Kenet 33 - Bibilia Buk na Ŋun nagon koti luŋu a

Jölösi ti ŋutu ti Yisaraele

¹ Kine a jölösi ti ŋutu ti Yisaraele gwoso i teŋon kase, na yuöddi se kaŋo i jur lo Ejipeto nu, Mose ko Arona lo nyömöddu lepeŋat.

² A Mose wurökiŋdye yuörö nase kak gwoso i jölösi kase, ko gwoso i saret lo MATAT. Kine a jölösi kase gwoso i piritön na ŋiöddi se kunu.

³ A se ŋiörö kaŋo suluja Ramasese i perok puök wot mukanat ti yapa togeleŋ; i lor lo kebbu Pasaka lu a ŋutu ti Yisaraele iti kaŋo ko kusik a na ŋo a ŋutu ti Ejipeto liŋ memeddya,

⁴ na nuŋge ŋutu ti Ejipeto ŋwajik kayujin kase liŋ logon MATAT a tatu kase kiden kulo; a MATAT köti iŋge ’duŋgö putet lo ŋunyen kase.

⁵ A ŋutu ti Yisaraele ŋiörö kaŋo Ramasese, a mönuŋdye Suköt yu,

⁶ a se ŋiörö kaŋo Suköt, a mönuŋdye Etam na gwon i koret na yöbu na sese yu.

⁷ A se ŋiörö kaŋo Etam, a löpuköni bot tojo ko Piakirot na gwon i swöt lo ’yure lo Bala-sepon yu; a se mönuŋdye i komor na Migedola.

⁸ A se ŋiörö kaŋo i komor na Akirot, a se lwöŋöddi i kiden na tör tojo i yöbu na sese, a se jölöni ko perok musala i yöbu na Etam, a mönuŋdye Mara yu.

⁹ A se ŋiörö kaŋo Mara, a ’dure Elim; a kidia puök wot murek ti pioŋ gwe kata Elim ’yu, ko kaden ti tömur merya buryo, a se mönuŋdye nyu.

¹⁰ A se ŋiörö kaŋo Elim, a se mönuŋdye nyona ko Tör Nator.

¹¹ A se ŋiörö kaŋo i Tor Nator, a mönuŋdye i yöbu na Siyin yu.

¹² a se ŋiörö kaŋo i yöbu na Siyin, a mönuŋdye Dopeka yu.

¹³ A se ŋiörö kaŋo Dopeka, a mönuŋdye Alusa yu.

¹⁴ a se ŋiörö kaŋo Alusa, a mönuŋdye Repidim yu, i pirit nagoŋ pioŋ ’bayin nagoŋ ŋutu mamat.

¹⁵ A se ŋiörö kaŋo Repidim, a mönuŋdye i yöbu na Sinai yu.

¹⁶ A se ŋiörö kaŋo i yöbu na Sinai, a mönuŋdye Kibirot-atawa yu.

¹⁷ A se ŋiörö kaŋo Kibirot-atawa, a mönuŋdye Kaserot yu.

¹⁸ A se ŋiörö kaŋo Kaserot, a mönuŋdye Ritima yu.

¹⁹ A se ŋiörö kaŋo Ritima, a mönuŋdye Rimon-perese yu.

²⁰ A se ŋiörö kaŋo Rimon-perese, a mönuŋdye Libina yu.

²¹ A se ŋiörö kaŋo Libina, a mönuŋdye Risa yu.

²² A se ŋiörö kaŋo Risa, a mönuŋdye Kelata yu.

²³ a se ŋiörö kaŋo Kelata, a mönuŋdye i mere Seper yu.

²⁴ a se ŋiörö kaŋo i mere Seper, a mönuŋdye Karada yu.

²⁵ A se ŋiörö kaŋo Karada, a mönuŋdye Makelot yu.

²⁶ A se ŋiörö kaŋo Makelot, a mönuŋdye Takat yu.

²⁷ A se ŋiörö kaŋo Takat, a mönuŋdye Terak yu.

²⁸ A se ŋiöro kaŋo Terak, a mönuŋdye Miteka yu.

²⁹ A se ŋiörö kaŋo Miteka, a mönuŋdye Kasimona yu.

³⁰ A se ŋiörö kaŋo Kasimona, a mönuŋdye Moserot yu.

³¹ A se ŋiörö kaŋo Moserot, a mönuŋdye Bene-yaakan yu.

³² A se ŋiörö kaŋo Bene-yaakan, a mönuŋdye Kor-agidegada yu.

³³ A se ŋiörö kaŋo Kor-agidegada, a mönuŋdye Yotebata yu.

³⁴ A se ŋiörö kaŋo Yotebata, a mönuŋdye Aberona yu.

³⁵ A se ŋiörö kaŋo Aberona, a mönuŋdye Esion-geber yu.

³⁶ A se ŋiörö kaŋo Esion-geber, a mönuŋdye i yöbu na Sin (nagoŋ a Kadesa).

³⁷ A se ŋiörö kaŋo Kadesa, a mönuŋdye i mere Or, i koret na jur lo Edom.

³⁸ A koane Arona kije ki i mere Or i saret lo MATAT, a nye twane twan nyu i kiŋa tomerya iŋwan i mukök na yuöddi ŋutu ti Yisaraele kaŋo i jur lo Ejipeto, i lor lo kokwe lo yapa tomu-kanat.

³⁹ A Arona gwe ko kiŋajin mia geleŋ ko merya murek wot musala na twaji nye i mere Or nu.

⁴⁰ A mor lo Arada logon a ŋuto lo Kanana, logon si ’da i swöt lo loki lo jur lo Kanana lo yiŋge kulya ti po na ŋutu ti Yisaraele.

⁴¹ A se ŋiörö kaŋo i mere Or, a mönuŋdye Salemona yu.

⁴² a se ŋiörö kaŋo Salemona, a mönuŋdye Punon yu.

⁴³ A se ŋiöro kaŋo Punon, a mönuŋdye Obot yu.

⁴⁴ a se ŋiörö kaŋo Obot, a mönuŋdye lye-abarim yu i koresi ti Moaba.

⁴⁵ a se ŋiörö kaŋo lyim, a mönuŋdye Dibon-gada yu.

⁴⁶ A se ŋiörö kaŋo Dibon-gada, a mönuŋdye Alemon-dibelatayim yu.

⁴⁷ A se nidrö kaŋo Alemon-dibelatayim, a mönuŋdye i merya ti Abarim, i komor na Nebo.

⁴⁸ a se ŋiöro kaŋo i merya ti Abarim, a mönuŋdye i piritön ti Moaba nagoŋ a ’dara nyona ko Yardene Yeriko yu;

⁴⁹ a se mönuŋdye nyona ko Yardene suluja Bet-yesimot tojo ko Abele-sitim i piritön ti Moaba nagoŋ a ’dara kune.

Lokökoritan se ko koret na Kanana

⁵⁰ A MATAT kulyani ko Mose i piritön ti Moaba nagoŋ a ’dara nyona ko Yardene Yeriko yu adi,

⁵¹ Taki ŋutu ti Yisaraele adi, Ko ta mo laŋaddu i nu pele na Yardene tojo i jur lo Kanana,

⁵² a ta ködyö riköddi ŋutu lo sisi ’datu i lu jur kulu kaŋo kasu i komor a ta ködyö köŋi nyömuejin kase liŋ lo pipiru, a ta köŋi nyömuejin kase liŋ lo ninitö, a ta ködyö duŋge kak piritön kase kwakwasesi liŋ nagoŋ gwon i ko ’dulan ti merya kune,

⁵³ a ta ködyö morgi lu jur a losu lomore a si ’dani nyu, kogwon nan a tiŋdu ta lu jur i ’debba na lepeŋ.

⁵⁴ A ta ködyö korakiŋdye ’börik lu jur ko guralan gwoso i midijik kasu; a ta ködyö tiŋdi kak duma i kötumit duma, kak na ’dit i kötumit na ’dit; gwoso nagoŋ gura a ’dukin i nene pirit a gwe a nanyit na lu ŋuto; a ta ködyö ’debbi se a lomoriot gwoso i kötumitön ti merenyejin kasu.

⁵⁵ Ama ko ta mo ti rikörö ŋutu ti lu jur kaŋo kasu i komor, nyena a ŋutu kase logon ta a kölökin i si ’da kata kulu mo gwe a kikwa na tu ’yö konyen kasu ko a sowesi na söju mara kasu, a se mo yöyöŋgi ta i lu jur lo si ’dari ta lu.

⁵⁶ A nan mo konakiŋdye ta gwoso na yeyeji nan i konakiŋdya na se na.