Kenet 34 - Bibilia Buk na Ŋun nagon koti luŋu a

¹ A MATAT kulyani ko Mose adi,

² Saŋi ŋutu ti Yisaraele ko taki se adi, Na lupöri ta i jur lo Kanana (ŋilu a jur lo Kanana logon mo ’dukin kasu a lomore i tugalaŋ nanyit liŋ),

³ a swöt losu lo loki ködyö suluje i yöbu na Sin, kepöddu swöt lo Edom, a koret losu lo loki ködyö suluje i swöt lo ’yure, i ’dutet na tör nagoŋ ti ’dokon nagoŋ pioŋ kanyit a ’balaŋ parik na;

⁴ a koret losu ködyö wöriŋöddi i swöt lo loki lo kak nagoŋ gwolopara a ko ’du na Akarabim, a lwöŋöddi tojo ko Sin, a ’dutet nanyit ködyö gwe i swöt lo loki lo Kadesa-barenea; a nye iti ŋerot tojo ko Kasar-adar, a lwöŋöddi tojo ko Asemon;

⁵ a koret ködyö wöriŋöddi i Asemon tojo ko Kare lo Ejipeto, a ’dutet nanyit gwe i tör na ’balaŋ.

⁶ A i koret losu lo tokotyaŋ a ta ködyö gwe ko Tör Duma na ’balaŋ i kutuk nanyit, a ŋilu gwe a koret losu i swöt lo tokotyaŋ.

⁷ A ŋilu köuyö gwe a koret losu i swöt lo lobot, suluja i Tör Duma na ’balaŋ a ta ködyö temaddi tojo ko mere Or;

⁸ a i mere Or a ta temaddi tojo ko kwake nagoŋ lupörikin Kamat, a ’dutet na ŋilo koret ködyö gwe i Sedada;

⁹ a ŋilo koret ködyo lwöŋöddi ŋerot tojo ko Jiperon, a ’dutet nanyit ködyö gwe i Kasar-enan; kweja adi ŋilo ködyö gwe a koret losu i swöt lo lobot.

¹⁰ A ta ködyö temaddi koret losu lo ’yure suluja Kasar-enan tojo ko Sepam;

¹¹ a ŋilo koret ködyö dudulara kak suluja Sepam tojo ko Ribela i swöt lo ’yure lo Ayin; a ŋilo koret ködyö dudulara kak, a yeŋaddi tojo ko ŋoŋet lo tör na Kineret i swöt lo ’yure;

¹² a lu koret dudulara kak tojo ko Yardene, a ’dutet nanyit ködyö gwe i tör nagoŋ ti ’dokon nagoŋ pioŋ kanyit a ’balaŋ parik na. ŋilo ködyö gwon a jur losu ko koresi kanyit lo lo lorga.

¹³ A Mose saŋi ŋutu ti Yisaraele adi, ŋilo a jur logon ta ködyö morga nye kora ko guralan, logon MATAT a saŋu i tiŋdu na kötumitön buŋwan, a swot gwe a lo kötumit geleŋ;

¹⁴ kogwon kötumit na ŋwajik ti Rubena gwoso i midijik ti merenyejin kase, ko kötumit na ŋwajik ti Gada gwoso i midijik ti merenyejin kase aje wuju kak jin lomoriot kase, se ko swöt lo kötumit na Manase;

¹⁵ iŋkoi kine kötumitön murek se ko swöt na kötumit aje wuju kak jin kase lomoriot i na pele na Yardene, i swöt lo ’yure lo Yeriko, tojo ko swöt lo nyeruŋdye kolor.

¹⁶ A MATAT kulyani ko Mose adi,

¹⁷ Kine a karin ti ŋutu logon ködyö korakiŋdya ta lu jur a lomoriot, kweja adi a ko koane Elejara ko Yosua ŋuro lo Nun.

¹⁸ A ta ködyö ’dumaddi temejiktyo geleŋ i kötumitön liŋ geleŋ geleŋ, anyen koŋa lu jur a lomore.

¹⁹ Kine a karin ti kulu ŋutu kweja adi, 1 kötumit na Yuda a Kaleba ŋuro lo Yepune;

²⁰ i kotumit na ŋwajik ti Simeona a Semuele ŋuro lo Amiuda;

²¹ i kötumit na Benyamina a Elidada ŋuro lo Kiselon;

²² i kötumit na ŋwajik ti Dan a Buki ŋuro lo Yogeli;

²³ i ŋwajik ti Yosepa, kweja adi i kötumit na ŋwajik ti Manase a Kaniele ŋuro lo Epoda;

²⁴ i kötumit na ŋwajik ti Epuraima a Kemuele ŋuro lo Sipetan;

²⁵ i kötumit na ŋwajik ti Jebulun a Elisapana ŋuro lo Parenak;

²⁶ i kötumit na ŋwajik ti Yisakar a Palatiele ŋuro lo Ajan;

²⁷ i kötumit na ŋwajik ti Aser a Akiuda ŋuro lo Selomi;

²⁸ i kötumit na ŋwajik ti Napatali a Pedaele ŋuro lo Amiuda.

²⁹ Kilo a ŋutu logon MATAT a sarakin i korakiŋdya na ŋutu ti Yisaraele kak jin lomoriot i jur lo Kanana.