Kenet 22 - Bibilia Buk na Ŋun nagon koti luŋu a

Balak a soŋdu luyökie ko Balam yu

¹ A ŋutu ti Yisaraele ŋiörö ŋiörö, a si ’dani i piritön ti Moaba nagoŋ a ’dara i nu pele na Yardene Yeriko yu.

² A Balak ŋuro lo Sipor iŋge met ŋo liŋ nagoŋ ŋutu ti Yisaraele a konakin ŋutu ti Amori kunu.

³ A ŋutu ti Moaba kujönöni kujönö parik kogwon kulya ti ŋutu ti Yisaraele, kogwon se gwe jore; a töilyet kase iŋge lwö ’yu kogwon kulya ti kulo ŋutu.

⁴ A ŋutu ti Moaba kulyani ko temejik ti Midiyan adi, Soŋinana lo lodir lo ŋutu mo babaju ŋo liŋ kayaŋ i swöt gwoso kiteŋ nagoŋ baju döru lo mu ’diŋ. A Balak ŋuro lo Sipor logon a mor lo Moaba i nu diŋit lo,

⁵ soŋdi luyökie ko Balam ŋuro lo Beor Petor yu, na gwon nyona ko kare Perat, i jur lo ŋutu kanyit, i luŋgu na lepeŋ adi, Mete, kötumit na ŋutu aje po Ejipeto yu kayaŋ ni, a se kulo muŋge kak, lepeŋat kilo si ’da i swöt lo diruŋdya köyö ni lo.

⁶ Po, ko lömöki nan kulo ŋutu, kogwon se ko riŋit lwölwöŋ nan; kode nan jojo te ’ya se a riköddi se kaŋo i lo jur; kogwon nan a den adi nye logon do a ’boro lo mo ’bo ’boria, a nye logon do a löm lo mo lömöni lömö.

⁷ A temejik ti Moaba se ko temejik ti Midiyan giörö giörö jogga ’dokesi waŋesi; a se ’dure ko Balam yu, a jamakiŋdye lepeŋ jamesi ti Balak.

⁸ A Balam kulyani ko lepeŋat adi, Mönuŋdye ta ni i lo tukwaje, a nan de nyökökiŋdye ta kutuk gwoso na kulyari MATAT ko nan na. A ŋutu lokukwön ti Moaba mönuŋdye ko Balam yu.

⁹ A ŋun poŋdi ko Balam ni a pipije lepeŋ adi, Kulo ŋutu a ko ga logon gwon ko do kulo?

¹⁰ A Balam waddi ŋun adi, Balak ŋuro lo Sipor, mor lo Moaba sunyuŋdyö kulo ŋutu köyö ni adi,

¹¹ Mete, kötumit na ŋutu aje poŋdya kaŋo Ejipeto yu, a se kulu muŋge kak; po, ko lömöki nan lepeŋat; kode nan jojo te ’ya se a riköddi se kaŋo.

¹² A ŋun kulyani ko Balam adi, Do ködyö ti moraddu ko se, a do ködyö tine lömbu kilu ŋutu, kogwon se a ’boria.

¹³ A Balam ŋine ki i ko ’bure, a kulyani ko ŋutu lokukwön ti Balak kulo adi, Iti ta kasu i jur, kogwon MATAT a renya kölöddu nan i moraddu ko ta.

¹⁴ A ŋutu lokukwön ti Moaba kulo giörö giörö a iti ko Balak yu, a kulyani adi, Balam a renya moruŋdya koyi.

¹⁵ A Balak köti soŋdi ŋutu lokukwön jore logon bubula lwölwöŋ ti kokwe kulu.

¹⁶ A se ’dure ko Balam yu, a kulyani ko lepeŋ adi, Balak ŋuro lo Sipor kulya adi, Ti nene ŋo gwe ’bayin na teggu do i po köyö ni;

¹⁷ kogwon nan mo bu ’ya do ko bulet duma parik, a ŋo liŋ nagoŋ do a jamakin nan kine a nan mo koŋdi koŋdya. Po, lömöki nan kilo ŋutu.

¹⁸ Ama a Balam waddi a kulyani ko kaparak ti Barak kulo adi, Ma ’di ködyö Balak a tiŋdu nan kadi nanyit a jore ko pödö ko dakap, nan ködyö ti bulö lwöŋgu saret lo MATAT ŋun liŋ, i koŋdya a na ’dit kode lwölwöŋgu.

¹⁹ Böŋö mönuŋdye ta ŋilo tukwaje köti, anyen nan böŋö deden ko MATAT köti de takiŋdya nan nyo.

²⁰ tukwaje a ŋun poŋdi ko Balam ni a kulyani ko lepeŋ adi, Ko ŋutu kulo a po i luŋgu na do, ŋine ko iti ko lepeŋat; ama tuŋ do ködyö koŋdya ŋo nagoŋ nan mo tatakin do kune.

Kaine na Balam a meddya malaikatat

²¹ A Balam ŋine ki i ko ’bure, a toŋi kaine nanyit, a nye iti tu ko ŋutu lokukwön ti Moaba.

²² Ama a woran na ŋun iŋge tule kogwon nye a tu; a malaikatat lo MATAT gwo ’de i kiko gwoso miriku lonyit. A nye gwe i tu ko kaine nanyit, ko kölipönök kanyit murek moraddu ko lepeŋ.

²³ A nu kaine meddi malaikatat lo MATAT i gwo ’dan i kiko, ko baŋdu ajo kanyit i könin; a nu kaine girara kaŋo i kiko, a iti i melesen; a Balam gwuddye kaine anyen nyökuŋdyö lepeŋ i kiko.

²⁴ A malaikatat lo MATAT gwo ’de i kiko i kwake na luköbiöt ti kaden ti binyo, a mariŋ nagoŋ tetena ko gurupö gwe i lu swöt lo kiko ko i lo swöt.

²⁵ A kaine ko meddi malaikatat lo MATAT, a nye ri ’diaddi mugun i mariŋ nagoŋ a gurupö, a nye miyikakiŋdye moköt lo Balam i gurupö; a Balam gwuddye lepeŋ köti.

²⁶ A malai katat lo MATAT iti ŋerot a gwo ’de i pirit nagusu nagoŋ pirit löpuket ti rye i lutaten kode i kadoŋe.

²⁷ A na meddi kaine malaikatat lo MATAT nu, a nye pirikine kak ko Balam nyuŋ kanyit ki; a Balam iŋge woran parik a gwuddye kaine ko ture lonyit.

²⁸ A MATAT gaji kutuk na kaine, a kaine pipije Balam adi, Nan a konakin do nyo anyen do ’biddye nan daŋin musala na?

²⁹ A Balam waddi kaine adi, Nan a gwut do kogwon do a birye ko nan. A na ’but ko nan ködyö gwon ko baŋdu köyö i könin, a nan ködyö aje tatu do.

³⁰ A kaine pipije Balam adi, Nan ti gwon a kaine inot le, nagoŋ yeyegga do perok kulök liŋ tojo ko lo lor? Nan ŋona yeŋ konakin do sona? A nye waddi adi, ’Bayin.

³¹ A MATAT gaji konyen ti Balam, a meddi malaikatat lo MATAT gwo-gwo ’dan i kiko, ko baŋdu lonyit ajo kanyit i könin; a nye du ’ye kwe nanyit, a ’dorone kak rupu.

³² A malaikatat lo MATAT pipije lepeŋ adi, Nyö do a gwud-dyö kaine inot kine daŋin musala? Meddi, nan a po kaŋo i teŋgu na do, kogwon do a nyoŋga kiko ilot a mo ’doke köyö i komor;

³³ a ŋina kaine aje met nan, a girara a swöt köyö i komor kine daŋin musala. Ko nye ködyö a ko girara kaŋo köyö, iŋkoi sunana nan ködyö aje tatuja do a kölökiŋdye lepeŋ jörun.

³⁴ A Balam waddi malaikatat lo MATAT lo adi, Nan a toroŋdya, kogwon nan a ko den adi do gwon i gwo ’dan i kiko i ŋoja na nan. Nyenagoŋ ko ŋina ŋo meta a naron konut, a nan mo yitöni bot.

³⁵ A malaikatat lo MATAT kulyani ko Balam adi, Moraddi ko kulo ŋutu; ama ake do ködyö jambu kulyaet logon nan mo tatakin do lo. A Balam moraddi ko ŋutu lokukwön ti Balak kulo.

Balam ko Balak

³⁶ A na yiŋge Balak adi Balam aje ’dur nu, a nye iti kaŋo i torumbö ko lepeŋ i köji na Moaba, i lokökorit logon a Arenon, logon gwon i ŋoŋet lo lokökorit lo jur.

³⁷ a Balak pipije Balam adi, Nan a ko soŋdu ŋutu konut i luŋgu na do le? Ko nyo nagoŋ do a ko po köyö ni? Nan ti jo bu ’ya do le?

³⁸ A Balam waddi Balak adi, Meddi, nan aje po konut ni! Riŋit nio ŋona kata köti soŋinana nagoŋ nan ko mugun jambu nene ŋo le? Tuŋ kulyaet logon Ŋun a tin köyö i kutuk lo nan jambu nye.

³⁹ a Balam moraddi ko Balak, a se ’dure Kiryat-kusot.

⁴⁰ A Balak ’duŋge kisuk ko yidin a rubaŋga a sunyukiŋdye Balam se ko ŋutu lokukwön lo gwon ko lepeŋ kulo.

⁴¹ A ko gwe sona i ko ’bure, a Balak ’dumuŋdye Balam a joŋgi nye ki i pirit na luŋu a ko ’dulan ti Bala, a nyu nye metaddi ’dutesi ti kulo ŋutu.