Kenet 25 - Bibilia Buk na Ŋun nagon koti luŋu a

Ŋutu ti Yisaraele a twöju Bala lo Feor

¹ A na si ’dari ŋutu ti Yisaraele Sitim nu, a ŋutu kulo suluje lulupujö ŋutu wate ti Moaba.

² A kine ŋutu luŋgi kilo ŋutu i rubaŋgajin ti ŋunyen kase, a kilo ŋutu iŋge nyesu, a dulakine kak i twöju na nyömuejin kase.

³ A ŋutu ti Yisaraele morakiŋdye i twöju na Bala lo Peor. A woran na MATAT tuleki i ŋutu ti Yisaraele;

⁴ a MATAT kulyani ko Mose adi, Joŋgi temejik ti ŋutu, ko leleki se ki i kolor köyö i komor nan MATAT, anyen woran nio na pape na MATAT böŋö löpuköddu kaŋo i ŋutu ti Yisaraele.

⁵ A Mose jambi ko ka ’duŋök ti putesi ti Yisaraele adi, Ta liŋ geleŋ geleŋ tatuje ta ŋutu kasu lo morakiŋdya i twöju na Bala lo Peor kilo.

⁶ Mete, a lele lo ŋutu ti Yisaraele lo ’dure joŋdya ŋuto na Midiyan kanyit mede, a Mose ko momoret liŋ na ŋutu ti Yisaraele gwe i meddya, na gwoŋdi se i gwien i kötumit na kemia torumet nu.

⁷ A Pinasa ŋuro lo Elejara, ŋuro lo koane Arona ko meddi kine kulya, a nye ŋine ki a kö ’yi momoret, a ’duma-kiŋdye ŋor kanyit i könin

⁸ a kepoddi lu ŋuto lo Yisaraele tojo i kemia lukata, a rembi se liŋ murek i pelela, lu ŋuto lo Yisaraele se ko nu ŋuto. A twanti iŋge togwo ’da i ŋutu ti Yisaraele.

⁹ Ama a ŋutu lo twatwa ko lu twanti kulo gwe a ŋutu alipan merya murek wot iŋwan.

¹⁰ A MATAT kulyani ko Mose adi,

¹¹ Pinasa ŋuro lo Elejara, ŋuro lo koane Arona aje löpukuŋdyö woran nio kaŋo i ŋutu ti Yisaraele, kogwon nye ko pusök nio yinet kase kiden, a nan gwe a ko totum ŋutu ti Yisaraele i yinet nio.

¹² Nyenagoŋ kulyani adi, Mete nan a tikin lepeŋ tomoret nio na taliŋ;

¹³ anyen kwekiŋdya adi nye se ko nyakwariat kanyit lo gwon kanyit i mukök kilo mo yeŋon gwon a koanejin ŋupi, kogwon nye gwon ko pusök yinet na Ŋun lonyit, a nye iŋge toke ’ya ŋutu ti Yisaraele.

¹⁴ A karin tŋuto lo Yisaraele lo tatua koŋuto na Midiyan i pirit na geleŋ lo gwe a Jimeri ŋuro lo Salu, duma lo kadi na merenye lonyit logon a lo kötumit na Simeona.

¹⁵ A karin ti nuŋuto nagoŋ a na Midiyan nagoŋ a tatua na luguni a Kojebi ŋuro na Sur, duma lo kadi na merenye lonyit logon a lo kötumit na Midiyan.

¹⁶ A MATAT kulyani ko Mose adi,

¹⁷ Sasaŋdi ta ŋutu ti Midiyan, ko möröni ta ko lepeŋat;

¹⁸ kogwon se a sasaŋdu ta ko mumulukesi kase na mumuluŋge se ta i kulya ti Peor, ko i kulya ti Kojebi, ŋuto na duma lo Midiyan, kiaser nase na tatua i lor lo twanti i kulya ti Peor na.