Kenet 29 - Bibilia Buk na Ŋun nagon koti luŋu a

¹ A ta ködyö gwe ko pepenet loke i lor lo kokwe lo yapa toburyo, a ta tine koŋdya kita na ŋo. A ta ködyö kuddye toriot i ŋilu lor,

² a ta ködyö wukiŋdye rubaŋga lo ’yu ’yura ’buluŋ anyen möara paleleŋ ko MATAT yu, logon a dwöt lo ’dit geleŋ, ko lopijot geleŋ, ko yisi mönikön buryo logon ko kiŋa geleŋ logon ’bak yuyukesi;

³ ko köti ’dokesi ti ’bolot na jiö a naliliŋök na ŋola ko welet nagoŋ wuki ko lepeŋat i pirit na geleŋ kune. Swöt topuökisi musala ti epa a na dwöt, ko swöt topuökisi murek ti epa a na lopijot,

⁴ ko swöt topuökit geleŋ na epa a na yisi buryo liŋ geleŋ geleŋ;

⁵ se ko meetyo mönik geleŋ a lo rubaŋga lo toron anyen tokelari ta;

⁶ mora ko rubaŋga lo ’yu ’yura ’buluŋ lo wilun na yapa, se ko ’doket na ’bolot na wuki ko lepeŋ i pirit na geleŋ na, ko rubaŋga lo ’yu ’yura ’buluŋ lo yeŋon kona, ko ’doket na ’bolot se ko rubaŋga ’bu ’buket logon wuki ko lepeŋ i pirit na geleŋ lo, gwoso i saret lose, anyen möara paleleŋ, ŋilo a rubaŋga lo ’yuraki MATAT.

⁷ A i perok puök ti ŋilo yapa toburyo, a ta ködyo gwe ko pepenet loke, a ta ködyö tokoyoggi ’börik. A ta ködyö tine koŋdya kita kwöŋ.

⁸ Ama a ta wukiŋdye MATAT rubaŋga lo ’yu ’yura ’buluŋ anyen möara paleleŋ. Ŋilo rubaŋga a dwöt lo ’dit geleŋ, ko lopijot geleŋ, ko yisi mönikön buryo logon ko kiŋa geleŋ, logon ta a met adi se ’bak yuyukesi;

⁹ ko ’doket na ’bolot na jiö a naliliŋök na ŋola ko welet nagoŋ wuki ko lepeŋ i pirit na geleŋ kune, nagoŋ a swöt topuökisi musala ti epa a na dwöt, ko swöt topuökisi murek ti epa a na lopijot,

¹⁰ ko swöt topuökit geleŋ na epa a na yisi buryo liŋ geleŋ geleŋ;

¹¹ se ko meetyo mönik geleŋ köti logon a lo rubaŋga lo toron, mora ko rubaŋga tokelet lo toron, ko rubaŋga lo ’yu ’yura ’buluŋ lo yeŋon kona, ko ’doket na ’bolot se ko rubaŋgajin ’bu ’bukesi logon wuki ko lepeŋat i pirit na geleŋ kulo.

¹² A ta ködyö gwe ko pepenet loke i perok puök wot mukanat ti yapa toburyo; a ta tine koŋdya kita na ŋo, a ta ködyö ’debbi rorwe lo MATAT ko perok buryo.

¹³ A ta wukiŋdye rubaŋga lo ’yu ’yura ’buluŋ, logon ’yuraki MATAT anyen mon paleleŋ, logon a dwönin lo ’di ’dik puök wot musala, ko lopijoki murek, ko yisi mönikön puök wot iŋwan logon ko kiŋa geleŋ, logon ’bak yuyukesi,

¹⁴ se ko ’doket na ’bolot na jiö a naliliŋök na ŋola ko welet nagoŋ wuki ko lepeŋat i pirit na geleŋ na, nagoŋ a swöt topuökisi musala ti epa a na dwönin puök wot musala liŋ geleŋ geleŋ, ko swöt topuökisi murek ti epa a na lopijoki murek liŋ geleŋ geleŋ,

¹⁵ ko swöt topuökit geleŋ na epa a na yisi puök wot iŋwan liŋ geleŋ geleŋ;

¹⁶ köti ko meetyo mönik geleŋ a lo rubaŋga lo toron, mora ko rubaŋga lo ’yu ’yura ’buluŋ lo yeŋon kona, ko ’doket na ’bolot se ko rubaŋga ’bu ’buket logon wuki ko lepeŋ i pirit na geleŋ lo.

¹⁷ A i lor tomurek lonyit a ta ködyö wukiŋdye dwönin lo ’di ’dik puök wot murek, ko lopijoki murek, ko yisi mönikön puök wot iŋwan logon ko kiŋa geleŋ logon ’bak yuyukesi,

¹⁸ ko ’doket na ’bolot se ko rubaŋgajin ’bu ’bukesi kulo a ti dwönin, ko ti lopijoki, ko ti yisi, i kena nase gwoso i saret;

¹⁹ köti meetyo mönik geleŋ a lo rubaŋga lo toron, mora ko rubaŋga lo ’yu ’yura ’buluŋ lo yeŋon kona, ko ’doket na ’bolot se ko rubaŋgajin ’bu ’bukesi logon wuki ko lepeŋ i pirit na geleŋ kulo.

²⁰ A i lor tomusala lonyit a ta ködyö wukiŋdye dwönin puök wot geleŋ, ko lopijoki murek, ko yisi mönikön puök wot iŋwan logon ko kiŋa geleŋ, logon ’bak yuyukesi,

²¹ ko ’doket na ’bolot se ko rubaŋgajin ’bu ’bukesi kulo logon a ti dwönin, ko ti lopijoki, ko ti yisi, i kena nase gwoso i saret;

²² koti ko meetyo mönik geleŋ a lo rubaŋga lo toron, mora ko rubaŋga lo ’yu ’yura ’buluŋ lo yeŋon kona, ko ’doket na ’bolot se ko rubaŋga ’bu ’buket logon wuki ko lepeŋ i pirit na geleŋ lo.

²³ A i lor toiŋwan lonyit a ta ködyö wukiŋdye dwönin puök, ko lopijoki murek, ko yisi mönikön puök wot iŋwan logon ko kiŋa geleŋ logon ’bak yuyukesi,

²⁴ ko ’doket na ’bolot se ko rubaŋgajin ’bu ’bukesi kulo a ti dwönin, ko ti lopijoki, ko ti yisi, i kena nase gwoso i saret;

²⁵ köti ko meetyo mönik geleŋ a lo rubaŋga lo toron, mora ko rubaŋga lo ’yu ’yura ’buluŋ lo yeŋon kona, ko ’doket na ’bolot se ko rubaŋga ’bu ’buket logon wuki ko lepeŋ i pirit na geleŋ lo.

²⁶ A i lor tomukanat lonyit a ta ködyö wukiŋdye dwönin buŋwan, ko lopijoki murek, ko yisi puök wot iŋwan logon ko kiŋa geleŋ logon ’bak yuyukesi,

²⁷ ko ’doket na ’bolot se ko rubaŋgajin ’bu ’bukesi kulo a ti dwönin, ko ti lopijoki, ko ti yisi, i kena nase gwoso i saret;

²⁸ köti ko meetyo mönik geleŋ a lo rubaŋga lo toron; mora ko rubaŋga lo ’yu ’yura ’buluŋ ko ’doket na ’bolot se ko rubaŋga ’bu ’buket logon wuki ko lepeŋ i pirit na geleŋ.

²⁹ A i lor tobuker lonyit a ta ködyö wukiŋdye dwönin budök ko lopijoki murek, ko yisi puök wot iŋwan logon ko kiŋa geleŋ logon ’bak yuyukesi,

³⁰ ko ’doket na ’bolot se ko rubaŋgajin ’bu ’bukesi kulo a ti dwönin, ko ti lopijoki, ko ti yisi, i kena nase gwoso i saret;

³¹ köti ko meetyo mönik geleŋ a lo rubaŋga lo toron; mora ko rubaŋga lo ’yu ’yura ’buluŋ lo yeŋon kona, ko ’doket na ’bolot se ko rubaŋgajin ’bu ’bukesi logon wuki ko lepeŋ i pirit na geleŋ.

³² A i lor toburyo lonyit a ta ködyö wukiŋdye dwönin buryo, ko lopijoki murek, ko yisi puök wot iŋwan logon ko kiŋa geleŋ logon ’bak yuyukesi,

³³ ko ’doket na ’bolot se ko rubaŋgajin ’bu ’bukesi kulo a ti dwönin, ko ti lopijoki, ko ti yisi, i kena nase gwoso i saret;

³⁴ köti ko meetyo mönik geleŋ a lo rubaŋga lo toron; mora ko rubaŋga lo ’yu ’yura ’buluŋ lo yeŋon kona, ko ’doket na ’bolot se ko rubaŋga ’bu ’buket logon wuki ko lepeŋ i pirit na geleŋ lo.

³⁵ A i lor tobudök lonyit a ta ködyö gwe ko momoret duma. Ta ti koŋdya kita na ŋo,

³⁶ ama a ta ködyö wukiŋdye rubaŋga lo ’yu ’yura ’buluŋ, logon ’yuraki MATAT anyen möara paleleŋ. Ŋilo rubaŋga a dwöt geleŋ, ko lopijot geleŋ, ko yisi mönikön buryo logon ko kiŋa geleŋ logon ’bak yuyukesi,

³⁷ ko ’doket na ’bolot se ko rubaŋgajin ’bu ’bukesi kulo a ti dwöt, ko ti lopijot, ko ti yisi, i kena nase gwoso i saret;

³⁸ köti ko meetyo mönik geleŋ a lo rubaŋga lo toron; mora ko rubaŋga lo ’yu ’yura ’buluŋ lo yeŋon kona ko ’doket na ’bolot se ko rubaŋga ’bu ’buket logon wuki ko lepeŋ i pirit na geleŋ lo.

³⁹ A ta ködyö wukiŋdye MATAT kine ŋo i roriot kasu lo wulwe, a ti rubaŋgajin kasu lo ’yu ’yura ’buluŋ, ko a ti ’dokesi kasu ti ’bolot, ko a ti rubaŋgajin kasu ’bu ’bukesi, ko a ti rubaŋgajin kasu ti taliŋ, mora ko ’dokesi kasu ti milye ko ’dokesi kasu ti tupalikan na töili.

⁴⁰ A Mose takiŋdye ŋutu ti Yisaraele gwoso i ŋo liŋ na saŋi MATAT Mose kune.