap ŋuro lo Ruele, matat lo ŋutu ti Gada ’doggi ’dogga;

⁴³ a nye wukiŋdye ’doket nanyit nagoŋ a saani geleŋ nagoŋ a pödö, nagoŋ temuŋdya a sekelejin mia geleŋ ko merya musala, ko kalaba geleŋ nagoŋ a pödö, nagoŋ temuŋdya a sekelejin merya buryo, gwoso i temet na sekele na pirit nake na rurwan; a se murek liŋ iŋge Jore ko ’bolot na jiö a naliliŋök nagoŋ a ŋola ko welet a ’doket na ’bolot;

⁴⁴ ko köti ’yulukut geleŋ nagoŋ a dakap nagoŋ temuŋdya a sekelejin puök, a jore ko bökur;

⁴⁵ ko dwöt geleŋ lo ’dit, ko lopijot geleŋ, ko kilolor mönik geleŋ logon ko kiŋa geleŋ, a ti rubaŋga lo ’yu ’yura ’buluŋ;

⁴⁶ ko meetyo geleŋ a lo rubaŋga lo toron;

⁴⁷ ko dwönin murek, ko lopijoki mukanat, ko melon mönikön mukanat, ko yisi mönikön mukanat logon ko kiŋa geleŋ anyen ’duŋö a rubaŋgajin ti taliŋ. Sekine ’dokesi na wukin Eleyasap ŋuro lo Ruele kune.

⁴⁸ A i lor toburyo lonyit a Elisama ŋuro lo Amiuda, matat lo nutu ti Epuraima ’doggi ’dogga;

⁴⁹ a nye wukiŋdye ’doket nanyit nagoŋ a saani geleŋ nagoŋ a pödö, nagoŋ temuŋdya a sekelejin mia geleŋ ko merya musala, ko kalaba geleŋ nagoŋ a pödö, nagoŋ temuŋdya a sekelejin merya buryo, gwoso i temet na sekele na pirit nake na rurwan, a se murek liŋ iŋge jore ko ’bolot na jiö a naliliŋök nagoŋ a ŋola ko welet a ’doket na ’bolot;

⁵⁰ ko köti ’yulukut geleŋ nagoŋ a dakap, nagoŋ temuŋdya a sekelejin puök, a jore ko bökur;

⁵¹ ko dwöt geleŋ lo ’dit, ko lopijot geleŋ, ko kilolor mönik geleŋ logon ko kiŋa geleŋ, a ti rubaŋga lo ’yu ’yura ’buluŋ;

⁵² ko meetyo mönik geleŋ a lo rubaŋga lo toron;

⁵³ ko öwönin murek, ko lopijoki mukanat, ko melon mönikön mukanat, ko yisi mönikön mukanat logon ko kiŋa geleŋ anyen ’duŋö a rubaŋgajin ti taliŋ Sekine ’dokesi na wukin Elisama ŋuro lo Amiuda kune.

⁵⁴ A i lor tobudök lonyit a Gamaliele ŋuro lo Pedasur, matat lo ŋutu ti Manase ’doggi ’dogga;

⁵⁵ a nye wukiŋdye ’doket nanyit nagoŋ a saani geleŋ nagoŋ a pödö, nagoŋ temuŋdya a sekelejin mia geleŋ ko merya musala, ko kalaba geleŋ nagoŋ a pödö, nagoŋ temuŋdya a sekelejin merya buryo, gwoso i temet na sekele na pirit nake na rurwan; a se murek liŋ iŋge jore ko ’bolot na jiö a naliliŋök nagoŋ a ŋola ko welet a ’doket na ’bolot;

⁵⁶ ko köti ’yulukut geleŋ nagoŋ a dakap, nagoŋ temuŋdya a sekelejin puök, a jore ko bökur;

⁵⁷ ko dwöt geleŋ lo ’dit, ko lopijot geleŋ, ko kilolor mönik geleŋ logon ko kiŋa geleŋ, a ti rubaŋga lo ’yu ’yura ’buluŋ;

⁵⁸ ko meetyo mönik geleŋ a lo rubaŋga lo toron;

⁵⁹ ko öwönin murek, ko lopijoki mukanat, ko melon mönikön mukanat, ko yisi mönikön mukanat logon ko kiŋa geleŋ anyen ’duöd a rubaŋgajin ti taliŋ Sekine ’dokesi na wukin Gamaliele ŋuro lo Pedasur kune.

⁶⁰ A i lor tobuŋwan lonyit a Abidan ŋuro lo Gideoni, matat lo ŋutu ti Benyamina ’doggi ’dogga;

⁶¹ a nye wukiŋdye ’doket nanyit nagoŋ a saani geleŋ nagoŋ a pödö, nagoŋ temuŋdya a sekelejin mia geleŋ ko merya musala, ko kalaba geleŋ nagoŋ a pödö, nagoŋ temuŋdya a sekelejin merya buryo, gwoso i temet na sekele na pirit nake na rurwan, a se murek liŋ iŋge jore ko ’bolot na jiö a naliliŋök nagoŋ a ŋola ko welet a ’doket na ’bolot;

⁶² ko köti ’yulukut geleŋ nagoŋ a dakap nagoŋ temuŋdya a sekelejin puök, a jore ko bökur;

⁶³ ko dwöt geleŋ lo ’dit, ko lopijot geleŋ, ko kilolor mönik geleŋ logon ko kiŋa geleŋ, a ti rubaŋga lo ’yu ’yura ’buluŋ;

⁶⁴ ko meetyo mönik geleŋ a lo rubaŋga lo toron;

⁶⁵ ko öwönin murek, ko lopijoki mukanat, ko melon mönikön mukanat, ko yisi mönikön mukanat logon ko kiŋa geleŋ anyen ’duŋö a rubaŋgajin ti taliŋ. Sekine ’dokesi na wukin Abidan ŋuro lo Gideoni kune.

⁶⁶ A i lor topuök lonyit a Akiyejer ŋuro lo Amisadai, matat lo ŋutu ti Dan ’doggi ’dogga;

⁶⁷ a nye wukiŋdye ’doket nanyit nagoŋ a saani geleŋ nagoŋ a pödö, nagoŋ temuŋdya a sekelejin mia geleŋ ko merya musala, ko kalaba geleŋ nagoŋ a pödö, nagoŋ temuŋdya a sekelejin merya buryo, gwoso i temet na sekele na pirit nake na rurwan; a se murek liŋ iŋge jore ko ’bolot na jiö a naliliŋök nagoŋ a ŋola ko welet a ’doket na ’bolot;

⁶⁸ ko köti ’yulukut geleŋ nagoŋ a dakap nagoŋ temuŋdya a sekelejin puök, a jore ko bökur;

⁶⁹ ko dwöt geleŋ lo ’dit, ko lopijot geleŋ, ko kilolor mönik geleŋ logon ko kiŋa geleŋ, a ti rubaŋga lo ’yu ’yura ’buluŋ;

⁷⁰ ko meetyo mönik geleŋ a lo rubaŋga lo toron;

⁷¹ ko dwönin murek, ko lopijoki mukanat, ko melon möni-kön mukanat, ko yisi mönikön mukanat logon ko kiŋa geleŋ anyen ’duŋö a rubaŋgajin ti taliŋ. Sekine ’dokesi na wukin Akiyejer ŋuro lo Amisadai kune.

⁷² A i lor töpuök wot geleŋ lonyit a Pagiele ŋuro lo Okran, matat lo ŋutu ti Aser ’doggi ’dogga;

⁷³ a nye wukiŋdye ’doket nanyit nagoŋ a saani geleŋ nagoŋ a pödö, nagoŋ temuŋdya a sekelejin mia geleŋ ko merya musala, ko kalaba geleŋ nagoŋ a pödö, nagoŋ temuŋdya a sekelejin merya buryo, gwoso i temet na sekele na pirit nake na rurwan; a se murek liŋ iŋge Jore ko ’bolot na Jiö a naliliŋök nagoŋ a ŋola ko welet a ’doket na ’bolot;

⁷⁴ ko köti ’yulukut geleŋ nagoŋ a dakap nagoŋ temuŋdya a sekelejin puök, a jore ko bökur;

⁷⁵ ko dwöt geleŋ lo ’dit, ko lopijot geleŋ, ko kilolor mönik geleŋ logon ko kiŋa geleŋ, a ti rubaŋga lo ’yu ’yura ’buluŋ;

⁷⁶ ko meetyo mönik geleŋ a lo rubaŋga lo toron;

⁷⁷ ko dwönin murek, ko lopijoki mukanat, ko melon mönikön mukanat, ko yisi mönikön mukanat logon ko kiŋa geleŋ anyen ’duŋö a rubaŋgajin ti taliŋ. Sekine ’dokesi na wukin Pagiele ŋuro lo Okran kune.

⁷⁸ A i lor töpuök wot murek lonyit a Akira ŋuro lo Enan, matat lo ŋuto ti Napatali ’doggi ’dogga;

⁷⁹ a nye wukiŋdye ’doket nanyit nagoŋ a saani geleŋ nagoŋ a pödö, nagoŋ temuŋdya a sekelejin mia geleŋ ko merya musala, ko kalaba geleŋ nagoŋ a pödö, nagoŋ temuŋdya a sekelejin merya buryo, gwoso i temet na sekele na pirit nake na rurwan; a se murek liŋ iŋge jore ko ’bolot na jiö a naliliŋök nagoŋ a ŋola ko welet a ’doket na ’bolot;

⁸⁰ ko köti ’yulukut geleŋ nagoŋ a dakap nagoŋ temuŋdya a sekelejin puök, a jore ko bökur;

⁸¹ ko dwöt geleŋ lo ’dit, ko lopijot geleŋ, ko kilolor mönik geleŋ logon ko kiŋa geleŋ, a ti rubaŋga lo ’yu ’yura ’buluŋ;

⁸² ko meetyo mönik geleŋ a lo rubaŋga lo toron;

⁸³ ko dwönin murek, ko lopijoki mukanat, ko melon mönikön mukanat, ko yisi mönikön mukanat logon ko kiŋa geleŋ anyen ’duŋö a rubaŋgajin ti taliŋ. Sekine ’dokesi na wukin Akira ŋuro lo Enan kune.

⁸⁴ Kine a ’dokesi nagoŋ ’boroki ’e pirit ’yuret na rubaŋgajin i ŋilu lor lo welaki ’e nye lu, nagoŋ kimak ti Yisa-raele a tikin kunu, kweja adi saanijin nagoŋ a pödö puök wot murek, ko kalabajin nagoŋ a pödö puök wot murek, ko ’yulukutan nagoŋ a dakap puök wot murek;

⁸⁵ kweja adi saanijin nagoŋ a pödö kune liŋ geleŋ geleŋ temuŋdya a sekelejin mia geleŋ ko merya musala, ko kalabajin nagoŋ a pödö kune liŋ geleŋ geleŋ temuŋdya a sekelejin merya buryo; kweja adi pödö liŋ ti kine tito temuŋdya a sekelejin alipan murek ko miajin iŋwan gwoso i temet na sekele na pirit nake na rurwan:

⁸⁶ köti ’yulukutan puök wot murek nagoŋ a jore ko bökur kune liŋ geleŋ geleŋ temuŋdya a sekelejin puök, gwoso i temet na sekele na pirit nake na rurwan, nyena dakap ti kine tito temuŋdya a sekelejin mia geleŋ ko merya murek.

⁸⁷ A toro ’bo liŋ ti rubaŋga lo ’yu ’yura ’buluŋ kulo gwe a dwönin puök wot murek, ko lopijoki puök wot murek, ko yisi mönikön puök wot murek logon ko kiŋa geleŋ, se ko ’dokesi ti ’bolot nagoŋ ködyö wuki ko lepeŋat i pirit na geleŋ kune; ko melon mönikön puök wot murek a ti rubaŋga lo toron;

⁸⁸ se ko toro ’bo liŋ logon ’duŋö a ti rubaŋgajin ti taliŋ logon a dwönin merya murek wot iŋwan ko lopijoki merya buker, ko melon mönikön merya buker, ko yisi mönikön merya buker logon ko kiŋa geleŋ. Sekine ’dokesi ti ’boroki na pirit ’yuret na rubaŋgajin, i mukök na welaki nanyit.

⁸⁹ A na lupöri Mose i kemia torumet lukata i jambu ko MATAT nu, a nye yiŋge gworo lo jambu ko lepeŋ i wöli i loki na muket nagoŋ toronjin lala kata na na gwon i loki na saŋduk na ŋurupö tökoresi, i kiden na kerubajin; a ŋilo gworo kulyani ko lepeŋ.