Kenet 2 - Bibilia Buk na Ŋun nagon koti luŋu a

Temejik ti kötumitön ko merajin kase

¹ A MATAT jambi ko Mose ko Arona adi,

² ŋutu ti Yisaraele ködyö ’beggu kemialan kase a kötumitön ko beretan kase, se ko kweyesi ti kötumitön ti merenyejin kase; a se ’bikikiŋdye kemialan kase i swötön liŋ komora kemia torumet.

³ A ŋutu logon ’beggu i swöt lo ’yure lo nyeruŋdye kolor lo ködyö gwe a ŋutu ti beret na Yuda gwoso i teŋon kase, a matat lo ŋutu ti Yuda gwe a Nasona ŋuro lo Aminadaba.

⁴ A kenet na ŋutu ti teŋ nanyit gwe a alipan merya buryo wot iŋwan ko miajin buker.

⁵ A ŋutu logon ’beggu kemialan kase diŋö ko lepeŋ kulo ködyö gwe a kötumit na Yisakar, a matat lo ŋutu ti Yisakar gwe a Netanele ŋuro lo Suar.

⁶ A kenet na ŋutu ti teŋ nanyit gwe a alipan merya mukanat wot iŋwan ko miajin iŋwan.

⁷ A kirut gwe a kötumit na Jebulun, a matat lo ŋutu ti Jebulun gwe a Eliaba ŋuro lo Kelon,

⁸ a kenet na ŋutu ti teŋ nanyit gwe a alipan merya mukanat wot buryo ko miajin iŋwan.

⁹ A kenet na ŋutu liŋ ti mera na Yuda gwoso i teŋon kase gwe a alipan mia geleŋ ko merya budök wot buker ko miajin iŋwan. A kilo ködyö lo yuörö koŋa a kokwe.

¹⁰ A i swöt lo loki ködyö gwe a beret na mera na Rubena gwoso i teŋon kase, a matat lo ŋutu ti Rubena gwe a Elisur ŋuro lo Sedeyur.

¹¹ A kenet na ŋutu ti teŋ nanyit gwe a alipan merya iŋwan wot buker ko miajin mukanat.

¹² A ŋutu logon ’beggu kemialan kase diŋö ko lepeŋ kulo ködyö gwe a kötumit na Simeona, a matat lo ŋutu ti Simeona gwe a Salumiele ŋuro lo Surisadai,

¹³ a kenet na ŋutu ti teŋ nanyit gwe a alipan merya mukanat wot buŋwan ko miajin musala.

¹⁴ A kirut gwe a kötumit na Gada, a matat lo ŋutu ti Gada gwe a Elayasap ŋuro lo Ruele,

¹⁵ a kenet na ŋutu ti teŋ nanyit gwe a alipan merya iŋwan wot mukanat ko miajin buker ko merya mukanat.

¹⁶ A kenet na ŋutu liŋ ti mera na Rubena gwoso i teŋon kase gwe a alipan mia geleŋ ko merya mukanat wot geleŋ ko miajin iŋwan ko merya mukanat. A kilo ködyö lo yuörö koŋa a tomurek.

¹⁷ A kirut kemia torumet ködyö toyuöjine ŋerot, se ko mera na Lewijin i kiden na merajin; a se kodyö yuörö gwoso na ’bikikiŋdye se kemialan kase nu, ŋutu liŋ kase i piritön, beret ko beret.

¹⁸ A i swöt lo tokotyao ködyö gwe a beret na mera na Epuraima gwoso i teŋon kase, a matat lo ŋutu ti Epuraima gwe a Elisama ŋuro lo Amiuda.

¹⁹ A kenet na ŋutu ti teŋ nanyit gwe a alipan merya iŋwan ko miajin mukanat.

²⁰ A ŋutu logon ’beggu kemialan kase diŋö ko lepeŋ kulo ködyö gwe a kötumit na Manase, a matat lo ŋutu ti Manase gwe a Gamaliele ŋuro lo Pedasur,

²¹ a kenet na ŋutu ti teŋ nanyit gwe a alipan merya musala wot murek ko miajin murek.

²² A kirut gwe a kötumit na Benyamina, a matat lo ŋutu ti Benyamina gwe a Abidan ŋuro lo Gideoni,

²³ a kenet na ŋutu ti teŋ nanyit gwe a alipan merya musala wot mukanat ko miajin iŋwan.

²⁴ a kenet na ŋutu liŋ ti mera na Epuraima gwoso i teŋon kase gwe a ŋutu alipan mia geleŋ ko budök ko mia geleŋ. A kilo ködyö lo yuörö koŋa a tomusala.

²⁵ A i swöt lo lobot ködyö gwe a beret na mera na Dan gwoso i teŋon kase, a matat lo ŋutu ti Dan gwe a Akiyejer ŋuro lo Amisadai.

²⁶ A kenet na ŋutu ti teŋ nanyit gwe a alipan merya buker wot murek ko miajin buryo.

²⁷ A ŋutu logon ’beggu kemialan kase diŋö ko lepeŋ kulo ködyö gwe a kötumit na Aser, a matat lo ŋutu ti Aser gwe a Pagiele ŋuro lo Okran,

²⁸ a kenet na ŋutu ti teŋ nanyit gwe a alipan merya iŋwan wot geleŋ ko miajin mukanat.

²⁹ A kirut gwe a kötumit na Napatali, a matat lo ŋutu ti Napatali gwe a Akira ŋuro lo Enan,

³⁰ a kenet na ŋutu ti teŋ nanyit gwe a alipan merya mukanat wot musala ko miajin iŋwan.

³¹ A kenet na ŋutu liŋ ti mera na Dan gwe a alipan mia geleŋ ko merya mukanat wot buryo ko miajin buker. A kilo ködyö lo yuörö koŋa a ti ’dutet, beret ko beret.

³² Kilo a ŋutu ti Yisaraele gwoso i kenet na kötumitön ti merenyejin kase; a ŋutu liŋ lo gwon i merajin logon a kena a teŋon teŋon kulo gwe a alipan miajin buker ko musala ko miajin mukanat ko merya mukanat.

³³ Ama Lewijin a ko kena i kiden na ŋutu ti Yisaraele, gwoso na saŋi MATAT Mose nu.

³⁴ Nyena a ŋutu ti Yisaraele koŋdi gwoso i ŋo liŋ na sarakin MATAT Mose kunu, kweja adi se a ’bikikiŋdyö kemialan kase sona ko beresi kase nyona, a se yuöro koŋa sona, ŋutu liŋ geleŋ geleŋ gwoso i midijik kase, ko gwoso i kötumitön ti merenyejin kase.