Kenet 12 - Bibilia Buk na Ŋun nagon koti luŋu a

Miriama ko Arona a jambu arabat i kulya ti Mose

¹ A Miriama ko Arona jambi arabat i kulya ti Mose kogwon nakwan na yemun nye i kötumit na Kusa na, kogwon nye aje yemba nene ŋuto na Kusa;

² A se kulyani adi, ’Diri MATAT a jambu ko kutuk na Mose geleŋ tuŋ le? Nye a ko jambu kayaŋ i kutusen köti? A MATAT yiŋge kilo kulyaesi.

³ A ŋilu ŋuto Mose gwe a lokoyok parik lwölwöŋ ŋutu liŋ lo gwon i kak.

⁴ ’De ’de kijek a MATAT kulyani ko Mose ko Arona ko Miriama adi, Lupöni ta kaŋo, ta musala, iti ta tojo ko kemia torumet nyu. A se musala liŋ lupuŋdye kaŋo.

⁵ A MATAT poŋdi kak i bilili lo luru lukata, a gwo ’de i kötumit na kemia torumet, a luŋgi Arona ko Miriama; a se murek poŋdi kaŋo.

⁶ A nye kulyani adi, Yiŋge ta kulyaesi kwe. Ko ködyö nebi kata kasu kiden, a nan logon a MATAT tiŋdi mugun i dena ko lepeŋ i ŋo na memeta, a nan jambi ko nye i rudwe.

⁷ Ama ti gwon sona ko kölipönit liŋ Mose; lepeŋ a ŋuto lo yiyiniki i kita köyö i mede liŋ.

⁸ A nan jambi ko lepeŋ a lokomor, nan jambu ko kulyaesi köke ti gwon i tolupesi; a nye meddi gwuluet nio na MATAT. Nyenagoŋ ko nyo nagoŋ ta ’bak kujönö i jambu arabat i kulya ti kölipönit liŋ Mose?

⁹ A woran na MATAT iŋge rölökiŋdyö i se, a nye iti tu;

¹⁰ A nagoŋ luru a wusaji kaŋo i loki na kemia nu, mete, a Miriama mokani rimajin, a gwe a nakwe gwoso kurök.

¹¹ A Arona wöriŋö-jine ko Miriama yu, a meddi lepeŋ gwe ko rimajin. A Arona kulyani ko Mose adi, A pon duma liŋ, böŋö ko riŋ yi, kogwon yi a koŋdya ko tu ’böŋön a iŋge toroŋdya.

¹² Böŋö ti nye gwe ti gwon gwoso ŋuto lo twan, logon swöt lo mugun nanyit a nyei kaŋo na ta ’duwe ’i lepeŋ ko ŋote i pele nu.

¹³ A Mose gwiki ko MATAT adi, Tokele lepeŋ böŋö pon Ŋun.

¹⁴ Ama a MATAT kulyani ko Mose adi, Ko ködyö monye lonyit a ’yitakiŋdya kamulak kanyit i komor, nye ködyö wuju yu na kwe perok buryo. ’Bayin sona le? Ti nye kinikine kadi i kaŋo na mera ko perok buryo, a i mukök nanyit a nye joŋani lukata köti.

¹⁵ A Miriama iŋge kiniki kadi i kaŋo na mera perok buryo; a ŋutu tine ŋiörö köti tojo ko Miriama a nyökwe.

¹⁶ A i mukök na kine kulya a ŋutu ŋiörö koŋa Kaserot yu, a se ’beggi mera i yöbu na Paran.