Kenet 6 - Bibilia Buk na Ŋun nagon koti luŋu a

Saret i kulya ti ŋutu logon a Najir

¹ A MATAT jambi ko Mose adi,

² Taki ŋutu ti Yisaraele adi, I diŋit nagoŋ lele ŋuto kode neneŋuto a nyesu milye iŋgo, logon a milye lo Najir i gelakiŋdya na mugun a lo MATAT,

³ a nye ködyö teggi mugun i möju na binyo kode i möju na yawa na pötwör; a nye tine möju binyo nagoŋ kape a tiki nyin kode a wörögi, a nye tine möju pioŋ ti ludweki ti binyo, kode nyesu ludweki ti binyo logon a lodök kode a loteyok.

⁴ Perok liŋ ti geluŋdya nanyit na mugun ka ’de a nye ködyö tine nyesu nene ŋo nagoŋ a na ködini lo binyo, ma ’di konyen kanyit kode ka ’boŋgo kanyit.

⁵ Perok liŋ ti milye lonyit logon nye a geluŋdya mugun ka ’de lo, a kwe nanyit tine ’barinu; a nye ködyö gwe a loke lo rurwan tojo ko perok a tema-kiŋdya logon nye aje gelakiŋdya mugun a lo MATAT kulu; a nye ködyö kölö-kiŋdye kupir kanyit ti kwe i ’duŋö a lojo.

⁶ Perok liŋ logon nye a gelakiŋdya mugun a lo MATAT kulu, a nye ködyö tine mijörö nyona i öpu.

⁷ Nye ködyö ti koŋdya mugun a lut i kulya ti keri kogwon kulya ti monye lonyit, kode ti ŋote, kode ti luŋaser, kode ti kiaser nanyit, ko se a twatwa; kogwon milye logon nye a gelakin mugun a lo Ŋun lo gwon kanyit i kwe.

⁸ Temba i perok liŋ logon nye milyeji i geluŋdya na mugun kulu, a nye gwe a loke lo MATAT.

⁹ A ko lele ŋuto a twan ’de ’de kijek kanyit nyona, a tiŋdi kwe nanyit nagoŋ a gelwe na i gwon a lut i kulya ti keri, nyena a nye ködyö ’bariŋdi kwe nanyit i ŋilu lor lo tokelari lepeŋ lu; kweja adi ’bariŋdu lepeŋ i lor toburyo lonyit.

¹⁰ A i lor tobudök lonyit, a nye ködyö joŋdi gureki murek kode torela murek ti luguriet ko koane ni i kötumit na kemia torumet,

¹¹ a koane ködyö wukiŋdye geleŋ a na rubaŋga lo toron, a nene na gwe a na rubaŋga lo ’yu ’yura ’buluŋ, anyen tokelari lepeŋ, kogwon nye a toroŋdya i kulya ti öpu. A nye ködyö geluŋdye kwe nanyit i ŋilu lor lo geleŋ lu,

¹² iŋkoi a nye ködyö gelakiŋdye mugun a lo MATAT i perok kanyit logon nye a milyeji geluŋdya mugun kulu, a nye ködyö joŋdi kololor mönik logon ko kiŋa geleŋ a rubaŋga lo toron; ama a perok ti kokwe kulu ködyö gwe a ŋo kana, kogwon lepeŋ a toluta i kulya ti keri i diŋit na geluŋdye nye mugun kaŋo nu.

¹³ Ŋilo a saret i kulya tŋuto logon a Najir, na temakiŋdye perok logon nye a milyeji geluŋdya mugun kulo, kweja adi nye ködyö joga tojo ko kötumit na kemia torumet,

¹⁴ a nye wukiŋdye MATAT ’doket nanyit, logon a kilolor mönik logon ko kiŋa geleŋ logon ’bak yuyuket, anyen gwon a rubaŋga lo ’yu ’yura ’buluŋ, ko kilolor nakwan nagoŋ ko kiŋa geleŋ nagoŋ ’bak yuyuket anyen gwon a rubaŋga lo toron, ko lopijot logon ’bak yuyuket a lo rubaŋga lo taliŋ,

¹⁵ ko kupö lo ambatajin nagoŋ ’bak kape ko a ŋola ko welet, ko kisera nagoŋ ’bak kape ko a welaki welet loki, se ko ’doket nase na ’bolot ko rubaŋgajin kase ’bu ’bukesi.

¹⁶ A koane ködyö kwekin-dye lepeŋat ko MATAT i komor, a wukiŋdye rubaŋga lo ŋilo ŋuto lo toron ko rubaŋga lonyit lo ’yu ’yura ’buluŋ,

¹⁷ a nye ködyö wukiŋdye lopijot anyen ’duŋöki MATAT a rubaŋga lo taliŋ, se ko kupö lo ambata nagoŋ ’bak kape; a koane köti wukiŋdye ’doket na ŋilo ŋuto na ’bolot se ko rubaŋga lonyit ’bu ’buket.

¹⁸ A ŋilo ŋuto logon a Najir lo ködyö ’bariŋdi kwe nanyit nagoŋ nye a gelun na i kötumit na kemia torumet, a ’dumuŋdye kupir logon nye a gelun kulo, a tiŋdi se i kimaŋ nagoŋ ’yuŋa rubaŋga lo taliŋ na.

¹⁹ A koane ködyö ’dumuŋdye gele lo lopijot, logon aje dera lo, a ’dumuŋdye ambata geleŋ nagoŋ ’bak kape i lu kupö, ko nene kisera geleŋ nagoŋ ’bak kape, a nye tiŋdi se ko lu ŋuto logon a Najir lo i ’dapan ti könisi, i mukök nagoŋ nye aje ’bariŋdu kupir kanyit logon nye aje gelun kulo,

²⁰ a koane ködyö kweji se ko MATAT i komor a rubaŋga lo kwekweya; kine ŋo a koret nake na rurwan nagoŋ a gelaki koane, se ko jujuk na kwekweya ko nyuti lo ’dumwe; a kirut ŋuto logon a Najir lo bulöni bulö möju binyo.

²¹ Ŋilo a saret i kulya tŋuto logon a Najir logon a nyesu milye. rubaŋga lonyit lo wuki MATAT lo ködyö tema-kiŋdya gwoso i nyesu nanyit na milye anyen gwon a Najir, wat ŋo nagoŋ nye jujukin tiŋdu kune; iŋkoi nye ködyö koŋdya gwoso saret i kulya ti geluŋdya nanyit na mugun a Najir, gwoso i nyesu nanyit na milye.

’Boriet na ’boroji koanejin ŋutu na

²² A MATAT jambi ko Mose adi,

²³ Taki Arona ko ŋwajik kanyit adi, Ta ködyö ’boroja ŋutu ti Yisaraele sona kulya adi,

²⁴ Ti MATAT ’boroji ta ko ti gaji ta:

²⁵ Ti MATAT gwe ko komor nanyit ga ko ta, ko ti nye gwe a lo ’but ko ta:

²⁶ Ti MATAT diŋe ta, ko ti nye tiŋdi ta i gwolor taliŋ.

²⁷ Nyena a se ködyö ’diŋdye karin kwe i ŋutu ti Yisaraele, a nan mo ’boroji lepeŋat.