Kenet 5 - Bibilia Buk na Ŋun nagon koti luŋu a

Ŋutu logon a lut i kulya ti keri a riköji kaŋo i mera

¹ A MATAT jambi ko Mose adi,

² Saŋi ŋutu ti Yisaraele adi ti se riköddi kaŋo i mera ŋutu liŋ logon ko twanti lo rimajin, ko ŋutu liŋ logon pioŋ wowon kase i mugunya, ko se liŋ logon a lut i kulya ti keri kogwon kulya ti öpuö ti ŋutu;

³ a ta ködyö riköddi se kaŋo i mera lyan ko wate, an se ködyö ko toluddya mera nase nagoŋ nan si ’da kanyit kiden na.

⁴ A ŋutu ti Yisaraele koŋdi sona, a riköddi lepeŋat kaŋo i nu mera; iŋkoi ŋutu ti Yisaraele a koŋdya gwoso nagoŋ MATAT a jamakiŋdye Mose nu.

Saresi i kulya ti robba na toron

⁵ A MATAT jambi ko Mose adi,

⁶ Taki ŋutu ti Yisaraele adi, Ko lele ŋuto kode neneŋuto a koŋdya nene toron nagoŋ ŋutu kökon na, i ’beleŋgu na saret liŋ lo MATAT, a ŋilo ŋuto gwe ko toron;

⁷ a nye ködyö tuŋge toron nanyit nagoŋ nye aje kon na; a nye ropakiŋdye toron nanyit ’bukuluŋ, a ’yalakiŋdye nene swöt geleŋ na mukanat nyin, a tiŋdi ŋuto logon nye a toroŋdi lu.

⁸ Ama koŋuto logon nye a toroŋdi lo ’bak karutyo logon ropaki nu toron, a ropet na nu toron nagoŋ tiki nan MATAT na ködyö gwe a na koane; wat lopijot tokelet logon tokelarikin lepeŋ.

⁹ A ’dokesi liŋ nagoŋ ŋutu ti Yisaraele a ’dumun i ŋo nake liŋ anyen jakin koane kune ködyö gwe a kanyit;

¹⁰ kweja adi ŋo nake na rurwan ti ŋutu liŋ ködyö gwe a kanyit; iŋkoi ŋo liŋ nagoŋ ŋutu a tiŋdu koane kune ködyö gwe a kanyit.

Saret i kulya ti ŋisa

¹¹ A MATAT jambi ko Mose adi,

¹² Taki ŋutu ti Yisaraele adi, Ko nakwan na lele ŋuto a giran a kona-kiŋdye lalet toron aka,

¹³ a ko lele ŋuto a doto ko lepeŋ, a lalet lonyit gwe a ko den kine kulya, kweja adi ŋina ŋuto aje toluddya mugun, a katokoronit lo lepeŋ gwe ’bayin, a nye köti gwe a ko moka i nu diŋit na lupöri nye nu;

¹⁴ a ko Mulökötyo lo ŋisa a pokin ko lalet, a nye ŋisani ko nakwan nanyit nagoŋ aje toluddya mugun na, kode ko Mulökötyo lo ŋisa ködyö a pokin ko lalet, a nye ŋisani ko nakwan nanyit nagoŋ a ko toluddya mugun na;

¹⁵ nyena a lalet ködyö jakiŋdye koane nakwan nanyit, a jakiŋdye ’doket nagoŋ ’dekarikin i kulya ti lepeŋ, kweja adi swöt topuökit na wuyit nagoŋ a epa na ’bolot saora; a nye ködyö tine ’bukökin welet i ŋina ’doket kode tiŋdu bökur lokwe kanyit loki, kogwon ŋina a ’doket na ’bolot ŋisaet, kweja adi a ’doket na ’bolot toyeyeet na toyiyikiŋdyö ŋonyan.

¹⁶ A koane ködyö joŋdi nuŋuto nyona, a togwi ’dikiŋdye lepeŋ ko MATAT i komor,

¹⁷ a koane ködyö ’dumuŋdye pioŋ nake na rurwan i sape, a ’dumuŋdye ŋutu na gwon kak i kemia lukata kune a tiŋdi se i pioŋ kata.

¹⁸ A koane ködyö togwi ’dikiŋdye ŋina ŋuto ko MATAT i komor, a laggi kupir ti ŋina ŋuto ti kwe, a tiŋdi ’doket na ’bolot toyeyeet nagoŋ a ’doket na ’bolot ŋisaet na ko lepeŋ i könisi. A koane ködyö gwe ko pioŋ na pötwör kanyit i könin na joŋdya lömit kunu.

¹⁹ Nyena a koane ködyö tomilyeji lepeŋ adi, Ko lele ŋuto a ko dotori do, a ko do a ko girara kaŋo i toluta na gwoŋdi do ko lalet ilot i könin na, a ti kine pioŋ na pötwör na joŋdya lömit kune gwe ti konakin do nene ŋo.

²⁰ Ama ko do aje girara kaŋo na gwoŋdi do ko lalet ilot i könin na, a do iŋge toluddya mugun, a lele ŋuto logon a leŋe lalet ilot iŋge dotori do;

²¹ a koane ködyö tomilyeji ginuŋuto ko milye lömit, kulya adi, Nyena ti MATAT tiŋdi do i gwon a lömit ko a tomilyeet i kiden na ŋutu kasu, i diŋit nagoŋ MATAT mo tosogga puŋdi ilot ko i toyujö na pele inot nu;

²² ti kine pioŋ nagoŋ joŋdya lömit kune lupöni konut i monyet, i toyujö na pele inot, ko i tosogga na puŋdi ilot. A nuŋuto ködyö kulyani adi, Amin, Amin.

²³ A koane ködyö wurökiŋdye kilo lömesi i buk, a lalaaddi lepeŋat kaŋo tojo i kunu pioŋ na pötwör kunu;

²⁴ a nye ködyö tiŋdi nuŋuto i möju na pioŋ na pötwör na joŋdya lömit kune, a kine pioŋ na joŋdya lömit kune mo lupöni kanyit i pele i tomijö na lepeŋ.

²⁵ A koane ködyö ’dumaddi ’doket na ’bolot ŋisaet ko nuŋuto i könin, a kweji se ko MATAT i komor, a joŋdi se i pirit ’yuret na rubaggajin;

²⁶ a koane ködyö sunuŋdye könin geleŋ lo nu ’doket na ’bolot nagoŋ a koret toyeyeet nanyit, a ’yuŋe se i pirit ’yuret na rubaggajin, a i mukök a nye tiŋdi nu nakwan i möju na kine pioŋ.

²⁷ A ko nye aje tiŋdu lepeŋ i möju na kine pioŋ, a kirut ko nuŋuto aje toluddya mugun ko aje toroŋdya lalet lonyit aka, a kine pioŋ na joŋdya lömit kune mo lupöni kanyit i pele i tomijö na lepeŋ, a pele nanyit mo yune yu, a puŋdi lonyit mo sokara sokara, a nuŋuto mo gwe a lömit i kiden na ŋutu kanyit.

²⁸ Ama ko nuŋuto a ko toluddya mugun a nye gwe a nake, nyena a nye mo gwe ’bak kulya, a mo yuŋweni ŋwajik.

²⁹ Ŋilo a saret i kulya ti ŋisa, i diŋit nagon ŋuto nakwan na gwon ko lalet lonyit i könin na a girara ko a toluddya mugun,

³⁰ kode i diŋit nagon ŋuto a moka ko töili loron ŋisaet a nye ŋisani ko nakwan nanyit; nyena a nye ködyö togwi ’dikiŋdye nuŋuto ko MATAT i komor, a koane ködyö konakiŋdye lepeŋ ŋilo saret liŋ.

³¹ A lu ŋuto ködyö gwe ’bak kulya i kine kulya, ama a nuŋuto ködyö ’doggi ŋonyan nanyit.