Kenet 26 - Bibilia Buk na Ŋun nagon koti luŋu a

Kena na ŋutu ti Yisaraele Moaba yu

¹ A i mukök na lu twanti a MATAT kulyani ko Mose ko Elejara ŋuro lo koane Arona adi,

² Kene ken momoret na ŋutu ti Yisaraele liŋ, suluja i se logon ko kiŋajin merya murek tojo ko ŋerot, gwoso i kötumitön ti merenyejin kase, kweja adi ŋutu liŋ ti Yisaraele lo jojo tu i mörö.

³ A Mose ko koane Elejara jambi ko lepeŋat i piritön ti Moaba nagoŋ a ’dara kune nyona ko Yardene Yeriko yu adi,

⁴ Kene ken ŋutu suluja i se logon ko kiŋajin merya murek tojo ko ŋerot, gwoso na saŋi MATAT Mose nu. Ŋutu ti Yisaraele lo poŋdya kaŋo i jur lo Ejipeto kulo sekilo;

⁵ Rubena logon a kayu lo Yisaraele; a ŋwajik kanyit gwe a ko Kanok merenye lo mede na ŋutu ti Kanok; ko Palu merenye lo mede na ŋutu ti Palu;

⁶ ko Keseron merenye lo mede na ŋutu ti Keseron; ko Karmi merenye lo mede na ŋutu ti Karmi.

⁷ Kine a midijik ti ŋutu ti Rubena; a kenet nase gwe a ŋutu alipan merya iŋwan wot musala ko miajin buryo ko merya musala.

⁸ A ŋuro lo Palu gwe a Eliaba.

⁹ A ŋwajik ti Eliaba gwe a ko Nemuele, ko Datan, ko Abiram. Kilo a ko Datan ko Abiram lo wulwe i momoret, logon a rerenya ko Mose ko Arona i teŋ na Korak, na rerenyari se ko MATAT nu,

¹⁰ ama a kak gaji kutuk nanyit a iŋge wi se ko Korak i pirit na geleŋ adi mot, na twaji nu pepenet i diŋit na nyesi kimaŋ ŋutu miajin murek ko merya mukanat nu; a se gwe a kweyet tokujönöet.

¹¹ Ama kölumbö a ŋwajik ti Korak gwe a ko twatwa.

¹² A ŋwajik ti Simeona gwoso i midijik kase gwe a ko Nemuele merenye lo mede na ŋutu ti Nemuele; ko Yamin merenye lo mede na ŋutu ti Yamin; ko Yakin merenye lo mede na ŋutu ti Yakin;

¹³ ko Jerak merenye lo mede na ŋutu ti Jerak; ko Saula merenye lo mede na ŋutu ti Saula.

¹⁴ Kine a midijik ti ŋutu ti Simeona, kweja adi a ŋutu alipan merya murek wot murek ko miajin murek.

¹⁵ A ŋwajik ti Gada gwoso i midijik kase gwe a ko Sepon merenye lo mede na ŋutu ti Sepon; ko Kaggi merenye lo mede na ŋutu ti Kaggi; ko Suni merenye lo mede na ŋutu ti Suni;

¹⁶ ko Ojeni merenye lo mede na ŋutu ti Ojeni; ko Eri merenye lo mede na ŋutu ti Eri;

¹⁷ ko Arodi merenye lo mede na ŋutu ti Arodi; ko Areli merenye lo mede na ŋutu ti Areli.

¹⁸ Kine a midijik ti ŋwajik ti Gada gwoso i kenet nase, kweja adi a ŋutu alipan merya iŋwan ko miajin mukanat.

¹⁹ A ŋwajik ti Yuda gwe a ko Er ko Onan; a ko Er ko Onan iŋge twatwa i jur lo Kanana.

²⁰ A ŋwajik ti Yuda gwoso i midijik kase gwe a ko Sela merenye lo mede na ŋutu ti Sela; ko Perese merenye lo mede na ŋutu ti Perese; ko Jerak merenye lo mede na ŋutu ti Jerak.

²¹ A ŋwajik ti Perese gwe a ko Keseron merenye lo mede na ŋutu ti Keseron; ko Kamula merenye lo mede na ŋutu ti Kamula.

²² Kine a midijik ti ŋutu ti Yuda gwoso i kenet nase, kweja adi a ŋutu alipan merya buryo wot buker ko miajin mukanat.

²³ A ŋwajik ti Yisakar gwoso i midijik kase gwe a ko Tola merenye lo mede na ŋutu ti Tola; ko Puwa merenye lo mede na ŋutu ti Puwa;

²⁴ ko Yasuba merenye lo mede na ŋutu ti Yasuba; ko Simeron merenye lo mede na ŋutu ti Simeron.

²⁵ Kine a midijik ti Yisakar gwoso i kenet nase, kweja adi a ŋutu alipan merya buker wot iŋwan ko miajin musala.

²⁶ A ŋwajik ti Jebulun gwoso i midijik kase gwe a ko Serede merenye lo mede na ŋutu ti Serede; ko Elon merenye lo mede na ŋutu ti Elon; ko Yakelela merenye lo mede na ŋutu ti Yakelela.

²⁷ Kine a midijik ti ŋutu ti Jebulun gwoso i kenet nase, kweja adi a ŋutu alipan merya buker ko miajin mukanat.

²⁸ A ŋwajik ti Yosepa gwoso i midijik kase gwe a ko Manase ko Epuraima.

²⁹ A ŋwajik ti Manase gwe a ko Makir merenye lo mede na ŋutu ti Makir; a Makir gwe a monye Gilada; a Gilada gwe a merenye lo mede na ŋutu ti Gilada.

³⁰ Kilo a ŋwajik ti Gilada: kweja adi a ko lyejer merenye lo mede na ŋutu ti lyejer; ko Kelek merenye lo mede na ŋutu ti Kelek;

³¹ ko Aseriele merenye lo mede na ŋutu ti Aseriele; ko Sekeme merenye lo mede na ŋutu ti Sekeme;

³² ko Semida merenye lo mede na ŋutu ti Semida; ko Keper merenye lo mede na ŋutu ti Keper.

³³ Ama a Selopekada ŋuro lo Keper gwe ’bak ŋwajik lulyan, ake ŋwajik nawate ka ’de: a karin ti ŋwajik ti Selopekada gwe a ko Makela, ko Noa, ko Ogela, ko Mileka, ko Tiresa.

³⁴ Kine a midijik ti Manase; a kenet nase gwe a ŋutu alipan merya mukanat wot murek ko miajin buryo.

³⁵ Kilo a ŋwajik ti Epuraima gwoso i midijik kase: kweja adi a ko Sutelak merenye lo mede na ŋutu ti Sutelak; ko Beker merenye lo mede na ŋutu ti Beker; ko Takan merenye lo mede na ŋutu ti Takan.

³⁶ a kilo gwe a ŋwajik ti Sutelak logon a ko Eran merenye lo mede na ŋutu ti Eran.

³⁷ Kine a midijik ti ŋwajik ti Epuraima gwoso i kenet nase, kweja adi a ŋutu alipan merya musala wot murek ko miajin mukanat. Kilo a ŋwajik ti Yosepa gwoso i midijik kase.

³⁸ A ŋwajik ti Benyamina gwoso i midijik kase gwe a ko Bela merenye lo mede na ŋutu ti Bela; ko Asebele merenye lo mede na ŋutu ti Asebele; ko Akiram merenye lo mede na ŋutu ti Akiram;

³⁹ ko Sepupam merenye lo mede na ŋutu ti Sepupam; ko Kupam merenye lo mede na ŋutu ti Kupam.

⁴⁰ A ŋwajik ti Bela gwe a ko Areda ko Naman; a Areda gwe a merenye lo mede na ŋutu ti Areda; a Naman gwe a merenye lo mede na ŋutu ti Naman.

⁴¹ Kilo a ŋwajik ti Benyamina gwoso i midijik kase; a kenet nase gwe a ŋutu alipan merya iŋwan wot mukanat ko miajin buker.

⁴² Kilo a ŋwajik ti Dan gwoso i midijik kase: kweja adi Sukam a merenye lo mede na ŋutu ti Sukam. Kine a midijik ti Dan gwoso i midijik kase.

⁴³ a midijik ti ŋutu ti Sukam liŋ, gwoso i kenet nase gwe a ŋutu alipan merya buker wot iŋwan ko miajin iŋwan.

⁴⁴ A ŋwajik ti Aser gwoso i midijik kase gwe a ko Yimena merenye lo mede na ŋutu ti Yimena; ko Yisewi merenye lo mede na ŋutu ti Yisewi; ko Beria merenye lo mede na ŋutu ti Beria.

⁴⁵ a i ŋwajik ti Beria gwe a ko Keber merenye lo mede na ŋutu ti Keber; ko Malekiele merenye lo mede na ŋutu ti Malekiele.

⁴⁶ A karin ti ŋuro na Aser gwe a Serak.

⁴⁷ Kine a midijik ti ŋwajik ti Aser gwoso i kenet nase, kweja adi a ŋutu alipan merya mukanat wot musala ko miajin iŋwan.

⁴⁸ A ŋwajik ti Napatali gwoso i midijik kase gwe a ko Yakasele merenye lo mede na ŋutu ti Yakasele; ko Guni merenye lo mede na ŋutu ti Guni;

⁴⁹ ko Yeser merenye lo mede na ŋutu ti Yeser; ko Silem merenye lo mede na ŋutu ti Silem.

⁵⁰ Kine a midijik ti Napatali gwoso i kötumitön kase, a kenet nase gwe a ŋutu alipan merya iŋwan wot mukanat ko miajin iŋwan.

⁵¹ Ŋina a kenet na ŋutu ti Yisaraele, kweja adi a ŋutu alipan miajin buker ko geleŋ ko miajin buryo ko merya musala.

Kora na kak ko guralan

⁵² A MATAT kulyani ko Mose adi,

⁵³ Kak ködyö koraki i kine kötumitön a lomoriot, gwoso i kenet na karin kase.

⁵⁴ A do ködyö tiŋdi koret duma i ŋuto lo jore, ko koret na ’dit i ŋutu lo ku ’dik; a ŋutu liŋ ködyö wuji koret gwoso i kenet na ŋutu kanyit.

⁵⁵ Ama a kak na ködyö korani ko guralan; a lepeŋat wuji gwoso i karin ti kötumitön ti merenyejin kase.

⁵⁶ a lomoriot kase korani ko guralan i kiden na ŋutu lo jore ko lo ku ’dik.

Kötumit na Lewi

⁵⁷ Kilo a Lewijin gwoso na kenari se i midijik kase; kweja adi Gereson a merenye lo mede na ŋutu ti Gereson; ko Kowat a merenye lo mede na ŋutu ti Kowat; ko Merari a merenye lo mede na ŋutu ti Merari.

⁵⁸ Kine a midijik ti Lewi: kweja adi mede na ŋutu ti Libeni, ko mede na ŋutu ti Keberon, ko mede na ŋutu ti Makeli, ko mede na ŋutu ti Musi, ko mede na ŋutu ti Korak. A Kowat gwe a monye Ameram.

⁵⁹ karin ti nakwan na Ameram gwe a Yokebede ŋuro na Lewi, na yuŋ Lewi Ejipeto yu nu; a nye yuŋwekiŋdye Ameram Arona, ko Mose, ko Miriama kiaser nase.

⁶⁰ A Arona yuŋuŋdye Nadaba, ko Abiu, ko Elejara, ko Ita-mar.

⁶¹ Ama a ko Nadaba ko Abiu iŋge twatwa na wukiŋdye se kimaŋ na gwon ka ’de ko MATAT i komor nu.

⁶² A ŋutu kase lo kena kulo gwe a alipan merya murek wot musala, kweja adi ŋutu lyan liŋ geleŋ geleŋ suluja i se logon ko yapa geleŋ tojo ko ŋerot; kogwon se a ko kena i kiden na ŋutu ti Yisaraele, kogwon lepeŋat a ko tiki lomore i kiden na ŋutu ti Yisaraele.

Tuŋ Kaleba ko Yosua lo pituŋdyö

⁶³ Kilo a ŋutu logon ko Mose ko koane Elejara a ken, i diŋit na keŋdi se ŋutu ti Yisaraele i piritön ti Moaba nagoŋ a ’dara kunu nyona ko Yardene Yeriko yu.

⁶⁴ Ama i kiden na kilo ŋutu a lele lose gwe ’bayin logon Mose ko koane Arona a ko ken, i diŋit na keŋdi se ŋutu ti Yisaraele i yöbu na Sinai.

⁶⁵ Kogwon MATAT a jambu i kulya kase adi se ködyö twatwa i yöbu. A ŋutu gwe ’bayin kase kiden logon a pituŋdyö, ake Kaleba ŋuro lo Yepune ko Yosua ŋuro lo Nun lo pituŋdyö.