Kenet 11 - Bibilia Buk na Ŋun nagon koti luŋu a

MATAT a rukökiŋdyö tiŋdu ŋutu ti Yisaraele lokore

¹ A ŋutu wiwinyani wiwinya ko wiwinyesi narok a MATAT yi-yiŋga; a MATAT ko yiŋge kine kulya a woran nanyit rö ’yi rö ’yu, a kimaŋ na MATAT tuleki kase kiden, a iŋge totum kunie ’dutesi ti mera.

² A ŋutu gwiki ko Mose; a Mose momo ’yi MATAT, a nu kimaŋ twane twan.

³ Nyena a karin ti nu pirit luguni a Tabera, kogwon kimaŋ na MATAT aje tulekin kase kiden.

⁴ A lodir lo ŋutu ka ’de ka ’de lo gwon kase kiden kulo iŋge moka ko rinyuŋ; a ŋutu ti Yisaraele poki i gwien köti, a pipije adi, Ŋa lo tiŋdu yi lokore anyen yi nyönyö?

⁵ Yi a yiyi-uŋdyö somot na nyö yi Ejipeto nyu kunu ’bak ropet, ko kiar, ko batiak, ko kurut, ko basala, se ko basala tum;

⁶ ama soŋinana rigitön kaŋ aje ’baka, a nene ŋo gwe ’bayin kwöŋ nagoŋ yi memet ake yi meddya kine mana tuŋ.

⁷ Nyena a mana gwe gwoso konyen ti bamia lodök, a meta nanyit gwe gwoso meme.

⁸ A ŋutu kulu wöröjine kaŋo i ’du ’dumba na se, a nyö ’buŋe se i kijolon kode juŋgö se i kujukitön, a deŋi se i sapya a teteŋdi a ambatajin, a ’de ’denya nase gwe gwoso ’de ’denya na ambatajin na kelo ko welet.

⁹ A ko puŋutut pokin kak i mera i tukwaje, a mana köti poki ko lepeŋ i pirit na geleŋ.

¹⁰ A Mose yiŋge gwien na ŋutu i midijik kase, ŋutu liŋ geleŋ geleŋ gwigwien i kötumitön ti kemialan kase; a woran na MATAT rö ’yi rö ’yu parik; a Mose poki i delya.

¹¹ A Mose pipije MATAT adi, Ko nyo do a konakiŋdya nan kölipönit ilot arabat sona? Ko nyo nan a ko ryö ’busan konut i komor nagoŋ do aje sobba nan ko yeŋga na kilo ŋutu liŋ?

¹² Nan lo piŋga kilo ŋutu liŋ le? Nan lo ta ’duun-dyö se le? Nyö do takiŋdya nan adi nan ködyö ’debba se köyö i kido gwoso ka ’depanit na ’debba lupudi lo nönöŋgu na, tojo i lu jur logon do aje milyekin tiŋdu merenyejin kase?

¹³ Nan ryö lokore ya anyen tin kulo ŋutu liŋ? Kogwon se kulo gwikin köyö adi, Tiki yi lokore anyen yi nyönyö.

¹⁴ Nan ti jukin yeyegga kulo ŋutu liŋ nan geleŋ, kogwon pömöni köyö.

¹⁵ Nyena-ŋon ko do ködyö ’dek konakiŋdya nan sona, bögö ko nan ködyö a ryö ’busan konut i komor, a ti do tatune tatu nan, anyen nan gwon ti met kine kulya kwe narok.

¹⁶ A MATAT kulyani ko Mose adi, Pepenakiŋdye nan ŋutu merya buryo ti temejik ti ŋutu ti Yisaraele, logon do a den lepeŋat a temejik ko a kame-metak kase kulo, joŋdi se tojo i kemia torumet, ko ti se gwo ’de ko do i pirit na geleŋ nyu.

¹⁷ A nan mo poŋdi kak i jambu ko do nyu; a nan mo ’dumaddi nene riŋit na Mulökötyo nagoŋ a tiki do na a nan mo tiŋdi lepeŋat; a se mo yeyeggi kilo ŋutu ko do i pirit na geleŋ, a do mo tine yeyegga do geleŋ.

¹⁸ Kulyani ko ŋutu kulo adi, Toke ’yi ta ’börik i möŋdu na ko ’bure, a ta mo nyesi lokore; kogwon ta aje gwien a MATAT yiyiŋga, adi Ŋa de lo tiŋdu yi i nyesu na lokore? Kogwon kulya kaŋ köju a na ’but Ejipeto yu. Nyenagoŋ a MATAT de tiŋdi ta lokore, a ta de nyesi nyesu.

¹⁹ A ta mo tine nyesu lokore i lor geleŋ, kode i perok murek, kode i perok mukanat, kode i perok puök, kode luŋa i perok merya murek,

²⁰ ama ta mo nyesu lokore ko yapa ’bukuluŋ, tojo ko nye aje mökin kasu i kusik a ta mane man, kogwon ta aje renya MATAT lo gwon kasu kiden lo, a ta aje gwikin kanyit i komor adi, Ko nyo nagoŋ yi a yuörö kaŋo i jur lo Ejipeto?

²¹ Ama a Mose kulyani adi, Kilo ŋutu a alipan miajin buker lo jojo wörö ko mok logon nan gwon kase kiden kilo; a do kulyani adi, Nan mo titin lepeŋat lokore, anyen se nyönyö ko yapa ’bukuluŋ!

²² Teŋon ti yidin ko ti kisuk ködyö ’duŋöki lepeŋat, anyen jukin se le? Somöt liŋ ti tör momoraki lepeŋat anyen jukin se le?

²³ A MATAT waddi Mose adi, Könin liŋ lo MATAT a wora a lorutut le? Soŋinana do de memet kode kulyaet liŋ de popokin konut a gwak kode ’bayin.

Ŋutu temejik a keju

²⁴ A Mose lupöni kaŋo a nyönyökö-kiŋdye ŋutu kulo kilo kulyaesi ti MATAT; a nye pepenuŋdye ŋutu merya buryo ti temejik ti ŋutu, a tiŋdi se i gwo ’dan logga kemia.

²⁵ a MATAT poŋdi kak i luru a jambi ko lepeŋ, a nye ’dumuŋdye nene riŋit na Mulökötyo na gwon ko Mose na a tiŋdi temejik merya buryo kulo; a nagoŋ riŋit na Mulökötyo poki ko lepeŋat nu a se keŋ keju, ama a se tine nyöggu keju.

²⁶ Ama a ŋutu murek kulo karaki i mera, karin ti lele a Eledada, a ti lele gwe a Medada, a ŋina riŋit na Mulökötyo gwe kase; a se gwe a ti kilo merya buryo logon a wurö kulo, ama se a ko tu kaŋo tojo i kemia, a se keŋ keju i mera lukata.

²⁷ A lele titinti wöki wökön a takiŋdye Mose adi, Eledada ko Medada kulo gwe i keju i mera.

²⁸ A Yosua ŋuro lo Nun, kaparanit lo Mose, logon a lele lo ŋutu kanyit lo wulwe lo kulyani adi, Pon Mose duma liŋ, teŋgi lepeŋat.

²⁹ Ama a Mose pipije lepeŋ adi, Do yinö i kulya kwe le? Ködyö a na ’but ko ŋutu liŋ ti MATAT gwon a nebijin, anyen MATAT tikiŋdya lepeŋat Mulökötyo lonyit!

³⁰ A Mose ko temejik ti Yisaraele yitöni i mera.

MATAT a sunyuŋdyö kwen tiŋgwuruŋön

³¹ A MATAT tiŋdi köbuŋöt i wukun-dyö na kwen tiŋgwuruŋön i tör na ’balaŋ, a tiŋdi se i ’daju nyona ko mera, gwoso jölö na lor geleŋ i lo swöt se ko jölö na lor geleŋ i lu swöt, i lorga na mera, a se ’daji ki gwoso lokiliŋan murek i loki na kak.

³² A ŋutu ŋine ŋien i ŋilu lor liŋ, ko i tukwaje liŋ, ko i kotumalu nanyit liŋ, i momo-ruŋdya na kwen tiŋgwuruŋön; a nye logon momora ku ’dik lwölwöŋ kulye ŋutu lo momoruŋdye wuyit na komeran puök; a se peddi se kak i lowa kase i swötön liŋ ti mera.

³³ A i diŋit nagoŋ se gwon i nyaka ’yu na lokore a gwe a ko nyuŋ wi ’yö nu, a woran na MATAT lölökiŋdye i se, a MATAT iŋge tatu kulu ŋutu ko twanti duma parik.

³⁴ Nyenagoŋ a karin ti nu pirit gwiyöni a Kibirot-atawa, kogwon se a nugga ŋutu logon ko rinyuŋ kulo nyu.

³⁵ A ŋutu yuörö kaŋo Kibirot-atawa a iti tojo Kaserot; a se si ’dani Kaserot.